ಪ್ರಸಿದ್ಧ ಮೆಸೇಜಿಂಗ್ ಪ್ಲಾಟ್ ಫಾರ್ಮ ವಾಟ್ಸ್ ಆ್ಯಪ್ ಮೇ ತಿಂಗಳಲ್ಲಿ ಭಾರತೀಯರ 65 ಲಕ್ಷಕ್ಕೂ ಅಧಿಕ ಖಾತೆಗಳನ್ನು ನಿರ್ಬಂಧಗೊಳಿಸಿದೆ. ವಾಟ್ಸ್ ಆ್ಯಪ್ ತನ್ನ ಚಂದಾದಾರರ ಸುರಕ್ಷತೆಯ ಹಿತ ದೃಷ್ಟಿಯಿಂದ ಈ ನಿರ್ಧಾರವನ್ನು ತೆಗೆದುಕೊಂಡಿದೆ.
2021ರ ಬಳಕೆದಾರರ ಸುರಕ್ಷತ ಕಾಯಿದೆ 4(1)(D) ಅಡಿಯಲ್ಲಿ ಈ ನಿರ್ಧಾರವನ್ನು ತೆಗೆದುಕೊಳ್ಳಲಾಗಿದೆ. ಮೇ ತಿಂಗಳ 1 ರಿಂದ 31ರವರಗೆ ಅನೇಕ ದೂರುಗಳನ್ನು ಸ್ವೀಕರಿಸಿದ್ದು, ವಾಟ್ಸ್ ಆ್ಯಪ್ ಷರತ್ತುಗಳ ಉಲ್ಲಂಘನೆ ಮತ್ತು ಬಳಕೆದಾರರ ದೂರುಗಳ ಮೇರೆಗೆ ಈ ಕ್ರಮ ತೆಗೆದುಕೊಳ್ಳಲಾಗಿದೆ ಎಂದು ವಾಟ್ಸ್ ಆ್ಯಪ್ ನ ಒಡೆಯ ಮೆಟಾ ಸ್ಪಷ್ಟಪಡಿಸಿದೆ.
ವಾಟ್ಸ್ ಆ್ಯಪ್ ನಿಯಮ ಮತ್ತು ಷರತ್ತುಗಳ ಪ್ರಕಾರ, ಕಾನೂನು ಬಾಹಿರ, ಅಶ್ಲೀಲ, ಮಾನಹಾನಿ, ಬೆದರಿಕೆಯ, ಕಿರುಕುಳದ, ದ್ವೇಷಪೂರಿತ ಸಂದೇಶಗಳನ್ನು ಕಳುಹಿಸಿದರೆ ಮತ್ತು ಹಿಂಸಾತ್ಮಕ ಅಪರಾಧಗಳನ್ನು ಪ್ರಚೋದಿಸುವ ಸಂದೇಶಗಳನ್ನು ಕಳುಹಿಸಿದರೂ ವಾಟ್ಸ್ ಆ್ಯಪ್ ಬಳಕೆದಾರರ ಖಾತೆಯನ್ನು ಬ್ಯಾನ್ ಮಾಡುತ್ತದೆ. ಎಪ್ರೀಲ್ ತಿಂಗಳಲ್ಲಿ 74 ಲಕ್ಷಕ್ಕೂ ಅಧಿಕ ಖಾತೆಗಳನ್ನು ನಿಷೇದಿಸಿದೆ ಎಂಬ ಮಾಹಿತಿಯನ್ನು ಸ್ಪಷ್ಟಪಡಿಸಿದೆ.
ಒಟ್ಟಿನಲ್ಲಿ ಲಂಗು ಲಾಗಮು ಇಲ್ಲದೆ ಹಾರಾಡುತ್ತಿದ್ದ ಕೆಲವು ವಿಕೃತ ಮನಸ್ಸುಗಳಿಗೆ ತಕ್ಕ ಪಾಠವಾಗಿದೆ ಅನ್ನಬಹುದು. ಯಾವುದೋ ವಿಡಿಯೋವನ್ನು ಕೊಂಚವು ಯೋಚನೆ ಮಾಡದೇ ಶೇರ್ ಮಡುವುದು. ಅವಹೇಳನಕಾರಿ ಮಾತುಗಳನ್ನು. ಸಂದೇಶವನ್ನು ಅಧಿಕ ಸಂಖ್ಯೆಯಲ್ಲಿ ಜನರಿಗೆ ಕಳುಹಿಸಿ ಜನರಲ್ಲಿ ಆತಂಕ ಸೃಷ್ಟಿ ಮಾಡುವುದು.
ಒಬ್ಬ ವ್ಯಕ್ತಿಯ ಮಾನ ಕಳೆಯುವ ಕೆಲಸವನ್ನು ಸಲೀಸಾಗಿ ಮಾಡುತ್ತಿದ್ದ ಜನರಿಗೆ ಸರಿಯಾದ ಕಡಿವಾಣ ಬಿದ್ದತಂತಾಗಿದೆ. ಇಲ್ಲಸಲ್ಲದ ಆರೋಪ ಮತ್ತು ಸುಳ್ಳು ಸುದ್ದಿಗಳನ್ನು ಹಬ್ಬಿಸುವ ಜನರಿಗೆ ಬ್ರೇಕ್ ಹಾಕಲು ಪ್ರಯತ್ನಿಸುತ್ತಿದೆ ವಾಟ್ಸ್ ಆ್ಯಪ್.
ಜಗತ್ತಿನಲ್ಲಿ ಟೆಕ್ನಾಲಾಜಿಗಳನ್ನು ಒಳ್ಳೆಯ ವಿಚಾರಕ್ಕಿಂತ ಕೆಟ್ಟ ವಿಷಯಕ್ಕೆ ಹೆಚ್ಚು ಬಳಕೆಯಾಗುತ್ತಲೇ ಬಂದಿದೆ. ಇನ್ನು ವಾಟ್ಸ್ ಆ್ಯಪ್ ಕೊಂಚ ಕ್ಷೀಪ್ರ ಗತಿಯಲ್ಲಿ ಜನರನ್ನು ತಲುಪುವುದರಿಂದ ಇದರ ಪರಿಣಾಮ ಬೇಗನೇ ಕಾಣಸಿಗುತ್ತದೆ. ಆದ್ದರಿಂದ ಇಂತಹ ವ್ಯವಸ್ಥೆಗೆ ಸೂಕ್ತಕ್ರಮದ ಅವಶ್ಯಕತೆ ಸಹಜವಾಗಿಯೇ ಇತ್ತು.