ತಾಜಾ ತಾಜಾ ಪೇರಳೆ ಹಣ್ಣು ತಿನ್ನದವರಿಲ್ಲ. ಯಾಕೆಂದರೆ ಮನೆಯ ಹಿತ್ತಲಲ್ಲಿ ಕೊಂಚ ಸ್ಥಳಾವಕಾಶವಿದ್ದರು ಪೇರಳೆ ಹಣ್ಣಿನ ಗಿಡವನ್ನು ಸಾಮನ್ಯವಾಗಿ ಎಲ್ಲರು ಬೆಳೆಸಿರುತ್ತಾರೆ.
ಪೇರಳೆ ಹಣ್ಣು ತಿನ್ನಲು ಮಾತ್ರ ಅಲ್ಲ ಜ್ಯೂಸ್ ಮಾಡಿ ಕುಡಿಯಲು ನಮ್ಮ ದಾಹವನ್ನು ತೀರಲು ಉತ್ತಮ. ಇನ್ನು ಸ್ವಲ್ಪ ಅಡ್ವಾನ್ಸ್ ಆಗಿ ಇದರಿಂದ ಜಾಮ್ ನ್ನು ತಯಾರಿಸಬಹುದು. ಇನ್ನು ಈ ಪೇರಳೆ ಹಣ್ಣಿನ ಎಲೆಯು ಉತ್ತಮ ಔಷಧೀಯ ಗುಣವನ್ನು ಹೊಂದಿದ್ದು ಹೊಟ್ಟೆ ನೋವಿಗೆ ಬಲು ಉಪಕಾರಿ.
ಪೇರಳೆ ಹಣ್ಣಿನ ಚಟ್ನಿ ಮಾಡೋಕೆ ಈ ರೆಸಿಪಿ ಟ್ರೈ ಮಾಡಿ
ಬೇಕಾಗಿರುವ ಪದಾರ್ಥಗಳು
250 ಗ್ರಾಂ ತಾಜಾ ಪೇರಳೆ
1/2 ಕಪ್ ಕೊತ್ತಂಬರಿ ಸೊಪ್ಪು
1 ಟೀ ಸ್ಪೂನ್ ಕತ್ತರಿಸಿದ ಶುಂಠಿ
1 ಟೀಸ್ಪೂನ್ ಕತ್ತರಿಸಿದ ಹಸಿರು ಮೆಣಸಿನಕಾಯಿ
1/2 ಟೀಸ್ಪೂನ್ ಕಪ್ಪು ಉಪ್ಪು
1/2 ಟೀಸ್ಪೂನ್ ಜೀರಿಗೆ ಪುಡಿ
2 ಟೀಸ್ಪೂನ್ ನಿಂಬೆ ರಸ
ಮಾಡುವ ವಿಧಾನ
• ಪೇರಳೆ ಹಣ್ಣನ್ನು ಚೆನ್ನಾಗಿ ತೊಳೆದು, ಬಟ್ಟೆಯಿಂದ ಒರೆಸಬೇಕು.
• ಸಿಪ್ಪೆ ಸುಲಿಯದೆನೇ ಹಣ್ಣನ್ನು ಸಣ್ಣ ತುಂಡುಗಳಾಗಿ ಕತ್ತರಿಸಬೇಕು.
• ಗಾತ್ರದಲ್ಲಿ ದೊಡ್ಡದಿರುವ ಬೀಜಗಳನ್ನು ತೆಗೆದು ಸಣ್ಣ ಬೀಜಗಳನ್ನು ಉಳಿಸಿಕೊಳ್ಳಬಹುದು.
• ಪೇರಳೆ, ಕೊತ್ತಂಬರಿ ಸೊಪ್ಪು, ಶುಂಠಿ, ಹಸಿ ಮೆಣಸಿನಕಾಯಿ,ಕಪ್ಪು ಉಪ್ಪು, ಜೀರಿಗೆ, ನಿಂಬೆ ರಸ ಮತ್ತು 2-3 ಚಮಚ ನೀರುನ್ನು ಸೇರಿಸಿ ಬ್ಲೆಂಡರ್ಗೆ ಸೇರಿಸಿ ನಯಾವಾಗಿ ರುಬ್ಬಿಕೊಳ್ಳಿ.
• ರುಚಿಗೆ ತಕ್ಕಷ್ಟು ಉಪ್ಪು ಮತ್ತು ನಿಂಬೆ ರಸವನ್ನು ಅವಶ್ಯಕತೆ ಇದ್ದಲ್ಲಿ ಸೇರಿಸಿದರೆ ಪೇರಳೆ ಚಟ್ನಿ ರೆಡಿ.