ಸಮಾಜದ ರೀತಿ ನೀತಿಗಳನ್ನು ಪಾಲಿಸಿಕೊಂಡು ಬೆಸೆಯುವ ಸಂಬಂಧ, ಪರಸ್ಪರ ಗಂಡು ಹೆಣ್ಣು ಒಪ್ಪಿಕೊಂಡು ದಾಂಪತ್ಯ ಜೀವನಕ್ಕೆ ಕಾಲಿಡುತ್ತಾರೆ. ಸಮಯ ಬದಲಾದಂತೆ ಮದುವೆ ದಾಂಪತ್ಯದ ಮೌಲ್ಯಗಳು ನಿಧಾನಕ್ಕೆ ಕುಸಿಯಲಾರಂಭಿಸಿದೆ ಎಂದು ಅನಿಸತೊಡಗಿದೆ.
ಮನೆಯವರ ಹಿರಿಯರ ಸಮ್ಮುಖದಲ್ಲಿ ನಡೆಯುವ ಮದವೆ ನಿಧಾನಕ್ಕೆ ಸ್ನೇಹಿತರ ಸಮ್ಮುಖದಲ್ಲಿ ರಿಜೀಸ್ಟಾರ್ ಆಫೀಸ್ನಲ್ಲಿ ನಡೆಯತೊಡಗಿತ್ತು. ಇದಕ್ಕೂ ಕೊಂಚ ಅಡ್ವಾನ್ಸ್ ಆಗಿ ಲಿವಿಂಗ್ ಟುಗೆದರ್ ಎಂಬ ಸಂಸ್ಕೃತಿಯು ಬೇರೂರಿತ್ತು.
ಭಾರತದಲ್ಲಿ ಲಿವ್-ಇನ್ ಸಂಬಂಧಗಳನ್ನು ಕಾನೂನುಬಾಹಿರ ಎಂದು ಘೋಷಿಸಲು ಸರ್ಕಾರ ಕಾನೂನು ತರಬೇಕು ಎಂದು ರಾಜ್ಯಸಭಾ ಸದಸ್ಯ ಮತ್ತು ಭಾರತೀಯ ಜನತಾ ಪಕ್ಷದ ಮುಖಂಡ ಅಜಯ್ ಪ್ರತಾಪ್ ಸಿಂಗ್ ಬುಧವಾರ ಒತ್ತಾಯಿಸಿದ್ದಾರೆ. ರಾಜ್ಯಸಭೆಯಲ್ಲಿ ವಿಶೇಷ ಉಲ್ಲೇಖಗಳ ಸಂದರ್ಭದಲ್ಲಿ ಮಾತನಾಡಿದ ಸಿಂಗ್, ಇಂತಹ ಎಲ್ಲಾ ಸಂಬಂಧಗಳನ್ನು ನಿಷೇಧಿಸಲು, ತಮ್ಮ ಲಿವ್-ಇನ್ ಸಂಗಾತಿ ನಡೆಸಿದ ಹಿಂಸಾಚಾರ ಮತ್ತು ಮಹಿಳೆಯರ ವಿರುದ್ಧದ ಅಪರಾಧಗಳ ಘಟನೆಗಳನ್ನು ಉಲ್ಲೇಖಿಸಿದರು.
ವಿಶ್ವ ಆರೋಗ್ಯ ಸಂಸ್ಥೆಯ ಅಂಕಿಅಂಶಗಳನ್ನು ಉಲ್ಲೇಖಿಸಿ, ಉತ್ತರ ಪ್ರದೇಶ ಮೂಲದ ಸಿಂಗ್, ವಿಶ್ವದ ಎಲ್ಲಾ ಮಹಿಳೆಯರ ಕೊಲೆಗಳಲ್ಲಿ ಸುಮಾರು 38 ಪ್ರತಿಶತದಷ್ಟು ಅವರ ನಿಕಟ ಸಂಗಾತಿಯಿಂದಲೇ ನಡೆಯುತ್ತದೆ ಎಂದು ಹೇಳಿದ್ದಾರೆ.
ಈ ಮೂಲಕ ಮಗದೊಮ್ಮೆ ಲಿವಿಂಗ್ ಟುಗೆದರ್ ಸಂಬಂಧ ಮತ್ತೇ ಚರ್ಚೆಗೆ ಬಂದಿದೆ. ಸಮಾಜದಲ್ಲಿ ಮಾನ್ಯತೆ ಇಲ್ಲದ ಸಂಬಂಧ ಕಾನೂನಿನ ಪ್ರಕಾರ ಸಮ್ಮತ್ತಿಯಲ್ಲಿದೆ. ಯುವ ಪೀಳಿಗೆ ಇದನ್ನು ಫ್ಯಾಶನ್ ಅನ್ನುವ ಮಟ್ಟಿಗೆ ಇದನ್ನು ಒಪ್ಪಿಕೊಂಡಿದೆ.
ದೆಹಲಿಯ ಶ್ರದ್ಧಾ ವಾಲ್ಕರ್ ಹತ್ಯಾಕಾಂಡದ ವಿಷಯವು ಇನ್ನು ಮಾಸಿಲ್ಲ. ಈ ತರದ ದುರಂತ ಘಟನೆಗಳು ನಡೆದಾಗಲೆಲ್ಲಾ ಇಡೀ ದೇಶವೇ ಬೆಚ್ಚಿ ಬೀಳುವುದು. ಸಮಾಜದ ಯಾವ ಕಟ್ಟು ಪಾಡುಗಳು ಇಲ್ಲದ ಸಂಬಂಧ. ಕೇವಲ ಪರಸ್ಪರ ನಂಬಿಕೆಯ ಆಧಾರದ ಮೇಲೆ ನಿಂತಿರುವ ಸಂಬಂಧ ಕಡೆಗೆ ಒಂದು ದಿನ ದುರಂತ ಅಂತ್ಯ ಕಾಣುವುದಾರೆ ಈ ಸಂಬಂಧ ಸಮ್ಮತ್ತಿಯ ಬಗ್ಗೆ ಮರು ಪರೀಶಿಲನೆ ಅಗತ್ಯವಾಗಿದೆ.
ದೇಶದ ಪ್ರಮುಖ ನಗರಗಳಲ್ಲಿ ಲಿವಿಂಗ್ ಟುಗೆದರ್ ಸಂಬಂಧಗಳು ಹೆಚ್ಚಾಗುತ್ತಿರುವುದರ ಜೋತಗೆ ವಂಚನೆ ಪ್ರಕರಣಗಳು ಕೂಡ ಹೆಚ್ಚಾಗುತ್ತಿದೆ. ಸಹದ್ಯೋಗಿ ಅಥವಾ ಕಾಲೇಜು ವಿದ್ಯಾರ್ಥಿಗಳು ಈ ಸಂಬಂಧಲ್ಲಿ ಒಟ್ಟಿಗೆ ಬದುಕಲು ನಿರ್ಧಾರಿಸುತ್ತಾರೆ.
ವರದಿಯ ಪ್ರಕಾರ ಸಮಸ್ಯೆ ಬಂದಾಗ ಕಾನೂನಿ ಮೋರ ಅದರಲ್ಲೂ ಮಹಿಳೆಯರು ಹೆಚ್ಚಾಗಿ ಮಹಿಳಾ ಆಯೋಗಕ್ಕೆ ದೂರನ್ನು ನೀಡುತ್ತಿರುವುದು ಕೂಡ ಹೆಚ್ಚಾಗಿದೆ ಎಂದು ಮಹಿಳಾ ಆಯೋಗವು ಪುಷ್ಟಿಕರಿಸಿದೆ.
ಕಳೆದ ತಿಂಗಳು ಲಿವಿಂಗ್ ಟುಗೆದರ್ನಲ್ಲಿ ಇದ್ದ ತೆಲಗಂಣದ ಯುವತಿಯನ್ನು ಆಕೆಯ ದೆಹಲಿ ಮೂಲದ ಪ್ರಿಯಕರ ಉಸಿರು ಗಟ್ಟಿ ಸಾಯಿಸಿದ ಘಟನೆ ಬೆಂಗಳೂರಿನಲ್ಲಿ ನಡೆದಿದೆ. ಇದನ್ನೆಲ್ಲ ಗಮನಿಸಿದರೆ ರಾಜ್ಯಸಭಾ ಸದಸ್ಯ ಮತ್ತು ಭಾರತೀಯ ಜನತಾ ಪಕ್ಷದ ಮುಖಂಡ ಅಜಯ್ ಪ್ರತಾಪ್ ಸಿಂಗ್ರ ವಾದ ಸಮಂಜಸವಾಗಿದೆ.
“ಭಾರತೀಯ ಸಮಾಜವು ಇದನ್ನು ಅನೈತಿಕವೆಂದು ಪರಿಗಣಿಸುತ್ತದೆ ಆದರೆ ಅದು ಕಾನೂನುಬಾಹಿರವಲ್ಲ ಲಿವ್-ಇನ್ ಸಂಬAಧಗಳು ಅನೈತಿಕವಾಗಿದ್ದರೆ, ಅವು “ಕಾನೂನುಬಾಹಿರವಾಗಿರಬೇಕು. ಸರ್ಕಾರವು ಇದನ್ನು ಅರಿತುಕೊಂಡು ಈ ಉಪಸಂಸ್ಕೃತಿಯನ್ನು ನಿಲ್ಲಿಸಲು ಮತ್ತು ಮಹಿಳೆಯರನ್ನು ರಕ್ಷಿಸಲು ಕಾನೂನನ್ನು ತರಬೇಕು” ಎಂದು ಸಿಂಗ್ ಮಾತಿನಿಂದ ಎಲ್ಲರ ಗಮನ ಸೆಳೆದಿದ್ದಾರೆ.
ಒಬ್ಬ ಗಂಡ ಮಾಡುವಂತಹ ಎಲ್ಲ ಕರ್ತವ್ಯವನ್ನು ಮಾಡುತ್ತಾನೆ ಆದರೆ ಆತ ಗಂಡ ಅಲ್ಲ. ಒಂದು ಹೆಣ್ಣು ಹೆಂಡತ್ತಿಯAತಹ ಎಲ್ಲ ಜವಾಬ್ದಾರಿ ನಿಭಾಯಿಸುತ್ತಾಳೆ ಆದರೆ ಆಕೆ ಹೆಂಡತ್ತಿ ಅಲ್ಲ. ಇಂತಹ ಒಂದು ಸಂಬಂಧ ನಮ್ಮ ಸಮಾಜದಲ್ಲಿ ಅಸ್ತಿತ್ವದಲ್ಲಿದೆ. ಆದರೆ ಇತ್ತೀಚೀನ ದಿನಗಳಲ್ಲಿ ಹೆಚ್ಚಾಗಿ ನಡೆಯುವ ಅಪರಾಧಗಳಲ್ಲಿ ಲಿವಿಂಗ್ ಟುಗೆದರ್ ನೆರಳಿನಲ್ಲಿ ನಡೆಯುತ್ತಿದೆ. ಇದರಲ್ಲಿ ಪ್ರಾಣಪಕ್ಷಿ ಹಾರಿರುವುದು ಮಹಿಳೆಯರದೇ.
ಈ ನಿಟ್ಟಿನಲ್ಲಿ ರಾಜ್ಯಸಭಾ ಸದಸ್ಯ ಮತ್ತು ಭಾರತೀಯ ಜನತಾ ಪಕ್ಷದ ಮುಖಂಡ ಅಜಯ್ ಪ್ರತಾಪ್ ಸಿಂಗ್ ತಮ್ಮ ಮಾತನ್ನು ಮುಂದಿಟ್ಟಿದ್ದಾರೆ. ಜೋತೆಗೆ ಎಲ್ಲರು ಯೋಚನೆ ಮಾಡುವ ಹಾಗೆ ಮಾಡಿದ್ದಾರೆ. ಈ ಸಂಸ್ಕೃತಿ ಕೊನೆಯಾಗುವುದೇ ಕಾದು ನೋಡಬೇಕು.