ಪ್ಲಾಸ್ಟಿಕ್ ಬಳಕೆಯನ್ನು ಕಡಿಮೆ ಮಾಡುವುದು ನಮ್ಮ ಆದ್ಯ ಕರ್ತವ್ಯ. ಎಲ್ಲೆಂದರಲ್ಲಿ ಕಸ ಬಿಸಾಡುವುದು, ಪ್ಲಾಸ್ಟಿಕ್ ಬಳಕೆ ಜಾಸ್ತಿ ಮಾಡುವುದು ವಿದ್ಯಾವಂತ ಜನರು ಮಾಡುತ್ತಾರೆ. ಹೀಗಿರುವಾಗ ಇದರ ಬಗ್ಗೆ ಜಾಗೃತಿ ಮೂಡಿಸುವುದು ಅಗತ್ಯ. ಹಾಗಾಗಿ ತಾವು ಕೆಲಸ ಮಾಡುವ ಆಫೀಸ್ನಲ್ಲಿ ಕೆಲವು ಬದಲಾವಣೆ ತರುವುದು ಅಗತ್ಯ.ಅಂತಹ ಕೆಲವು ಬದಲಾವಣೆಯ ಬಗ್ಗೆ ನೋಡೋಣ.
ಮರುಬಳಕೆ ಮಾಡಬಹುದಾದ ವಸ್ತುಗಳನ್ನು ಬಳಸಿ. ಏಕ-ಬಳಕೆಯ ಪ್ಲಾಸ್ಟಿಕ್ ವಸ್ತುಗಳ ಬದಲಿಗೆ ಮರುಬಳಕೆ ಮಾಡಬಹುದಾದ ನೀರಿನ ಬಾಟಲಿಗಳು, ಕಾಫಿ ಕಪ್ಗಳನ್ನು ಕಚೇರಿಯಲ್ಲಿ ಬಳಸಿ.
ನಿಮ್ಮ ಕಚೇರಿಗೆ ತಲುಪಿಸುವ ಉತ್ಪನ್ನಗಳು ಮತ್ತು ನಿಮ್ಮ ಕಚೇರಿಯಿಂದ ಸರಬರಾಜು ಆಗುವ ಉತ್ಪನ್ನಗಳನ್ನು ಪ್ಲಾಸ್ಟಿಕ್ ಪ್ಯಾಕೇಜಿಂಗ್ ಮಾಡುವ ಬದಲಾಗಿ ಆದಷ್ಟು ಪರಿಸರ-ಸ್ನೇಹಿ ಪ್ಯಾಕೇಜಿಂಗ್ ಆಯ್ಕೆ ಮಾಡಿ.
ನಿಮ್ಮ ಕಚೇರಿಯಲ್ಲಿ ಪ್ಲಾಸ್ಟಿಕ್ ತ್ಯಾಜ್ಯದ ಕುರಿತು ಜಾಗೃತಿ ಮೂಡಿಸಲು ಅಲ್ಲಲ್ಲಿ ಬೋರ್ಡ್ಗಳನ್ನು ಹಾಕಿ. ಪ್ಲಾಸ್ಟಿಕ್ ಬಳಕೆಯನ್ನು ಕಡಿಮೆ ಮಾಡಲು ಸಲಹೆಗಳನ್ನು ಹಂಚಿಕೊಳ್ಳಲು ನಿಮ್ಮ ಉದ್ಯೋಗಿಗಳಿಗೆ ತಿಳಿಸಿ.
ಪ್ಲಾಸ್ಟಿಕ್, ಕಾಗದ, ಗಾಜು ಮತ್ತು ಲೋಹ ಸೇರಿದಂತೆ ವಿವಿಧ ರೀತಿಯ ತ್ಯಾಜ್ಯಗಳಿಗೆ ಪ್ರತ್ಯೇಕ ಡಸ್ಟ್ಬಿನ್ ಇಡಿ. ಹೀಗೆ ಮಾಡುವುದರಿಂದ ಮರುಬಳಕೆಯ ವಸ್ತುಗಳನ್ನು ವಿಂಗಡಿಸಲು ಸಹಾಯವಾಗುತ್ತದೆ.
ಕಾಗದದ ಬಳಕೆಯನ್ನು ಕಡಿಮೆ ಮಾಡಲು ಡಿಜಿಟಲ್ ಸಂವಹನ ಮತ್ತು ದಾಖಲಾತಿಯನ್ನು ಪ್ರೋತ್ಸಾಹಿಸಿ. ಇದು ಪ್ಲಾಸ್ಟಿಕ್ ಬಳಕೆಯನ್ನು ಕಡಿಮೆ ಮಾಡಲು ಪರೋಕ್ಷವಾಗಿ ಸಹಾಯ ಮಾಡುತ್ತದೆ, ಏಕೆಂದರೆ ಅನೇಕ ಪೇಪರ್ ಉತ್ಪನ್ನಗಳನ್ನು ಸಹ ಪ್ಲಾಸ್ಟಿಕ್ನಲ್ಲಿ ಪ್ಯಾಕ್ ಮಾಡಲಾಗುತ್ತದೆ.