ಕಂಚಿನ ಗೂಳಿ, ಸಿಸಿಲಿಯನ್ ಗೂಳಿ ಅಥವಾ ಫಲರಿಸ್ ಗೂಳಿ ಎಂದೂ ಕರೆಯಲಾಗುತ್ತದೆ. ಈ ಗೂಳಿಯನ್ನು ನಾಗರಿಕ ಜಗತ್ತು ನಾಚಿಕೆ ಪಡುವಂತಹ ಹೀನ ಮತ್ತು ಹ್ಯೇಯ ಶಿಕ್ಷೆಯಾಗಿದೆ. ಫಲರಿಸ್ ಗೂಳಿ ಪ್ರಾಚೀನ ಗ್ರೀಸ್ ನಲ್ಲಿ ವಿನ್ಯಾಸಗೊಳಿಸಲಾದ ಚಿತ್ರಹಿಂಸೆ ಮತ್ತು ಮರಣದಂಡನೆ ನೀಡುವ ಸಾಧನವಾಗಿತ್ತು.
ಕ್ರಿಸ್ತಪೂರ್ವ 570-560 ರ ನಡುವಿನ ಶಿಲ್ಪಿ ಅಥೆನ್ಸ್ ನ ಪೆರಿಲೋಸ್, ನಿರಂಕುಶ ಪ್ರಭು ಫಲಾರಿಸ್ ನ ಆಜ್ಞೆಯಂತೆ ಇಡೀ ಮನುಷ್ಯನಿಗೆ ಸರಿಹೊಂದುವಂತಹ ಕಂಚಿನ ಗೂಳಿಯನ್ನು ತಯಾರಿಸಿದನು. ಈ ಗೂಳಿ ಕಂಚಿನ ಲೋಹದಿಂದ ನಿರ್ಮಾಣವಾಗಿದ್ದು, ಒಳ ಭಾಗ ಟೊಳ್ಳಾಗಿದ್ದು, ಬೆನ್ನಿನ ಭಾಗದಲ್ಲಿ ಬಾಗಿಲನ್ನು ಹೊಂದಿರುತ್ತದೆ.
ದಂತಕಥೆಗಳ ಪ್ರಕಾರ, ಕ್ರೂರ ಗೂಳಿಯನ್ನು ನಿಜವಾದ ಗೂಳಿಯ ಆಕಾರ ಮತ್ತು ಗಾತ್ರದಂತೆ ವಿನ್ಯಾಸಗೊಳಿಸಲಾಗಿದೆ. ಅಪರಾಧಿಗಳ ಕಿರುಚುವಿಕೆಯನ್ನು ಗೂಳಿಯ ಶಬ್ದವಾಗಿ ಪರಿವರ್ತಿಸುವ ಧ್ವನಿ ಸಾಧನವನ್ನು ಕೂಡ ಹೊಂದಿದೆ.
ಪೆರಿಲೋಸ್ ಮೊದಲು ತನ್ನ ಆವಿಷ್ಕಾರವನ್ನು ಸಿಸಿಲಿಯ ಅಕ್ರಾಗಾಂಟಸ್ನ ನಿರಂಕುಶಾಧಿಕಾರಿಗೆ ಪ್ರಸ್ತುತಪಡಿಸಿದಾಗ, ಅವನು ಪೆರಿಲೋಸ್ನ್ನು ಗೂಳಿಯೊಳಗೆ ಇರಿಸಲು ಆದೇಶಿಸಿದನು. ಈ ಕಂಚಿನ ಗೂಳಿಗೆ ಮೊದಲು ಬಲಿಯಾದನು.
ಗ್ರೀಸ್ ದೇಶದ ಅಪರಾಧಿಯನ್ನು ಈ ಗೂಳಿಯ ಸಾಧನದ ಒಳಗೆ ಇರಿಸಿ, ಅದರ ಬಾಗಿಲನ್ನು ಮುಚ್ಚಿ ನಂತರ ಅದರ ಕೆಳಗೆ ಅಡಿ ಭಾಗದಲ್ಲಿ ಬೆಂಕಿ ಹಚ್ಚಲಾಗುತ್ತದೆ, ಒಳಗಿದ್ದ ವ್ಯಕ್ತಿಯು ಸಂಪೂರ್ಣವಾಗಿ ಬೆಂದು ಸಾಯುವವರೆಗೆ ಲೋಹದ ಗೂಳಿಯನ್ನು ಬಿಸಿ ಮಾಡಲಾಗುತ್ತದೆ.
ದಂತಕಥೆಯ ಪ್ರಕಾರ, ಶವವನ್ನು ಸುಟ್ಟುಹಾಕಿದ ನಂತರ ಗೂಳಿಯ ಬಾಗಿಲನ್ನು ತೆರೆದಾಗ, ಬಲಿಯಾದ ಅಪರಾಧಿಯ ಸುಟ್ಟ ಮೂಳೆಗಳು “ಆಭರಣಗಳಂತೆ ಹೊಳೆಯುತ್ತಿದ್ದರಿಂದ ಅವುಗಳನ್ನು ಬ್ರೇಸ್ಲೆಟ್ಗಳಾಗಿ ಮಾಡಲಾಗುತಿತ್ತು.
ರೋಮನ್ನರು ಕೆಲವು ಕ್ರೈಸ್ತರನ್ನು ಕೊಲ್ಲಲು ಈ ಚಿತ್ರಹಿಂಸೆಯ ಸಾಧನವನ್ನು ಬಳಸಿದ್ದಾರೆ ಎಂದು ಹೇಳಲಾಗಿದೆ, “ಬುಲ್ ಆಫ್ ಫಲಾರಿಸ್ ” ಪ್ರಾಚೀನ ಆವಿಷ್ಕಾರಗಳಲ್ಲಿ ಅತ್ಯಂತ ಕ್ರೂರ ಅಪಾಯಕಾರಿ ಆವಿಷ್ಕಾರವಾಗಿದೆ ಎಂದು ಬಣ್ಣಿಸಲಾಗಿದೆ. ಒಬ್ಬ ವ್ಯಕ್ತಿಯನ್ನು ಶಿಕ್ಷೆಗೆ ಗುರಿ ಪಡಿಸಲು ಪ್ರಾಚೀನ ಗ್ರೀಕರ ಈ ಸಾಧನವು ಅತ್ಯಂತ ನಾಚೀಗೆಡಿನ ಸಾಧನವಾಗಿದೆ.