ಹಣಕಾಸಿನಲ್ಲಿ, ಹೂಡಿಕೆ ಎಂದರೆ ಬಂಡವಾಳದ ಹೆಚ್ಚಳ, ಲಾಭಾಂಶಗಳು, ಮತ್ತು/ಅಥವಾ ಬಡ್ಡಿ ಸಂಪಾದನೆಗಳ ನಿರೀಕ್ಷೆಯಿಂದ ಒಂದು ಆಸ್ತಿಯಲ್ಲಿ ಹಣ ಹಾಕಿಡುವುದು. ಹೂಡಿಕೆಯ ಬಹುತೇಕ ಅಥವಾ ಎಲ್ಲ ರೂಪಗಳು ಯಾವುದೋ ಬಗೆಯ ಅಪಾಯವನ್ನು ಒಳಗೊಂಡಿರುತ್ತವೆ, ಉದಾಹರಣೆಗೆ ಇತರ ವಿಷಯಗಳ ಜೊತೆಗೆ, ಹಣದುಬ್ಬರ ಅಪಾಯಕ್ಕೆ ಒಳಪಟ್ಟಿರುವ ಷೇರುಗಳು, ಆಸ್ತಿ, ಮತ್ತು ಸ್ಥಿರ ಬಡ್ಡಿ ಭದ್ರತಾ ಪತ್ರಗಳಲ್ಲಿನ ಹೂಡಿಕೆ. ಹೂಡಿಕೆಗೆ ಸಂಬಂಧಿಸಿದ ಅಪಾಯಗಳನ್ನು ಗುರುತಿಸಿ ನಿರ್ವಹಿಸುವುದು ಆ ಯೋಜನೆಯ ಹೂಡಿಕೆದಾರರಿಗೆ ಅನಿವಾರ್ಯವಾಗಿರುತ್ತದೆ. ಹೂಡಿಕೆ ಮತ್ತು ಹೂಡಿಕೆ ಹಣದ ನಿಯೋಜನೆ ಧನಾತ್ಮಕ ನಿರೀಕ್ಷಿತ ರಿಟರ್ನ್ ಪಡೆಯುವ ಉದ್ದೇಶವನ್ನು ಹೊಂದಿರುತ್ತದೆ.
ಹೂಡಿಕೆಯನ್ನು ಸರಿದೂಗಿಸಿಕೊಂಡು ಹೋಗಲು ನಾವು ತಜ್ಞರ ಸಲಹೆಯನ್ನು ಪಡೆಯಬಹುದಾಗಿದೆ. ಇವರನ್ನು ನಾವು ಬೇಕಾದರೆ ಫಂಡ್ ವೈದ್ಯರು ಅಂತಾನೂ ಕರೆಯಬಹುದು, ವೈದ್ಯರು ನಮಗೆ ಆರೋಗ್ಯ ಸರಿ ಇಲ್ಲದಾಗ ಆರೋಗ್ಯ ಕಾಪಾಡಿಕೊಳ್ಳಲು ಹೇಗೆ ಸಲಹೆ ನೀಡುತ್ತಾರೋ ಹಾಗೇ, ಇವರು ಹೂಡಿಕೆ ದಾರಿಯಲ್ಲಿ ನಮಗೆ ಗೊಂದಲಗಳು ಉಂಟಾದಾಗ ಸರಿಯಾದ ಮಾರ್ಗದರ್ಶನ ನೀಡಿ ನಮ್ಮ ಸಮಸ್ಯೆಗಳನ್ನು ಸರಿಪಡಿಸುವರು. ಮತ್ತು ನಾವು ಹೂಡಿಕೆ ಮಾಡಿರುವ ಫಂಡ್ಗಳು ಯಾವ ಸ್ಥಿತಿಯಲ್ಲಿದೆ ಎಂಬುದನ್ನು ನಮಗೆ ತಿಳಿಸುತ್ತಾರೆ.
ಬಹುತೇಕರಿಗೆ ಹೂಡಿಕೆ ಮಾಡಬೇಕು, ಹಣ ಗಳಿಸಬೇಕು, ಮುಂದಿನ ಜೀವನಕ್ಕೆ ಸರಿಯಾದ ಉಳಿತಾಯ ಮಾಡಬೇಕು ಎಂಬ ಆಸೆ ಇರುತ್ತದೆ. ಆದರೆ ಅನೇಕ ಹೂಡಿಕೆದಾರರಿಗೆ ಅದರ ಬಗ್ಗೆ ಆಳವಾದ ಜ್ಞಾನ ಇರುವುದಿಲ್ಲ. ನಾವು ಸರಿಯಾದ ಫಂಡ್ಗಳಲ್ಲಿ ಹೂಡಿಕೆ ಮಾಡುತ್ತಿದ್ದೇವೆಯೇ? ನಮ್ಮ ಫಂಡ್ ಪೋರ್ಟ್ಫೋಲಿಯೊ ಟ್ರ್ಯಾಕ್ನಲ್ಲಿದೆಯೇ ಹೀಗೆ ಸುಮಾರು ವಿಚಾರಗಳ ಬಗ್ಗೆ ಪ್ರಾರಂಭದಲ್ಲಿ ಅರಿವು ಎಲ್ಲ ಹೂಡಿಕೆದಾರಿಗೂ ಇರುವುದಿಲ್ಲ. ಹೀಗಾಗಿ ಆರಂಭಿಕ ಹೂಡಿಕೆದಾರರಿಗೆ ಈ ಎಲ್ಲಾ ಅಂಶಗಳಲ್ಲಿ ಹೇಗೆ ಮುಂದುವರಿಯಬೇಕು ಎಂಬುದನ್ನು ಪೋರ್ಟ್ಫೋಲಿಯೋ ತಜ್ಞರು ಅವಲೋಕಿಸಿ ಸಲಹೆ ಪಡೆಯುವ ಅವಶ್ಯಕತೆ ಇರುತ್ತದೆ.
ತಜ್ಞರು ಹೂಡಿಕೆದಾರರ ನಿಧಿಗಳ ಕಾರ್ಯಕ್ಷಮತೆ, ಹೂಡಿಕೆದಾರರ ಅಪಾಯದ ವಿವರ ಮತ್ತು ಅವರ ಹಣಕಾಸಿನ ಗುರಿಗಳನ್ನು ಆಧರಿಸಿ ಇವರು ಸಲಹೆ, ಸೂಚನೆಗಳನ್ನು ನೀಡುತ್ತಾರೆ.
ಪೋರ್ಟ್ಫೋಲಿಯೋ ಪರಿಶೀಲನೆ:
ನಿಧಿಗಳ ಉತ್ತಮ ಆಯ್ಕೆ ಮತ್ತು ನಿಯಮಿತ SIP ಗಳು ಗಣನೀಯ ಪ್ರಮಾಣದ ಕಾರ್ಪಸ್ ಅನ್ನು ನಿರ್ಮಿಸಿವೆಯೇ ಎಂಬುದನ್ನು ನೋಡಬೇಕು.
ಪೋರ್ಟ್ಫೋಲಿಯೊವನ್ನು ನಿರ್ವಹಿಸಲು ಕೆಲವು ನಿಧಿಗಳಿಂದ ಹೊರಬರಬೇಕು
ಒಮ್ಮೊಮ್ಮೆ ಷೇರುಗಳು ಅಪಾಯಕಾರಿ, ಹೀಗಾಗಿ ಮ್ಯೂಚುವಲ್ ಫಂಡ್ಗಳ ಆಯ್ಕೆಯನ್ನು ಪರಿಶೀಲಿಸಿ ಎನ್ನುತ್ತಾರೆ.
ಹೂಡಿಕೆದಾರರಿಗೆ ಮುಖ್ಯವಾಗಿ ತಜ್ಞರು ನೀಡೋ ಸಲಹೆ ಈ ರೀತಿಯಾಗಿ ಇರುತ್ತದೆ.
* ಸಿಕ್ಕ ಸಿಕ್ಕ ಪಂಢ್ಗಳಿಗೆ ಹೂಡಿಕೆ ಮಾಡದಂತೆ ಹೂಡಕೆದಾರರಿಗೆ ಸಲಹೆ ನೀಡಲಾಗುತ್ತದೆ. ಒಬ್ಬರು ಕೇವಲ 5-6 ಫಂಡ್ಗಳಿಗೆ ಹೂಡಿಕೆ ಮಾಡಿದರೆ ಸಾಕು ಎಂದು ತಜ್ಞರು ನಮ್ಮನ್ನು ಎಚ್ಚರಿಸುತ್ತಾರೆ.
* ಈ ಗುರಿಗಳನ್ನು ಕಾಪಾಡಲು ರೂ.2 ಕೋಟಿಯ ಜೀವ ವಿಮೆಯನ್ನು ಖರೀದಿಸಲು ಶಿಫಾರಸು ಮಾಡುತ್ತಾರೆ.
* ಗುರಿ ಸಮೀಪದಲ್ಲಿರುವಾಗ ಇತರೆ ಅಪಾಯವನ್ನು ಮೈಮೇಲೆ ಎಳೆದುಕೊಳ್ಳಬೇಡಿ ಎನ್ನುತ್ತಾರೆ ತಜ್ಞರು.
ಹೂಡಿಕೆದಾರರು ಈ ರೀತಿಯ ಎಚ್ಚರಿಕೆಯ ಕ್ರಮಗಳನ್ನು ಕೈಗೊಳ್ಳಬೇಕಾಗುತ್ತದೆ:
SIP ಗಳನ್ನು ಪ್ರತಿ ವರ್ಷ 10% ಹೆಚ್ಚಿಸಬೇಕಾಗುತ್ತದೆ.
ನಿವೃತ್ತಿಗಾಗಿ ಈಕ್ವಿಟಿ ಫಂಡ್ನಲ್ಲಿ SIP ಗಳನ್ನು ಪ್ರಾರಂಭಿಸಿ.
NPS ನಲ್ಲಿ ಈಕ್ವಿಟಿ ಫಂಡ್ಗಳಿಗೆ ಗರಿಷ್ಠ 75% ಮಾನ್ಯತೆಗಾಗಿ ಆಯ್ಕೆಮಾಡಿಕೊಳ್ಳಬೇಕಾಗುತ್ತದೆ.
ವರ್ಷಕ್ಕೊಮ್ಮೆಯಾದರೂ ಹೂಡಿಕೆಗಳನ್ನು ಪರಿಶೀಲಿಸಿ ಮತ್ತು ಮರುಸಮತೋಲನ ಮಾಡಿ.
ಹೀಗೆ ಪ್ರತಿಯೊಬ್ಬ ಹೂಡಿಕೆದಾರರು ತಮ್ಮ ಹೂಡಿಕೆ ಬಗ್ಗೆ ಆದಷ್ಟು ಗಮನಹರಿಸುತ್ತಾ, ಅದರ ಪರಿಶೀಲನೆಯಲ್ಲಿ ನಿರಂತರವಾಗಿ ತೊಡಗಿರುವುದು ಉತ್ತಮ.