ಸಾಮಾನ್ಯವಾಗಿ ಪ್ರತಿಯೊಬ್ಬ ವ್ಯಕ್ತಿಯು ದಿನಕ್ಕೆ ಕನಿಷ್ಟ 2 ಲೀಟರ್ ನೀರನ್ನು ಕುಡಿಯಲೇಬೇಕು. ಇಷ್ಟು ಪ್ರಮಾಣದ ನೀರು ಕುಡಿದಾಗ ದೇಹವು ಅನೇಕ ಆರೋಗ್ಯ ಸಮಸ್ಯೆಗಳಿಂದ ಪಾರು ಮಾಡುತ್ತದೆ ಎಂದು ಹೇಳಲಾಗುತ್ತದೆ.
ಅದೇ ರೀತಿ, ಗರ್ಭಾವಸ್ಥೆಯಲ್ಲಿ ಎಷ್ಟು ಪ್ರಮಾಣದ ನೀರು ಅತ್ಯಗತ್ಯ ಎಂಬ ಪ್ರಶ್ನೆ ನಿಮ್ಮಲ್ಲಿರಬಹುದು. ವಾಸ್ತವವಾಗಿ ಮಲಬದ್ಧತೆ ಮತ್ತು ದಣಿವಿನಂತಹ ಕೆಲವು ಸಾಮಾನ್ಯ ಗರ್ಭಧಾರಣೆಯ ಸಮಸ್ಯೆಗಳಿಗೆ ಹೆಚ್ಚಿನ ನೀರಿನ ಸೇವನೆ ಚಿಕಿತ್ಸೆ ನೀಡುತ್ತದೆ. ಸಾಕಷ್ಟು ನೀರು ಕುಡಿಯುವುದರಿಂದ ಗರ್ಭಾವಸ್ಥೆಯಲ್ಲಿ ಉತ್ತಮ ಆರೋಗ್ಯವನ್ನು ನಿರೀಕ್ಷಿಸಬಹುದು. ಒಂದು ವೇಳೆ ನೀವು ಸಾಕಷ್ಟು ದ್ರವವನ್ನು ಕುಡಿಯದಿದ್ದರೆ, ನೀವು ನಿರ್ಜಲೀಕರಣಗೊಳ್ಳಬಹುದು.
ನಿರ್ಜಲೀಕರಣದ ರೋಗಲಕ್ಷಣಗಳು
ಬಾಯಾರಿಕೆಯ ಭಾವನೆ
ಕಡು ಹಳದಿ ಅಥವಾ ಬಲವಾದ ವಾಸನೆಯ ಮೂತ್ರ
ತಲೆತಿರುಗುವಿಕೆ
ಸುಸ್ತಾಗುವುದು
ಬಾಯಿ, ತುಟಿಗಳು ಮತ್ತು ಕಣ್ಣುಗಳನ್ನು ಒಣಗುವುದು
ಗರ್ಭಾವಸ್ಥೆಯಲ್ಲಿ ಎಷ್ಟು ಪ್ರಮಾಣದಲ್ಲಿ ನೀರು ಕುಡಿಯಬೇಕು?
ಗರ್ಭಾವಸ್ಥೆಯಲ್ಲಿ ನೀವು ದಿನಕ್ಕೆ 6 ರಿಂದ 8 ಗ್ಲಾಸ್ ನೀರು ಅಥವಾ ದ್ರವವನ್ನು ಸೇವಿಸಬಹುದು. ಈ ಪಟ್ಟಿಯಲ್ಲಿ ತಾಜಾ ಹಣ್ಣಿನ ಜ್ಯೂಸ್ಗಳು, ಕಾಫಿ, ಚಹಾ ಒಳಗೊಂಡತೆ ಇತರ ಪಾನೀಯಗಳು ಸೇರ್ಪಡೆಗೊಂಡಿರುತ್ತದೆ. ಇದರರ್ಥ ದಿನಕ್ಕೆ 1.6 ಲೀಟರ್ ನೀರನ್ನು ಕುಡಿಯಬಹುದು.
ಗರ್ಭಾವಸ್ಥೆಯಲ್ಲಿ ಕೆಫೀನ್ ಹೊಂದಿರುವ ಪಾನೀಯಗಳನ್ನು ಮಿತಗೊಳಿಸುವುದು ಒಳ್ಳೆಯದು ಎಂದು ಶಿಫಾರಸು ನೀಡಲಾಗುತ್ತದೆ. ರಾಸಾಯನಿಕ ಹಾಗು ಹೆಚ್ಚಿನ ಸಕ್ಕರೆ ಹೊಂದಿರುವ ಪಾನೀಯಗಳನ್ನು ಗರ್ಭಾವಸ್ಥೆಯಲ್ಲಿ ಸಂಪೂರ್ಣವಾಗಿ ತಪ್ಪಿಸಿ. ಇದರಿಂದ ನಿಮ್ಮ ಹಾಗು ನಿಮ್ಮ ಮಗುವಿನ ಆರೋಗ್ಯ ಉತ್ತಮವಾಗಿರುತ್ತದೆ.