ಬಾಗಲಕೋಟೆ:ನೂರಾರು ಎಕರೆ ಕೃಷಿ, ತೋಟಗಾರಿಕೆ ಮಾಡುತ್ತಿದ್ದರು ವ್ಯವಸಾಯ ಮಾಡಲು ಹಿಂದೇಟು ಹಾಕುತ್ತಾರೆ. ಕೋಲಾರ ಮೂಲದ ಧರಣಿ ಅನ್ನದಾತರು, ಕೃಷಿ ಸಮಸ್ಯೆ, ಸವಾಲ್ಗಳಿಗೆ ಪರಿಹಾರ ಕಂಡುಕೊಳ್ಳುವ ಮಹದಾಸೆಯೊಂದಿಗೆ ತೋಟಗಾರಿಕೆಯಲ್ಲಿ ಸ್ನಾತಕ ಪದವಿ ಪ್ರವೇಶ ಪಡೆದು ತೋವಿವಿಗೆ ಚಿನ್ನದ ಬೆಡಗಿಯಾಗಿ ಹೊರಮ್ಮಿದ್ದಾರೆ..!
ಮೂಲತಃ ಕೋಲಾರ ಜಿಲ್ಲೆಯ ಸುಗಟೂರು ಗ್ರಾಮದ ಧರಣಿ ಎನ್.ಶೆಟ್ಟಿ ವೈದ್ಯಳಾಗುವ ಕನಸು ಕಂಡಿದ್ದರು. ಸರ್ಕಾರಿ ಕೋಟಾದಡಿ ಸೀಟು ದೊರೆಯದೇ ತೋಟಗಾರಿಕಾ ವಿಜ್ಞಾನ ಪದವಿ ಪಡೆಯಲು ಆಸೆ ಹೊತ್ತು ಪ್ರವೇಶ ಪಡೆದಿದ್ದರು. ಕುಟುಂಬದ ಜಂಟಿಯಾಗಿ ಕೇವಲ ಒಂದು ಎಕರೆ ಜಮೀನು ಇದ್ದರು ಕೃಷಿ ಬಗ್ಗೆ ಅಪಾರ ಆಸಕ್ತಿ ಹೊಂದಿದ್ದರು. ಇದೇ ಕಾರಣಕ್ಕೆ ತೋವಿವಿ 12 ನೇ ಘಟಿಕೋತ್ಸವದಲ್ಲಿ ಬರೋಬ್ಬರಿ 16 ಚಿನ್ನದ ಪದಕ ಮುಡಿಗೇರಿಸಿಕೊಂಡು ಎಲ್ಲರ ನಿಬ್ಬೆರಗಾಗುವಂತೆ ಮಾಡಿದ್ದಾರೆ.
ಯುಪಿಎಸ್ಗುರಿ..!
ತಂದೆ ನಾಗೇಂದ್ರ ಶೆಟ್ಟಿ ಕಿರಾಣಿ ವ್ಯಾಪಾರಸ್ಥರಾಗಿದ್ದಾರೆ. ತಾಯಿ ಸವಿತಾ ಶೆಟ್ಟಿ ಗೃಹಿಣಿ. ಸಾಮಾನ್ಯ ಕುಟುಂಬದಲ್ಲಿ ಜನಿಸಿದ ಧರಣಿ ಶೆಟ್ಟಿ ಪಿಯುಸಿ ವರೆಗೆ ಕೋಲಾರದಲ್ಲಿ ಶಿಕ್ಷಣ ಪಡೆದುಕೊಂಡಿದ್ದಾರೆ. ಎಸ್ಸೆಸ್ಸೆಲ್ಸಿಯಲ್ಲಿ ಶೇ.97, ಪಿಯುಸಿ ಪರೀಕ್ಷೆಯಲ್ಲಿ ಶೇ.95 ಅಂಕ ಪಡೆದುಕೊಂಡಿದ್ದರು. ಮುನಿರಾಬಾದ್ ತೋಟಗಾರಿಕಾ ಕಾಲೇಜಿನಲ್ಲಿ ಪದವಿ ಓದುತ್ತಿದ್ದಾರೆ. ತಂದೆ-ತಾಯಿಗಳು ಸದಾ ಸಮಾಜಕ್ಕೆ ಏನಾದರು ಕೊಡುಗೆ ನೀಡು ಅಂತ ಪ್ರೋತ್ಸಾಹ ನೀಡಿದ್ದರಿಂದ ತೋಟಗಾರಿಕೆ ಪದವಿ ಆಯ್ಕೆ ಮಾಡಿಕೊಂಡು ಸಾಧನೆ ಮಾಡಿದ್ದಾರೆ. ಯುಪಿಎಸ್ಸಿ ಪರೀಕ್ಷೆ ಪಾಸು ಮಾಡಿ ಸಿವಿಲ್ ಸರ್ವಿಸ್ ಮೂಲಕ ಕೃಷಿಕರ ಸವಾಲ್, ಸಮಸ್ಯೆಗಳಿಗೆ ಪರಿಹಾರ ಕಂಡುಕೊಳ್ಳುವ ಗುರಿ ಹೊಂದಿದ್ದಾರೆ. ಸ್ನಾತಕೋತ್ತರ, ಪಿಎಚ್ಡಿ, ಸಂಶೋಧನೆ ಕಡೆ ಹೆಚ್ಚಿನ ಒಲವು ಹೊಂದದೇ ಸರ್ಕಾರದ ಭಾಗವಾಗಿ ಆಡಳಿತದ ಮೂಲಕ ಹೊಸ ಬದಲವಾಣೆ ತರುವ ತವಕದಲ್ಲಿ ಯುಪಿಎಸ್ಸಿ ಪರೀಕ್ಷೆ ಪಾಸು ಮಾಡಲು ಅಣಿಯಾಗಿದ್ದಾರೆ.
ಮಗಳ ಧರಣಿ ಮಾಡಿದ ಸಾಧನೆ ತೃಪ್ತಿ ತಂದಿದೆ. ನಾವು ಇಂತಹದ್ದು ಓದಬೇಕು ಎನ್ನುವ ಒತ್ತಡ ಹಾಕಿರಲಿಲ್ಲ. ವೈದ್ಯಳಾಗಬೇಕು ಎನ್ನುವ ಕನಸು ಕಂಡಿದ್ದಳು. ಆದರೇ ಸಾಧ್ಯವಾಗಲಿಲ್ಲ. ಕುಟುಂಬದ 1 ಎಕರೆ ಜಮೀನು ಮಾತ್ರ ಇದೆ. ರಾಗಿ ಬೆಳೆಯುತ್ತೇವೆ. ದಿನಸಿ ಮಾಡುವ ಸಾಮಾನ್ಯ ಕುಟುಂಬದವರು. ಕೃಷಿಕರು ಪಡುತ್ತಿರುವ ಕಷ್ಟ ಕಣ್ಣಾರೆ ಕಂಡಿದ್ದಳು. ಹೀಗಾಗಿ ಸಿವಿಲ್ ಸರ್ವೀಸ್ ಮೂಲಕ ಕೃಷಿ ರಂಗಕ್ಕೆ ಒಳಿತು ಮಾಡುವ ಆಸೆ ಹೊಂದಿದ್ದಾಳೆ. ಸಮಾಜಕ್ಕೆ ಏನಾದರು ಒಳಿತು ಮಾಡಲಿ ಎಂದು ಪಾಲಕರಾದ ನಾಗೇಂದ್ರ ಶೆಟ್ಟಿ, ಸವಿತಾ ಶೆಟ್ಟಿ ತಿಳಿಸಿದ್ದಾರೆ..ವೈದ್ಯ ಆಗಬೇಕು ಅಂತ ಅಂದುಕೊಂಡಿದ್ದೆ. ಸಾಧ್ಯವಾಗಿಲ್ಲ. ತೋಟಗಾರಿಕೆ ಪದವಿ ಪ್ರವೇಶ ಪಡೆದು ಓದಿದಿದೆ. -ಫ್ಮಯಾಲಿ, ಪ್ರೇಂಡ್ಸ್, ಪ್ಯಾಕಲ್ಟಿ ಬೆನ್ನೆಲಗುಬಾಗಿ ನಿಂತರು. ಹೀಗಾಗಿ 16 ಚಿನ್ನದ ಪದಕ ಪಡೆಯಲು ಸಾಧ್ಯವಾಯಿತು. ಸಿವಿಲ್ ಸರ್ವಿಸ್ ಮೂಲಕ ಕೃಷಿ ಕ್ಷೇತ್ರಕ್ಕೆ ನನ್ನದೆಯಾದ ಸೇವೆ ಸಲ್ಲಿಸುವ ಆಸೆ ಇಟ್ಟುಕೊಂಡಿದ್ದೇನೆ. ಖಂಡಿತ ಯುಪಿಎಸ್ ಪರೀಕ್ಷೆ ಪಾಸು ಮಾಡುವ ವಿಶ್ವಾಸವಿದೆ ಎಂದು ಪದಕ ವಿಜೇತೆ ಧರಣಿ ಶೆಟ್ಟಿ ಹೇಳಿದ್ದಾರೆ.
ಬಾಗಲಕೋಟೆ ನಗರದ ತೋವಿವಿಯಲ್ಲಿ ನಡೆದ 12 ನೇ ಘಟಿಕೋತ್ಸವದಲ್ಲಿ 16 ಚಿನ್ನದ ಪದಕ ಪಡೆದುಕೊಂಡ ಧರಣಿ ಶೆಟ್ಟಿಗೆ ತಂದೆ ನಾಗೇಂದ್ರ, ತಾಯಿ ಸವಿತಾ ಮುತ್ತುಕೊಟ್ಟು ಶುಭ ಹಾರೈಸಿದರು.
ಬಾಗಲಕೋಟೆ ನಗರದ ತೋವಿವಿಯಲ್ಲಿ ನಡೆದ 12 ನೇ ಘಟಿಕೋತ್ಸವದಲ್ಲಿ 16 ಚಿನ್ನದ ಪದಕ ಪಡೆದುಕೊಂಡ ಧರಣಿ ಶೆಟ್ಟಿಗೆ ರಾಜ್ಯಪಾಲ ಥಾವರಚಂದ ಗೆಹ್ಲೋಟ್ ಪದವಿ ಪ್ರದಾನ ಮಾಡಿದರು. ತೋಟಗಾರಿಕಾ ಸಚಿವ ಎಸ್.ಎಸ್.ಮಲ್ಲಿಕಾರ್ಜುನ, ಕುಲಪತಿ ಕೆ.ಎಂ.ಇಂದಿರೇಶ ಇದ್ದರು.