ಜನ್ಮದಿಂದ ಸಿದ್ಧವಾಗುವ ವರ್ಣಭೇದ ಜಾತಿಭೇದಗಳನ್ನು ವೇದಗಳು ಪ್ರತಿಪಾದಿಸಿ ಸ್ತ್ರೀ, ಶೂದ್ರಾದಿಗಳನ್ನು ಹೀನಾಯವಾಗಿ ಕಂಡಿವೆಯೆಂಬ ತಪ್ಪು ಕಲ್ಪನೆ ಹಲವು ಭಾರತೀಯರಲ್ಲಿ ಇಂದಿಗೂ ಪ್ರಚಲಿವಿರುವುದು ವೇದಗಳ ನೇರ ಅರಿವಿಲ್ಲದುದರ ಪರಿಣಾಮವಾದ ಘೋರ ದುರಂತ, ವೇದಗಳ ಮೂಲಪಾಠದ ಕಡೆ ಹೋಗದೆ ಯಾವುದೋ ಇಂಗ್ಲೀಷ್ ಬರಹಗಳನ್ನು ಓದಿ ಮೂಡಿಸಿಕೊಂಡ ಭಾವನೆಗಳ ಫಲ ಅದು. ಶ್ರೀ ಕೃಷ್ಣ ಪರಮಾತ್ಮನು ಗೀತೆಯಲ್ಲಿ ಹೇಳಿರುವಂತೆ ಚಾತುರ್ವಣ್ಯಂ ಮಯಾ ಸೃಷ್ಟಾ ಗುಣ ಕರ್ಮ ವಿಭಾಗಷಃ ಎಂದು ತಿಳಿಸಿದ್ಧಾನೆ. ಎಂದರೆ ಹುಟ್ಟಿನಿಂದ ಜೀವವು ಯಾವ ವರ್ಣದಲ್ಲಿ ಜನಿಸಿದರೂ ಅದು ಆತನ ವರ್ಣವಾಗುವುದಿಲ್ಲ. ಮತ್ತು ಅದರಿಂದ ಆತನ ಧರ್ಮವನ್ನು ಅಳೆಯಲು ಆಗುವುದಿಲ್ಲ. ಧರ್ಮವು ನಿರ್ಧಾರವಾಗುವುದು ಆತನು ನಿರ್ವಹಿಸುವ ಕಾರ್ಯದ ಮೇಲೆ ಎಂದು ಹಿಂದೂ ಧರ್ಮದ ಅನೇಕ ಗ್ರಂಥಗಳು ಇದನ್ನು ಪ್ರಮಾಣೀಕರಿಸಿವೆ.
ಆದರೆ ಕೆಲವೊಂದು ಬುದ್ಧಿಜೀವಿಗಳು ತಾವು ತಿಳಿದುಕೊಂಡಿದ್ದೆ ಶಾಸ್ತ್ರ ಎಂಬಂತೆ ವರ್ತಿಸುತ್ತಿದ್ದಾರೆ. ಅವರಿಗೆ ಹಿಂದೂ ಧರ್ಮದ ಗಂಧ ಗಾಳಿಯೂ ತಿಳಿದಿಲ್ಲವೆಂದು ಇಲ್ಲಿಯೇ ಗೊತ್ತಾಗಿಬಿಡುತ್ತದೆ. ಕಾರಣ ಹಿಂದೂ ಧರ್ಮ ಕೇವಲ ಮನುಷ್ಯ, ಮನುಷ್ಯನಲ್ಲಿ ಮಾತ್ರವಲ್ಲದೆ ಗಿಡ ಮರ ಪ್ರಾಣಿ ಪಕ್ಷಿಯಲ್ಲಯೂ ದೇವರ ಅಸ್ಥಿತ್ವವನ್ನು ಕಾಣುವಂತಹ ಸನಾತನ ಧರ್ಮವಾಗಿದೆ. ಇಲ್ಲಿ ಕಣ್ಣಿಗೆ ಕಾಣದ ಅಗೋಚರ ಜೀವಿಗಳಿಂದ ಪ್ರಾರಂಭಿಸಿ ಅನಂತ ಬ್ರಹ್ಮಾಂಡದ ವರೆಗೆ ವ್ಯಾಪಿಸಿದಂತಹ ಚೇತನವನ್ನು ನಿರಂತರವಾಗಿ ಒಂದಲ್ಲ ಒಂದು ಅಂಶದಿಂದ ಸ್ಮರಿಸುವ ಮತ್ತು ಪೂಜಿಸುವ ಕ್ರಮವು ನಿರಂತರವಾಗಿ ನಡೆಯುತ್ತಿದೆ.
ಹಿಂದೂ ಧರ್ಮದ ಮತ್ತೊಂದು ವೈಶಿಷ್ಟ್ಯವೆಂದರೆ ಪ್ರಕೃತಿಯಿಂದಲೇ ಪ್ರಕೃತಿಯ ಪೂಜೆಯನ್ನು ಮಾಡುವಂತಹ ಕ್ರಮ ನಮ್ಮಲ್ಲಿದೆ. ನಾವು ಪೂಜೆಯನ್ನು ಮಾಡುವಂತಹ ಅನೇಕ ದೇವತೆಗಳು ಪ್ರಕೃತಿಯ ಮೂಲವಾಗಿಯೇ ಪಡೆದಿರುವಂತಹದ್ದು ಉದಾಹರಣೆಗೆ ನಾಗ,ಗಣೇಶ, ಹನುಮಂತ, ಅನೇಕ ಗಿಡ ಮರ ಪ್ರಾಣಿಗಳು ಹಿಂದೂ ಧರ್ಮದಲ್ಲಿ ದೈವಿ ಸ್ವರೂಪವನ್ನು ಪಡೆದಿವೆ. ಮತ್ತು ಅವುಗಳನ್ನು ನಾವು ಸಾವಿರಾರು ವರ್ಷಗಳಿಂದ ಪ್ರಶ್ನಾತೀತವಾಗಿ ಪೂಜಿಸುತ್ತ ಬರುತ್ತಿದ್ದೆವೆ, ಮತ್ತು ಹಿಂದೂ ಧರ್ಮದಲ್ಲಿ ಆರಾಧನೆಗೂ ಮಹತ್ವದ ಸ್ಥಾನವಿದೆ. ಅದನ್ನು ಮುಂದಿನ ಸರಣಿಯಲ್ಲಿ ವಿವರಿಸಲಿದ್ದೆನೆ
ಮುಂದುವರೆಯಲಿದೆ . . . . .