ಈ ದಂಪತಿಗಳು ಮೂಲತಃ ಗುಜರಾತ್ ನವರು ಅಮೆರಿಕದ ಸಿಲಿಕಾನ್ ಸಿಟಿಯಲ್ಲಿ ಐಟಿ ಉದ್ಯೋಗದಲ್ಲಿ ಇದ್ದವರು. ಪ್ರೀತಿಸಿ ಮದುವೆ ಆದವರು, ಕೈ ತುಂಬಾ ಸಂಪಾದನೆ, ಸ್ವಂತ ಮನೆ, ಪರಸ್ಪರ ಪ್ರೀತಿ… ಬೇರೇನು ಬೇಕು ಬದುಕಿಗೆ ? ಆದರೆ ಇದು ಅವರ ಜೀವನದ ಗುರಿಯಾದೆ ಎನಾದರು ವಿಭಿನ್ನವಾಗಿ ಮತ್ತು ತಮ್ಮ ಮನಸ್ಸಿಗೆ ಸಮಾಧಾನ ದೊರೆಯುವಂತಹ ಕೆಲಸವನ್ನು ಬಿಟ್ಟು ಕೃಷಿಯನ್ನು ನಂಬಿಕೊಂಡು ಹೊಸ ಜೀವನವನ್ನು ಪ್ರಾರಂಭಿಸಿದವರು ವಿವೇಕ್ ಷಾ ಮತ್ತು ಬೃಂದಾ ದಂಪತಿಗಳು.
ಬಾಲ್ಯದ ನೆನಪೇ ಈ ಕೃಷಿಯ ಕಡೆಗೆ ಸೆಳೆಯಲು ಕಾರಣವಾಯಿತು.
ವಿವೇಕ್ ಅವರ ಮನೆಯ ಸುತ್ತ ಹಣ್ಣಿನ ಮರಗಳಿದ್ದವು. ಆಗ ಅವರಿಗೆ ತನ್ನ ಬಾಲ್ಯದ ನೆನಪಾಗುತ್ತಿತ್ತು. ಬರಿಗಾಲಲ್ಲಿ ಮರ ಹತ್ತಿ ಹಣ್ಣು ಕಿತ್ತು ತಿನ್ನುವ ಖುಷಿ ನೆನಪಾಗುತ್ತಿತ್ತು. ಈ ನೆನಪುಗಳಿಗೆ ಉತ್ತರ ಹುಡುಕುತ್ತಾ ಅವರಿಗೆ ನಿಧಾನವಾಗಿ ಕೃಷಿಯ ಬಗ್ಗೆ ಆಸಕ್ತಿ ಹುಟ್ಟಿತ್ತು.ಅವರು ತಮ್ಮ ರಜೆಯ ಅವಧಿಯಲ್ಲಿ ಕ್ಯಾಲಿಫೋರ್ನಿಯಾದ ಕಡೆಗೆ ಕಾರಿನಲ್ಲಿ ಹೋಗಿ ಕೃಷಿಯ ಬಗ್ಗೆ ಅಧ್ಯಯನ ಮಾಡಲು ಅನುವು ಮಾಡಿ ಕೊಟ್ಟಿತು.
ಹೀಗಿರುವಾಗ ಒಂದು ದಿನ ಗಿಡಗಳಿಗೆ ದ್ರಾವಣವನ್ನು ಸಿಂಪಡಣೆ ಮಾಡುವುದನ್ನು ನೋಡುತ್ತಾರೆ. ಅದನ್ನು ನೋಡಿ ವಿವೇಕ್ಗೆ ಅತ್ಯಂತ ಆಶ್ಚರ್ಯ ಚಕಿತರಾದರು. ಗಿಡ ಮರಗಳ ಮೇಲೆ ಇಷ್ಟೊಂದು ರಾಸಾಯನಿಕ ದ್ರಾವಣ ಸಿಂಪಡಿಸಿದರೆ ಮರ ಗಿಡಗಳು ಅದನ್ನು ತಡೆದು ಕೊಳ್ಳಬಹುದು ಆದರೆ ಮನುಷ್ಯನ ದೇಹಕ್ಕೆ ಈ ಕಾರ್ಯ ಸಾಧ್ಯವೆ ಎಂಬ ಪ್ರಶ್ನೆ ಮೂಡಿತು ಅಲ್ಲಿಂದ ಮುಂದಿನ ಒಂದೂವರೆ ತಿಂಗಳು ದಂಪತಿ ರಜೆ ಹಾಕಿ ಮನೆಯಲ್ಲಿ ಕೂತು ತಮ್ಮ ಆಹಾರದ ಮೂಲಕ ಎಷ್ಟು ರಾಸಾಯನಿಕಗಳು ತಮ್ಮ ದೇಹವನ್ನು ಪ್ರವೇಶ ಮಾಡುತ್ತಿವೆ ಎಂದು ಲೆಕ್ಕ ಮಾಡಿದರು. ಬೆನ್ನು ಅವರಿಗೆ ನಂಬಲಾರದ ಫಲಿತಾಂಶ ಎದುರಾಗಿತ್ತು ಮತ್ತು ಇದು ಎಂತವರನ್ನೂ ಭಯಭೀತರನ್ನಾಗಿ ಮಾಡುವಂತಹದ್ದಾಗಿತ್ತು.
ಅನಂತರದಲ್ಲಿ ಒಂದು ಕ್ಷಣವೂ ಕಾಯದೆ ಇಬ್ಬರೂ ತಮ್ಮಲಕ್ಷಾವಧಿ ರೂಪಾಯಿ ಸಂಬಳದ ಕೆಲಸಕ್ಕೆ ರಾಜನಾಮೆ ನೀಡಿ ಸ್ವಂತ ರಾಜ್ಯವಾದ ಗುಜರಾತಿಗೆ ಮರಳಿದರು. ತಮ್ಮ ಈ ಕ್ರಷಿಯನ್ನು ಪ್ರಾರಂಭಿಸುವ ವಿಚಾರವನ್ನು ಎರಡು ಮನೆಯವರೊಂದಿಗೆ ಚರ್ಚಿಸಿದಾಗ ಅವರಿಂದ ಕೂಡ ಒಳ್ಳೆಯ ಸ್ಪಂದನೆ ದೊರಕಿತು, ಆದರೆ ಎರಡೂ ಕುಟುಂಬಗಳಿಗೆ ಕೃಷಿಯ ಅನುಭವ ಇರಲಿಲ್ಲ. ಆದ್ದರಿಂದ ಅವರಿಬ್ಬರೂ ಸ್ವಲ್ಪ ಹೆಚ್ಚು ಶ್ರಮವನ್ನು ವಹಿಸಿದರು.
ಪ್ರಾರಂಭಿಕ ಹಂತದಲ್ಲಿ 2017ರಲ್ಲಿ ನಡೆಯಾಡ ಎಂಬ ನಗರದ ಹೋರವಲಯದಲ್ಲಿ 10 ಎಕರೆ ಜಮೀನನ್ನು ಖರೀದಿ ಮಾಡಿ ಅದರ ಸುತ್ತಲೂ ಕಂದಕಗಳನ್ನು ತೋಡಿ ಮಳೆ ನೀರಿನ ಕೋಯ್ಲನ್ನು ಮಾಡುತ್ತಾರೆ. ಭೂಮಿಯ ಫವತ್ತತೆಯನ್ನು ಕಾಪಾಡುವ ನಿಟ್ಟಿನಲ್ಲಿ ಭೂಮಿಯನ್ನು ಸರಿಯಾಗಿ ಏಳು ಭಾಗವನ್ನಾಗಿ ಮಾಡುತ್ತಾರೆ. ಆ ಏಳು ಭಾಗಗಳಿಗೂ ಬೇರೆ ಬೇರೆ ಆರ್ಗಾನಿಕ್ ಟ್ರೇಟೆಂಟ್ ಕೊಟ್ಟು ಬೇರೆ ಬೇರೆ ಬೆಳೆಯನ್ನು ಬೆಳೆಯುವುದು ಅವರ ಉದ್ದೇಶವಾಗಿತ್ತು. ಸಿರಿ ಧಾನ್ಯ ಗೋಧಿ, ಬಟಾಟೆ, ನುಗ್ಗೆ, ಬಾಳೆ ಹಣ್ಣು, ಪಪ್ಪಾಯ, ಬದನೆ, ಮಾವು, ಪೇರಳೆ… ಹೀಗೆ ಬೇರೆ ಬೇರೆ ಭಾಗದಲ್ಲಿ ಬೇರೆ ಬೇರೆ ಬಿತ್ತನೆಯನ್ನು ಮಾಡಿದರು. ಕೃಷಿಭೂಮಿಯ ಮಧ್ಯದಲ್ಲಿ ದೊಡ್ಡ ನೀರು ಸಂಗ್ರಹಣಾ ಹೊಂಡವನ್ನು ಮಾಡಿ ಅದರಲ್ಲಿ ಶುದ್ಧ ನೀರನ್ನು ಸಂಗ್ರಹಿಸುತ್ತಾರೆ. ಅದರಲ್ಲಿ ಮೀನು ಮತ್ತು ಬಾತುಕೋಳಿಗಳು ವಿಹಾರ ಮಾಡಲು ಅನುಕೂಲ ಮಾಡಿ ಕೊಡುತ್ತಾರೆ. ಅದರಿಂದ ಕುಡಿಯುವ ಶುದ್ಧ ನೀರು ದೊರೆಯಿತು. ತೋಟದ ಸುತ್ತ ಹೊರ ವಲಯದಲ್ಲಿ ತುಳಸಿ ಮತ್ತು ಲಿಂಬೆ ಹುಲ್ಲು ಬೆಳೆಸಿ ಹಣ್ಣಿನ ಗಿಡಗಳಿಗೆ ಕ್ರಿಮಿ ಮತ್ತು ನೊಣಗಳು ಬಾರದ ಹಾಗೆ ದಿಗ್ಧಂಧನ ಮಾಡುತ್ತಾರೆ.
ಇವರ ಕೃಷಿಯಲ್ಲಿ ಸಾವಯವ ಗೊಬ್ಬರ ಮಾತ್ರ ಬಳಕೆ
. ಶೇ.100 ಸಾವಯವ ಗೊಬ್ಬರ ಅವರೇ ತಯಾರಿ ಮಾಡಿ ತೋಟಕ್ಕೆ ಬಳಸುತ್ತಾರೆ. ಗೋವುಗಳನ್ನು ಸಾಕಿ ಹಟ್ಟಿ ಗೊಬ್ಬರ ತಯಾರಿಸುತ್ತಾರೆ. ತಮ್ಮ ತೋಟದ ಸೊಪ್ಪನ್ನೇ ಹಟ್ಟಿಗೊಬ್ಬರಕ್ಕೆ ಬಳಸುತ್ತಾರೆ. ಹಕ್ಕಿಗಳು, ಜೇನುನೊಣಗಳು, ಚಿಟ್ಟೆಗಳು ತೋಟಕ್ಕೆ ಆಕರ್ಷಿತ ಆಗುವಂತೆ ಪಾತಿಗಳಲ್ಲಿ ಹೂವಿನ ಗಿಡವನ್ನು ನೆಡುತ್ತಾರೆ. ಇದರಿಂದ ಪರಾಗ ಸ್ಪರ್ಶ ಸುಲಭವಾಯಿತು ಎನ್ನುತ್ತಾರೆ ವಿವೇಕ್ ಮತ್ತು ಬೃಂದಾ ದಂಪತಿಗಳು. ಸಣ್ಣ ಕಾರ್ಖಾನೆಯ ಮೂಲಕ ಜನರಿಗೆ ಉದ್ಯೋಗವನ್ನು ನೀಡಿದ್ದಾರೆ.
ಇವರ ತೋಟದ ಬಾಳೆಹಣ್ಣು ಚಿಪ್ಸ್ ಆಗಿ ಮಾರುಕಟ್ಟೆಗೆ ಬರುತ್ತಿದೆ. ಹಣ್ಣುಗಳ ಕೆಚಪ್, ಸ್ಕಾಪ್, ಜ್ಯೂಸ್ ತಯಾರಿಸುವ ಫ್ಯಾಕ್ಟರಿ ಕೂಡ ಅವರೇ ಅಭಿವೃದ್ಧಿ ಪಡಿಸಿದ್ದು ನೂರಾರು ಜನರಿಗೆ ಉದ್ಯೋಗ ಕೂಡ ನೀಡಿದ್ದಾರೆ.
ಒಟ್ಟಿನಲ್ಲಿ ಹೇಳುವುದಾದರೆ ವಿವೇಕ್ ಷಾ ಮತ್ತು ಬೃಂದಾ ಸೇರಿ ಮಾಡಿದ ಪರಿಪೂರ್ಣ ಸಾವಯವ ತೋಟಕ್ಕೆ ‘ಬೃಂದಾವನ’ ಎಂಬ ಹೆಸರಿನಿಂದ ಸಾವಯವ ಕೃಷಿಯನ್ನು ನಡೆಸಿದ್ಧಾರೆ ಮತ್ತು ಅವರೇ ಸ್ವತಃ ಹೇಳಿದ ಪ್ರಕಾರ ಐಟಿ ಕ್ಷೇತ್ರದಲ್ಲಿ ಪಡೆಯುವ ಸಂಬಳಕ್ಕಿಂತ ಹೆಚ್ಚು ಆದಾಯವನ್ನು ಕೃಷಿಯ ಮೂಲಕ ಪಡೆಯುತ್ತಿದ್ದೇವೆ ಎಂದು ತಮ್ಮ ಅನುಭವವನ್ನು ಹಂಚಿಕೊಂಡಿದ್ದಾರೆ.