ಒಂದು ಮನೆಯಲ್ಲಿ ತಾಯಿ ಮಕ್ಕಳನ್ನು ನೋಡಿಕೊಳ್ಳುತ್ತಿರುತ್ತಾಳೆ. ಅವಳು ಹೊರಗಡೆ ಕೆಲಸಕ್ಕೆ ಹೋದರೂ ಕೂಡ ಅವಳೇ ಮನೆಯನ್ನು ಕೂಡ ನಿಭಾಯಿಸಬೇಕಾಗುತ್ತದೆ. ಕೆಲಸ ಮತ್ತು ಕುಟುಂಬ ಎರಡೂ ಅನಿವಾರ್ಯ. ಜೀವನ ನಡೆಸಲು ಕೈಯಲ್ಲಿ ಒಂದು ಕೆಲಸ ಬೇಕಾಗಿರುತ್ತದೆ. ಜೀವನಕ್ಕೆ ಒಂದು ಕುಟುಂಬ ಅಂತಿರಲೇಬೇಕು. ಕೆಲವು ಅನಿವಾರ್ಯ ಇದ್ದಾಗ ಕೆಲಸ ಬಿಟ್ಟು ಕುಟುಂಬ ನೋಡಿಕೊಳ್ಳಲು ಸಾಧ್ಯವಿಲ್ಲ. ಅದೇ ರೀತಿ ಕುಟುಂಬ ಕಡೆಗಣಿಸಿ ಕೆಲಸ ಮಾಡುತ್ತೇನೆ ಎಂಬುವುದು ಸಾಧ್ಯವಾಗದ ಮಾತು. ಎರಡೂ ಸಹ ಒಬ್ಬರ ಜೀವನಕ್ಕೆ ಅಮೂಲ್ಯವಾದ ಅಂಶಗಳಾಗಿವೆ. ಆದರೆ ಒಮ್ಮೊಮ್ಮೆ ಕೆಲಸದ ಒತ್ತಡದಲ್ಲಿ ನಿಜವಾಗಿಯೂ ಮಕ್ಕಳು, ಕುಟುಂಬವನ್ನು ನಿರ್ಲಕ್ಷ್ಯ ಮಾಡಿ ಬಿಡುತ್ತೇವೆ. ಕೆಲಸ ಮಾಡುವ ಪೋಷಕರು ಜೀವನದಲ್ಲಿ ಉದ್ಯೋಗ ಮತ್ತು ಕುಟುಂಬದ ಜವಾಬ್ದಾರಿಗಳನ್ನು ಎಚ್ಚರಿಕೆಯಿಂದ ಸಮತೋಲನಗೊಳಿಸಬೇಕು.
ತಾಯಿ ಮಾತ್ರ ಎರಡನ್ನೂ ನಿಭಾಯಿಸಬೇಕು ಅಂತ ಇಲ್ಲ. ತಂದೆ ಕೂಡ ವೃತ್ತಿಜೀವನ ಮತ್ತು ಕುಟುಂಬದ ಹೊಣೆ ಹೊತ್ತುಕೊಳ್ಳಬೇಕು. ಆಗ ತಾಯಿಯಾದವಳಿಗೆ ಸ್ವಲ್ಪ ಭಾರ ಕಡಿಮೆಯಾಗಿ ಎರಡು ಕಡೆ ಚೆನ್ನಾಗಿ ನಿಭಾಯಿಸುತ್ತಾಳೆ.
ಮಕ್ಕಳಿಗೆ ಚಿಕ್ಕ ವಯಸ್ಸಿನಲ್ಲಿ ಅಗತ್ಯವಾಗಿ ಪೋಷಕರ ಬೆಂಬಲ ಬೇಕು. ಕೆಲಸದ ಮಧ್ಯೆ ನಾವಿದನ್ನು ಮರೆಯಬಾರದು. ಕೆಲಸ ಮತ್ತು ಕುಟುಂಬದ ನಡುವೆ ಸಮತೋಲನವನ್ನು ಬೆಳೆಸಿಕೊಳ್ಳುತ್ತಾ ಮಕ್ಕಳೊಟ್ಟಿಗೆ ಹೆಚ್ಚಿನ ಕಾಲ ಕಳೆಯುವುದಕ್ಕೆ ಪರಿಸ್ಥಿತಿಯನ್ನು ನಿರ್ಮಿಸಿಕೊಳ್ಳಬೇಕು.
ತಮ್ಮ ವೈಯಕ್ತಿಕ ಮತ್ತು ವೃತ್ತಿಪರ ಜವಾಬ್ದಾರಿಗಳನ್ನು ಸಮತೋಲನಗೊಳಿಸಲು ಬಯಸುವ ಕೆಲಸ ಮಾಡುವ ಪೋಷಕರು ಕೆಲಸಕ್ಕೂ ಆದ್ಯತೆ ನೀಡಿ ಜೊತೆಗೆ ಕುಟುಂಬಕ್ಕೂ ಸಮಯ ನೀಡುಬೇಕು.
ದೈನಂದಿನ ಕಾರ್ಯಗಳಲ್ಲಿ ಮಕ್ಕಳನ್ನು ತೊಡಗಿಸುವ ಹಾಗೆ ನೋಡಿಕೊಳ್ಳಬೇಕು. ಅದರಿಂದ ಅವರು ನಿಮ್ಮ ಜೊತೆ ಹೆಚ್ಚಿನ ಸಮಯ ಕಳೆಯುವ ಹಾಗೆ ಆಗುತ್ತದೆ. ಅಲ್ಲದೆ ನಿಮ್ಮ ಕೆಲಸದ ಹೊರೆಯನ್ನು ಕಡಿಮೆ ಮಾಡುವುದಲ್ಲದೆ ಕುಟುಂಬ ಸದಸ್ಯರಲ್ಲಿ ಸಹಕಾರ ಮತ್ತು ಸಹಯೋಗದ ಮನೋಭಾವವನ್ನು ಬೆಳೆಸಬಹುದು.
ಕೆಲಸದ ನಡುವೆ ಸಮಯ ಸಿಕ್ಕಾಗ ಮಕ್ಕಳ ಜೊತೆ ಅವರ ವಯಸ್ಸಿಗೆ ತಕ್ಕನಾದ ಆಟಗಳನ್ನು ಆಡಬೇಕು. ನಿಮ್ಮ ಮಕ್ಕಳು ತಮ್ಮ ಸಂತೋಷದ ಜೊತೆಗೆ ಅವರ ಸಾಮಾಜಿಕ, ಸಂವಹನ ಮತ್ತು ಸಮಸ್ಯೆ-ಪರಿಹರಿಸುವ ಸಾಮರ್ಥ್ಯಗಳನ್ನು ಸುಧಾರಿಸಲು ನೀವು ಸಹಾಯ ಮಾಡುತ್ತಿರಬೇಕು. ಆಗ ನಿಮ್ಮೊಟ್ಟಿಗೆ ಅವರು ಕೂಡ ಖುಷಿಯಾಗಿರುತ್ತಾರೆ.