ಸಾಮಾಜಿಕ ಜಾಲಾತಾಣಗಳ ರೀಲ್ಸ್ ಗಳು ಯುವಸಮುದಾಯದ ಹಾಟ್ ಫೇವರೇಟ್ ಚಟುವಟಿಕೆಯಾಗಿ ಅಥವಾ ಹೊಸ ಗೀಳಾಗಿ ಮಾರ್ಪಟ್ಟಿವೆ ಎಂದು ಹೇಳಬಹುದು. ಅನೇಕರು ಈ ವೈಶಿಷ್ಟ್ಯತೆ ಮೂಲಕ ತಮ್ಮದೇ ಆದ ಪೋಸ್ಟ್ ಗಳನ್ನು ರೆಕಾರ್ಡ್ ಮಾಡಲು ಗಂಟೆಗಟ್ಟಲೆ ಸಮಯವನ್ನು ಕಳೆಯುತ್ತಿದ್ದಾರೆ.
ಆದರೆ ಈ ಪ್ರವೃತ್ತಿಗಳು ವಿನೋದ ಮತ್ತು ಮನರಂಜನೆಯ ಆಗಿರುವುದರಿಂದ, ಅದು ನಿಜವಾಗಿಯೂ ಮೌಲ್ಯಯುತವಾಗಿದೆಯೇ ಎಂಬ ಪ್ರಶ್ನೆಯಾಗಿದೆ.ಸಾಮಾಜಿಕ ಮಾದ್ಯಮಗಳ ರೀಲ್ಸ್ ಗಳು ಭಾರತೀಯ ಯುವಸಮುದಾಯಕ್ಕೆ ಸಮಯವನ್ನು ವ್ಯರ್ಥ ಮಾಡಲು ಅವಕಾಶವನ್ನು ಸೃಷ್ಟಿಸುತ್ತಿದೆ.
ಯುವಜನರನ್ನು ರೀಲ್ಸ್ ಗಳಿಗೆ ಸೆಳೆಯಲಾಗುತ್ತದೆ, ಯಾಕೆಂದರೆ ಈ ಸಾಮಾಜಿಕ ಮಾಧ್ಯಮ ವೇದಿಕೆಯ ಬಳಕೆಯನ್ನು ಹೆಚ್ಚಿಸಲು ಮತ್ತು ಜನಪ್ರಿಯತೆಗೊಳ್ಳು ಸಹಕಾರಿಯಾಗಿದೆ.
ರೀಲ್ಸ್ ಗಳು ಸಮಾಜಿಕ ಮಾದ್ಯಮ ವೇದಿಕೆಗಳಲ್ಲಿ ಕಡಿಮೆ ಅವಧಿಯಲ್ಲಿ ಅತ್ಯಂತ ಜನಪ್ರಿಯ ಹೊಂದಿದ ವೈಶಿಷ್ಟ್ಯವಾಗಿದೆ. ಭಾರತದಲ್ಲಿ ಬಳಕೆದಾರರು ಸಣ್ಣ ವೀಡಿಯೊಗಳನ್ನು ರಚಿಸಲು ಮತ್ತು ವೀಕ್ಷಿಸಲು ಗಂಟೆಗಟ್ಟಲೆ ಕಳೆಯುತ್ತಾರೆ. ಕೆಲವರು ಇದನ್ನು ಸೃಜನಶೀಲ ವೇದಿಕೆ ಎಂದು ಪರಿಗಣಿಸಿದರೆ, ಇನ್ನು ಕೆಲವರು ಇದು ಸಮಯ ವ್ಯರ್ಥಕ್ಕಿಂತ ಹೆಚ್ಚೇನೂ ಅಲ್ಲ ಎಂದು ಅಭಿಪ್ರಾಯಿಸಿದ್ದಾರೆ.
ರೀಲ್ಸ್ ವ್ಯಸನಕಾರಿ ಎಂಬುದರಲ್ಲಿ ಯಾವುದೇ ಸಂದೇಹವಿಲ್ಲ. ಭಾರತದ ಅನೇಕ ಯುವಕರಿಗೆ, ಸಮಯವನ್ನು ಕಳೆಯಲು ಮತ್ತು ಸ್ನೇಹಿತರೊಂದಿಗೆ ಸಂಪರ್ಕದಲ್ಲಿರಲು ಇದು ಒಂದು ಮಾರ್ಗವಾಗಿದೆ. ಕೊನೆಯೇ ಇಲ್ಲದ ವೀಡಿಯೊಗಳ ಮೂಲಕ ಸ್ಕ್ರೋಲ್ ಮಾಡುವಲ್ಲಿ ಮುಳುಗುವುದು ಸುಲಭ ಮತ್ತು ಅನೇಕ ಬಳಕೆದಾರರು ಪ್ರತಿದಿನ ಇದರಲ್ಲಿಯೇ ಗಂಟೆಗಟ್ಟಲೆ ಕಾಲ ಕಳೆಯುತ್ತಾರೆ.
ಬಳಕೆದಾರರಿಗೆ ಸೃಜನಶೀಲ ವೇದಿಕೆ ಒದಗಿಸುವಂತಹ ರೀಲ್ಸ್ ಗಳಿಗೆ ಕೆಲವು ಸಕಾರಾತ್ಮಕ ಅಂಶಗಳ ಜೋತೆ, ನಕಾರಾತ್ಮಕ ಅಂಶಗಳೂ ಇವೆ. ಒಂದು ಇದು ದೊಡ್ಡ ಸಮಯ ವ್ಯರ್ಥ ಸಾದನವಾಗಿದೆ. ಮತ್ತೊಂದು ಕಳವಳವೆಂದರೆ ರೀಲ್ಸ್ಗನ್ನು ಯುವಕರಿಗೆ ಸೂಕ್ತವಲ್ಲದ ನಕಾರಾತ್ಮಕ ಸಂದೇಶಗಳು ಅಥವಾ ವಿಷಯವನ್ನು ಹರಡಲು ವೇದಿಕೆಯಾಗಿ ಬಳಸಬಹುದು.
ಯುವಕರ ಮೇಲೆ ರೀಲ್ಸ್ನ ನಕಾರಾತ್ಮಕ ಪರಿಣಾಮ ಬೀರುತ್ತಲೇ ಇದೆ. ಸಾಮಾಜಿಕ ಮಾಧ್ಯಮವು ಹೆಚ್ಚು ಸಮಯವನ್ನು ತೆಗೆದುಕೊಳ್ಳುತ್ತದೆ ಎಂಬುದು ಹೊಸ ವಿಷಯವಲ್ಲ. ಆದರೆ ಅಧ್ಯಯನದ ಪ್ರಕಾರ ಒಂದು ನಿರ್ದಿಷ್ಟ ಅಪ್ಲಿಕೇಶನ್ ಯುವಜನರ ಸಮಯವನ್ನು ಕಿತ್ತುಕೊಳ್ಳುತ್ತಿದೆ ಎಂದು ಅಭಿಪ್ರಾಯಿಸಿದೆ.
ರೀಲ್ ಗಳ ಈ ಅತಿಯಾದ ಬಳಕೆಯು ವ್ಯಸನಕ್ಕೆ ಕಾರಣವಾಗಬಹುದು. ಇದು ಮಾನಸಿಕ ಆರೋಗ್ಯದ ಮೇಲೆ ನಕಾರಾತ್ಮಕ ಪರಿಣಾಮ ಬೀರುವ ಸಾಧ್ಯತೆ ಇದೆ. ಕೊನೆಯದಾಗಿ, ಬಳಕೆದಾರರು ಕೆಲಸ ಅಥವಾ ಅಧ್ಯಯನಗಳ ಮೇಲೆ ಕೇಂದ್ರೀಕರಿಸಲು ಕಡಿಮೆ ಸಮಯವನ್ನು ಕಳೆಯುವುದರಿಂದ ಇದು ಕೆಲಸದ ಉತ್ಪಾದಕತೆಗೆ ಅಡ್ಡಿಯಾಗಬಹುದು.
ಇತರ ಯಾವುದೇ ರೀತಿಯ ಸಾಮಾಜಿಕ ಮಾಧ್ಯಮಗಳಂತೆ ರೀಲ್ಸ್ ಗಳು ವ್ಯಸನಕಾರಿಯಾಗಿ ಮಾಡಬಹದು. ತಮ್ಮ ವೀಡಿಯೊಗಳಲ್ಲಿ ಲೈಕ್ ಗಳು ಮತ್ತು ಕಾಮೆಂಟ್ ಗಳನ್ನು ಪಡೆದಾಗ ಒಂದು ವಿಧದ ಖುಷಿಯ ಅನುಭೂತಿಯಾಗುತ್ತದೆ. ಅದೇ ಸಂತೋಷ ಖುಷಿಯ ಭಾವನೆಯನ್ನು ಪಡೆಯಲು ಮತ್ತೆ ಮತ್ತೆ ಅಪ್ಲಿಕೇಶನ್ ಅನ್ನು ಬಳಸುವುದನ್ನು ಮುಂದುವರಿಸಲು ಮುಂದಾಗುತ್ತೇವೆ. ಇದರಿಂದ ವ್ಯಕ್ತಿಯು ಹೆಚ್ಚು ವೀಡಿಯೊಗಳನ್ನು ಮಾಡಲು ಅಥವಾ ವಿಕ್ಷಿಸಲು ತಮ್ಮ ದಿನದ ಸಮಯವನ್ನು ವ್ಯರ್ಥ ಮಾಡಿಕೊಳ್ಳುತ್ತಿದ್ದಾರೆ.
ಮಾನಸಿಕ ಆರೋಗ್ಯದ ಮೇಲೆ ನಕಾರಾತ್ಮಕ ಪರಿಣಾಮ ಬೀರುತ್ತದೆ. ಸಾಮಾಜಿಕ ಮಾಧ್ಯಮದ ಅತಿಯಾದ ಬಳಕೆಯು ಆತಂಕ, ಖಿನ್ನತೆಯಂತಹ ವಿವಿಧ ಮಾನಸಿಕ ಆರೋಗ್ಯ ಸಮಸ್ಯೆಗಳನ್ನು ಉಂಟುಮಾಡಬಹದು. ಇದು ಯುವಕರ ಮೇಲೆ ನಕಾರಾತ್ಮಕ ಪರಿಣಾಮ ಬೀರುತ್ತದೆ.
ಆದ್ದರಿಂದ ರೀಲ್ಸ್ ಗಳು ಇಂದು ಯುವಕರ ಪೀಳಿಗೆಯ ಚಟವಾಗಿದೆ ರೂಪಾತಾಂತರ ಗೊಂಡಿದೆ. ಅಲ್ಲದೆ ಈ ರೀಲ್ಸ್ ನ ಗೋಜಿನಲ್ಲಿ ಕೆಲವರು ಅಪಾಯಕಾರಿ ಸ್ಥಳಗಳಲ್ಲಿ ವಿಡಿಯೊ ಮಾಡುವ ಸಾಧ್ಯತೆ ಹೆಚ್ಚು. ಒಂದಿಷ್ಟು ಜೀವಕ್ಕೆ ಕುತ್ತು ತರುವ ಸಂಗತಿಗಳು ಟಿಕ್ ಟಾಕ್, ಸೆಲ್ಪಿ ತೆಗೆಯಲು ಹೋಗಿ ನಡೆದಿರುವ ಘಟನೆಗಳನ್ನು ಸ್ಮರಿಸಬಹದು.