ಭಾರತದ ವಿವಿಧ ಪ್ರದೇಶಗಳಲ್ಲಿ ಅದರಲ್ಲೂ ಉಷ್ಣವಲಯದಲ್ಲಿ ದೀವಿ ಹಲಸು ಹೆಚ್ಚಾಗಿ ಬೆಳೆಯುತ್ತಾರೆ. ದಕ್ಷಿಣ ಕನ್ನಡ, ಉತ್ತರ ಕನ್ನಡ, ಕಾರವಾರ ಮತ್ತು ಧಾರವಾಡಗಳಲ್ಲಿ ಹೆಚ್ಚಾಗಿ ಕಾಣಬಹುದು. ಮನೆಯ ಹಿತ್ತಲಲ್ಲಿ ಸಾಮನ್ಯವಾಗಿ ದೀವಿ ಹಲಸನ್ನು ಬೆಳೆಸಿರುತ್ತಾರೆ. ಇದು ಖಾದ್ಯಕ್ಕು ಉತ್ತಮ ಆರ್ಥಿಕವಾಗಿಯು ಲಾಭಾಂಶವನ್ನು ನೀಡಬಲ್ಲದಾಗಿದೆ.
ದೀವಿ ಹಲಸಿನಿಂದ ಹಲವು ಬಗೆಯ ಖಾದ್ಯಗಳನ್ನು ಮಾಡಬಹುದು ಆದರೆ ದೀವಿ ಹಲಸಿನ ಫ್ರೈ ಒಮ್ಮೆಯಾದರೂ ಸವಿಯಲೇ ಬೇಕು.
ದೀವಿ ಹಲಸನ್ನು ದುಂಡಗೆ ತೆಳುವಾಗಿ ಕತ್ತರಿಸಿ ಇಡಬೇಕು.
ಇದಕ್ಕೆ ಬೇಕಾಗುವ ಸಾಮಾಗ್ರಿಗಳು
• ಒಂದೂವರೆ ಚಮಚ ಕೊತ್ತಂಬರಿ
• ಒಂದು ಚಮಚ ಜೀರಿಗೆ
• ಏಳು ಎಸಳು ಬೆಳ್ಳುಳ್ಳಿ
• ರುಚಿಗೆ ತಕ್ಕಷ್ಟು ಹುಣಸೆ
• ಹತ್ತರಿಂದ ಹನ್ನೊಂದು ಬ್ಯಾಡಗಿ ಮೆಣಸು.
• ಅಕ್ಕಿ ಹಿಟ್ಟು, ಕಾರ್ನ್ ಫ್ಲೋರ್
ಮಾಡುವ ವಿಧಾನ
• ಎಲ್ಲ ಪದಾರ್ಥಗಳನ್ನು ಮಿಕ್ಸಿಗೆ ಹಾಕಿ ಸ್ವಲ್ಪ ಅರಶಿನ ಮತ್ತು ಉಪ್ಪನ್ನು ಸೇರಿಸಿ ಚೆನ್ನಾಗಿ ರುಬ್ಬಿಕೊಳ್ಳಬೇಕು.
ಒಂದು ಚಮಚ ಅಕ್ಕಿ ಹಿಟ್ಟು ಮತ್ತು ಒಂದು ಚಮಚ ಕಾರ್ನ್ ಫ್ಲೋರ್ ತಗೆದುಕೊಂಡು, ರುಬ್ಬಿದ ಮಸಾಲೆಯನ್ನು ಇದಕ್ಕೆ ಸೇರಿಸ ಬೇಕು.
• ಎಲ್ಲವನ್ನು ಸಂಪೂರ್ಣವಾಗಿ ಮಿಶ್ರಣಗೊಳಿಸಿ ಈ ಮಿಶ್ರಣಕ್ಕೆ ದೀವಿ ಹಲಸನ್ನು ಸೇರಿಸಬೇಕು.
• ಮಿಶ್ರಣವು ಸಂಪೂರ್ಣವಾಗಿ ದೀವಿ ಹಲಸಗೆ ಹಚ್ಚಬೇಕು.
• ನಂತರ ಕಾದ ಎಣ್ಣೆಯಲ್ಲಿ ಇದನ್ನು ಫ್ರೈ ಮಾಡಬೇಕು. ಅನ್ನದ ಜೋತೆ ದೀವಿ ಹಲಸಿನ ಫ್ರೈ ತಿನ್ನಲು ರೆಡಿ.