ಭಾರತದಲ್ಲಿ ದೇಶೀಯ ವಿಮಾನ ಹಾರಾಟಕ್ಕೆ ಮತ್ತು ಅಂತಾರಾಷ್ಟ್ರೀಯ ವಿಮಾನ ಹಾರಾಟಕ್ಕೆ ಜೆಟ್ ಫುಯೆಲ್ ಇಂಧನದ ದರಗಳನ್ನು ಹೆಚ್ಚಿಸಲಾಗಿದೆ. ಇದರಿಂದಾಗಿ ದೇಶೀಯ ಹಾರಾಟಕ್ಕೆ ಪ್ರತೀ ಕಿಮೀಗೆ ಸುಮಾರು ಶೇ. 10ರಷ್ಟು ವಿಮಾನದ ಬೆಲೆ ಹೆಚ್ಚಿಗೆ ಆಗಿದೆ.
ವಿಮಾನಗಳಿಗೆ ಬಳಸುವ ಏವಿಯೇಷನ್ ಟರ್ಬೈನ್ ಫುಯೆಲ್ ಬೆಲೆಯನ್ನು ಹೆಚ್ಚಿಸಲಾಗಿದೆ. ಹಾಗಾಗಿ ತೈಲ ಮಾರುಕಟ್ಟೆ ಕಂಪನಿಗಳು (ಒಎಂಸಿ) ಆಗಸ್ಟ್ ಒಂದರಿಂದ ಜೆಟ್ ಇಂಧನದ ಬೆಲೆಯನ್ನು ಏರಿಸಿವೆ.
ಜುಲೈ 1ರಂದೂ ಜೆಟ್ ಫುಯೆಲ್ ಬೆಲೆ ಏರಿಸಲಾಗಿತ್ತು. ಇದರೊಂದಿಗೆ ಸತತ ಎರಡನೇ ಬಾರಿ ಎಟಿಎಫ್ ಬೆಲೆ ಹೆಚ್ಚಳವಾಗಿದೆ. ಪ್ರತೀ ಕಿಲೋಮೀಟರ್ಗೆ ಜೆಟ್ ಇಂಧನದ ಬೆಲೆ ಸುಮಾರು 8,000 ರೂ ನಷ್ಟು ಹೆಚ್ಚಳವಾಗಿದೆ. ಲೀಟರ್ ಲೆಕ್ಕದಲ್ಲಿ ಸುಮಾರು 8 ರೂನಷ್ಟು ಬೆಲೆ ಹೆಚ್ಚಳವಾಗಿದೆ. ಜುಲೈ ತಿಂಗಳಲ್ಲಿ ಶೇ. 1.65ರಷ್ಟು ಹೆಚ್ಚಳವಾಗಿದ್ದ ಇವುಗಳ ಬೆಲೆ ಈ ಬಾರಿ ಸುಮಾರು ಶೇ. 10ರಷ್ಟು ಏರಿಕೆ ಮಾಡಲಾಗಿದೆ.
ದೆಹಲಿ, ಕೋಲ್ಕತಾ, ಮುಂಬೈ ಮತ್ತು ಚೆನ್ನೈನಲ್ಲಿ ಎಟಿಎಫ್ ಬೆಲೆಗಳನ್ನು ಓಎಂಸಿಗಳು ಗಣನೀಯವಾಗಿ ಹೆಚ್ಚಿಸಿವೆ. ಮುಂಬೈನಲ್ಲಿ ಸದ್ಯ ಜೆಟ್ ಇಂಧನ ಬೆಲೆ ಅತಿಕಡಿಮೆ ಇದ್ದು, ಕೋಲ್ಕತಾದಲ್ಲಿ ಅತಿದುಬಾರಿ ಎನಿಸುತ್ತಿದೆ.
ವಾಣಿಜ್ಯ ನಗರಿ ಮುಂಬೈನಲ್ಲಿ ಜೆಟ್ ಇಂಧನದ ಬೆಲೆ ಲೀಟರ್ಗೆ 84.854 ರೂ ಇತ್ತು. ಕಿಲೋಮೀಟರ್ಗೆ 84,854 ರೂ ಇತ್ತು. ಇದೀಗ ಇದರ ಬೆಲೆ 92,124.13 ರೂಗೆ ಏರಿಸಲಾಗಿದೆ. ರಾಜಧಾನಿ ನಗರಿ ದೆಹಲಿಯಲ್ಲಿ ಕಿಲೋಮೀಟರ್ಗೆ 90,857 ರೂ ಇದ್ದ ಜೆಟ್ ಇಂಧನದ ಬೆಲೆ ಇದೀಗ 98,508.26 ರುಪಾಯಿಗೆ ಹೆಚ್ಚಳವಾಗಿದೆ.
ಇನ್ನು, ಚೆನ್ನೈನಲ್ಲಿ ಜೆಟ್ ಇಂಧನದ ಬೆಲೆ ಜುಲೈನಲ್ಲಿ ಪ್ರತೀ ಕಿಮೀಗೆ 94,530 ರೂ ಇತ್ತು. ಇದೀಗ ಆಗಸ್ಟ್ 1ರಂದು ಪರಿಷ್ಕರಣೆಯಾದ ಬೆಲೆ ಪ್ರಕಾರ 1,02,391.64 ರೂ ಆಗಲಿದೆ ಎಂದು ಮಾಹಿತಿ ನೀಡಲಾಗಿದೆ.
ಕೋಲ್ಕತಾದಲ್ಲಿ ಪ್ರತೀ ಕಿಮೀಗೆ ಜೆಟ್ ಇಂಧನದ ಬೆಲೆ 99,793 ರೂನಿಂದ 1,07,383.08 ರೂಪಾಯಿಗೆ ಏರಿಕೆ ಮಾಡಲಾಗಿದೆ. ಇದೆಲ್ಲ ದೇಶೀಯ ಹಾರಾಟಗಳಿಗೆ ಇರುವ ಜೆಟ್ ಇಂಧನದ ಬೆಲೆಯಾಗಿದೆ. ಇನ್ನೂ ಅಂತಾರಾಷ್ಟ್ರೀಯ ಹಾರಾಟಕ್ಕೆ ಜೆಟ್ ಇಂಧನ ಬೆಲೆ ಪರಿಷ್ಕರಣೆ ಕೂಡ ಆಗಿದ್ದೂ, ಅದರ ಪ್ರಕಾರ ಮುಂಬೈನಲ್ಲಿ ಪ್ರತೀ ಕಿಮೀಗೆ ಜೆಟ್ ಇಂಧನದ ಬೆಲೆ 900.73 ಡಾಲರ್ ಆಗಿದೆ. ರೂಪಾಯಿ ಲೆಕ್ಕದಲ್ಲಿ ಸುಮಾರು 74,000 ರೂ ಆಗುತ್ತದೆ.
ಇನ್ನು, ದೆಹಲಿಯಲ್ಲಿ ಪ್ರತೀ ಕಿಮೀಗೆ 902.62 ಡಾಲರ್, ಚೆನ್ನೈನಲ್ಲಿ 897.83 ಡಾಲರ್ ಹಾಗೂ ಕೋಲ್ಕತಾದಲ್ಲಿ 941.09 ಡಾಲರ್ ಬೆಲೆಯನ್ನು ಎಟಿಎಫ್ ಸದ್ಯಕ್ಕೆ ಏರಿಸಲಾಗಿದೆ.
ಈ ಏರಿಕೆಯೊಂದಿಗೆ, ಭಾರತದಲ್ಲಿ ವಿಮಾನ ಪ್ರಯಾಣ ದುಬಾರಿಯಾಗಿದ್ದು, ಪ್ರಯಾಣ ದರದಲ್ಲಿ ಶೇ. 10ರಿಂದ 15ರಷ್ಟು ಹೆಚ್ಚಳವಾಗಿದೆ. ಸಾಮಾನ್ಯವಾಗಿ ಪ್ರಯಾಣ ಮಾಡುವವರು ಇದನ್ನು ನೋಡಿಕೊಂಡು ಹೋಗುವುದು ಉತ್ತಮ.