ಉಡುಪಿ ವಿಡಿಯೊ ಪ್ರಕರಣ ರಾಜಕೀಯ ದಾಳವಾಗಿದೆ. ಪ್ಯಾರಾ ಮೆಡಿಕಲ್ ಕಾಲೇಜಿನಲ್ಲಿ ನಡೆದಂತ ಘಟನೆ ಈಗ ರಾಜ್ಯಾದಲ್ಲಿ ಪ್ರಮುಖ ಸುದ್ದಿಯಾಗಿದೆ. ಟೀಕೇಟ್ ಆಕಾಂಕ್ಷಿಗಳು ಮುಂದಿನ ಲೋಕ ಸಭಾ ಚುನಾವಣೆಗೆ ತಯಾರಿಯನ್ನು ಆರಂಭಿಸಿದ್ದಂತಿದೆ.
ಕಾಲೇಜು ಶೌಚಾಲಯದಲ್ಲಿ ಹೆಣ್ಣು ಮಕ್ಕಳ ವಿಡಿಯೊ ತಗೆದಿರುವ ವಿಷಯ ಸಣ್ಣ ವಿಚಾರವೇ ಎಂದು ಆಕ್ರೋಶ ವ್ಯಕ್ತಪಡಿಸಿ ಬಿಜೆಪಿ ಪಕ್ಷದ ಮಹಿಳಾ ಮೋರ್ಚಾ ಅಧ್ಯಕ್ಷೆ ಹೇಮನಂದೀಶ್ ಪ್ರಶ್ನಿಸಿದ್ದಾರೆ.
ಬಿಜೆಪಿ ಕಾರ್ಯಕರ್ತೆ ಶಂಕುತಲಾ ಎಚ್.ಎಸ್ ನೇರವಾಗಿ ಮುಖ್ಯಮಂತ್ರಿಗಳ ಕುಟುಂಬವನ್ನೇ ಗುರಿಯಾಗಿಸಿ ಅವಹೇಳಕಾರಿ ಹೇಳಿಕೆಯನ್ನು ಪೋಸ್ಟ್ ಮಾಡಿದ್ದಾರೆ. ಇದಕ್ಕೆ ಪ್ರತಿಯಾಗಿ ಕಾನೂನು ಕ್ರಮ ತಗೆದುಕೊಂಡಿತ್ತು. ಇದೀಗ ಮತ್ತೆ ತಮ್ಮ ಟ್ವೀಟ್ ವರಸೆಯನ್ನು ಬಿಗಿಯಾಗಿ ಬೀಸಿದ್ದಾರೆ. ಲಜ್ಜೆ ಕೆಟ್ಟ ಸರ್ಕಾರ ಮಹಿಳೆಯೆಂದು ನೋಡದೇ ಎಕಾಎಕಿ ದಾಳಿ ಮಾಡಿ ಬಂಧಿಸಲು ಆದೇಶಿಸಿದ್ದಾರೆ ಎಂದು ವಾರ್ ಮುಂದುವರಿಸಿದ್ದಾರೆ.
ಕೇಂದ್ರದಲ್ಲಿ ಅಸ್ತಿತ್ವದಲ್ಲಿರುವ ಬಿಜೆಪಿ ಸರ್ಕಾರ ಮಣಿಪುರದ ಹಿಂಸಾಚಾರದ ವಿಷಯದಲ್ಲಿ ತುಟಿಬಿಚ್ಚದೆ ಕೂತಿದೆ. ರಾಜ್ಯದಲ್ಲಿ ವಿಡಿಯೊ ಪ್ರಕರಣದ ಬಗ್ಗೆ ತುಂಬಾನೇ ಮುತುರ್ವಜಿಯನ್ನು ತೋರಿಸುತ್ತಿದೆ. ಎರಡು ಮಹಿಳೆಯರನ್ನು ಬೆತ್ತಲೆಗೊಳಿಸಿ ಮೆರವಣಿಗೆ ಮಾಡಿದ ಘಟನೆಯ ವಿಡಿಯೊ ಎಲ್ಲೆಡೆ ಹರಿದಾಡಿದಾಗ ಮಾತ್ತಾನಾಡದ ಮಹಿಳಾ ಮಣಿಗಳು ಇಂದು ಉಡುಪಿ ವಿಡಿಯೊ ಪ್ರಕರಣದಲ್ಲಿ ಭಯಂಕರವಾಗಿ ಘರ್ಜಿಸುತ್ತಿದ್ದಾರೆ.
ರಾಷ್ಟ್ರೀಯ ಮಹಿಳಾ ಆಯೋಗವು ಉಡುಪಿ ವಿಡಿಯೊ ಪ್ರಕರಣದಲ್ಲಿ ವಿಚಾರಣೆಯನ್ನು ಕೂಡ ಮಾಡಿದೆ. ಆದರೆ ಮಣಿಪುರದಲ್ಲಿ ನಡೆದ ಸಂಗತಿಯ ಕುರಿತು ಮಾತುಬಾರದಾಯಿತ್ತು. ಒಂದು ಕಣ್ಣಿಗೆ ಬೆಣ್ಣೆ ಇನ್ನೊಂದು ಕಣ್ಣಿಗೆ ಸುಣ್ಣ ಎಂಬಂತಿದೆ. ಮಣಿಪುರದಲ್ಲಿ ನಡೆದ ಘಟನೆಯು ಕೂಡಾ ಸಣ್ಣ ವಿಷಯ ಅಲ್ಲ, ಅಸಲಿಗೆ ಮನುಕುಲವೇ ನಾಚುವಂತಹ ಘಟನೆ ಅದು.
ಮಣಿಪುರದಲ್ಲಿ ನಡೆದ ಘಟನೆ ಕೆಲವರ ಮನಕಲಕಿದರೆ ಇನ್ನು ಕೆಲವರ ಮನಸ್ಸಿನ ಕೊಳಕನ್ನು ಬಿಂಬಿಸಿದೆ. ಈ ದೇಶದ ಪ್ರತಿಯೊಬ್ಬ ಹೆಣ್ಣು ಮಗಳು ಗೌರವಕ್ಕೆ ಅರ್ಹಳು. ಅವಳ ಮಾನ ಪ್ರಾಣವು ಅತೀ ಅಮೂಲ್ಯವಾದ್ದು. ಉಡುಪಿಯ ಪ್ರಕರಣದಲ್ಲಿ ವಿದ್ಯಾರ್ಥಿಗಳ ಮಾನ ಜೋತೆ ಅವರ ಭವಿಷ್ಯ ಮತ್ತು ಘನತೆ ಎರಡು ಅಡಕವಾಗಿದೆ. ಆದರೆ ಕೇವಲ ರಾಜಕೀಯ ಲಾಭದ ಉದ್ದೇಶದಿಂದ ಉಡುಪಿಯ ವಿಡಿಯೊ ಪ್ರಕರಣಗಳನ್ನು ಬಳಸುವುದು ನಿಜವಾಗಲೂ ಹೇಸಿಗೆಯ ವಿಷಯವಾಗಿದೆ.
ವಿಶೇಷವೆಂದರೆ ಯಾವ ವಿಡಿಯೊ ಇಷ್ಟೆಲ್ಲ ಗೊಂದಲವನ್ನು ಸೃಷ್ಟಿಸಿದೆ ಆ ವಿಡಿಯೊ ಇನ್ನು ಪೊಲೀಸ್ರ ಕೈಗೆನೆ ಸಿಕ್ಕಿಲ್ಲ. ಸಮಾಜಿಕ ಜಾಲತಾಣದಲ್ಲಿಯೂ ಈ ಪ್ರಕರಣಕ್ಕೆ ಸಂಬಂಧಿಸಿದ ವಿಡಿಯೊ ಸಿಕ್ಕಿಲ್ಲಾ ಎಂದು ಈಗಾಲೇ ಉಡುಪಿ ಎಸ್ ಪಿ ಸ್ಷಷ್ಟನೆ ನೀಡಿದ್ದಾರೆ.
ಮಣಿಪುರದಲ್ಲಿ ಬೆತ್ತಾಲಾದ ದೇಹದ ವಿಡಿಯೊ ಎಲ್ಲೆಡೆ ಹರಿದಾಡಿದ ಮೇಲೆ ಮತ್ತಾನಾಡದ ಪ್ರಭಾವಿ ವ್ಯಕ್ತಿಗಳು, ಸಿಗದ ವಿಡಿಯೊ ಪ್ರಕರಣದಲ್ಲಿ ಬಹಳಷ್ಟು ಆಕ್ರೋಶ ವ್ಯಕ್ತ ಪಡಿಸಿದ್ದಾರೆ. ದುರಂತ ಎಂದರೆ ಇಲ್ಲಿ ಹೆಚ್ಚು ಆಕ್ರೋಶ ವ್ಯಕ್ತ ಪಡಿಸುತ್ತಿರುವವರು ಮಹಿಳೆಯರು. ನಿಜವಾಗಲು ಭಾರತದ ಈಶಾನ್ಯದಲ್ಲಿ ಕಳಕೊಂಡ ಮಾನವನ್ನು ಉಡುಪಿಯಲ್ಲಿ ಹುಡುಕುತ್ತಿದ್ದಾರೆ ಎಂದನಿಸತೊಡಗಿದೆ.