ಜುಲೈ ಒಂದನೇ ತಾರಿಕು ಅತ್ಯಂತ ಪ್ರಾಮುಖ್ಯತೆ ಹೊಂದಿರುವ ದಿನ. ಜೀವ ಉಳಿಸಲು ಹೋರಾಡುವವರು ಮತ್ತು ಜೀವನ ಮೌಲ್ಯ ವನ್ನು ಎತ್ತಿ ಹಿಡಿಯುವವರನ್ನು ಸ್ಮರಿಸುವ ದಿನ. ಜೀವ ಉಳಿಸಬೇಕೋ ಬೇಡವೋ ಎಂದು ನಿರ್ಧರಿಸುವ ವೈದ್ಯ ಮತ್ತು ಮಾನವ ನೆಮ್ಮದಿಯ ಜೀವನ ನಡೆಸಬೇಕೋ ಬೇಡವೋ ಎಂದು ನಿರ್ಧಾರಿಸಲು ಶಕ್ತಿ ಹೊಂದಿರುವ ಮಾಧ್ಯಮ, ಇವೆರಡರ ಪ್ರಾಮುಖ್ಯತೆಯ ಸ್ಮರಣೆಯೇ ಜುಲೈ ಒಂದನೇ ತಾರೀಕಿನ ವಿಶೇಷ.
ಪಶ್ಚಿಮ ಬಂಗಾಳದ ಮುಖ್ಯಮಂತ್ರಿ ಆಗಿದ್ದಂತಹ ಭಾರತದ ಹೆಮ್ಮೆಯ ವೈದ್ಯ ಡಾ. ಬಿಧನ್ ಚಂದ್ರ ರಾಯ್ ರವರ ಹುಟ್ಟು ಹಬ್ಬವನ್ನು ರಾಷ್ಟೀಯ ವೈದ್ಯರ ದಿನವನ್ನಾಗಿ ಮತ್ತು ಕನ್ನಡದ ಪ್ರಥಮ ಪತ್ರಿಕೆ ‘ಮಂಗಳೂರು ಸಮಾಚಾರ’ ದ ಹುಟ್ಟನ್ನು ಕರ್ನಾಟಕ ಪತ್ರಿಕಾ ದಿನವನ್ನಾಗಿ ಆಚರಿಸಲಾಗುತ್ತದೆ. ಕೊರೋಣ ಕಾರಣದಿಂದಾಗಿ ವೈದ್ಯ ಎನ್ನುವ ಪಟ್ಟಕ್ಕೆ ಮತ್ತಷ್ಟು ಗೌರವ, ಮೌಲ್ಯ ಲಭಿಸಿದೆ. ಜನರು ವೈದ್ಯರನ್ನು ದೇವರಿಗೆ ಸಮಾನರಾಗಿ ಹೋಲಿಸುತ್ತಿದ್ದರು, ಕೊರೋನಾ ದಂತಹ ಕಠಿಣ ದಿನಗಳ ನಂತರ ಸೃಷ್ಟಿಕರ್ತನ ನಂತರ ಮಾನವ ಜೀವನದ ಅಳಿವು ಉಳಿವು ವೈದ್ಯಕೀಯ ಲಕ್ಷ್ಯ -ಆಲಕ್ಷ್ಯದ ಮೇಲೂ ನಿಂತಿರುತ್ತೆ ಎನ್ನುವುದು ಉದಾಹರಣೆ ಸಮೇತ ಸಾಬೀತಾಯಿತು. ಕೊರೋನಾ ನಂತರ ಮಾಧ್ಯಮ ಕ್ಷೇತ್ರ ಕಂಡ ಬದಲಾವಣೆ ಕಿರಿದೇನಲ್ಲ. ಮಾಧ್ಯಮ ಎಂಬ ಲೋಕ ಪತ್ರಿಕೋದ್ಯಮ, ಟಿವಿ, ರೇಡಿಯೋ ಮುಂತಾದ ವಾರ್ತೆಗಳಿಗಾಗಿ ಮಾತ್ರ ಮೀಸಲಿತ್ತು. ಕೊರೋನಾ ನಂತರ ಯುಟ್ಯೂಬ್, ಇನ್ಸ್ಟಾಗ್ರಾಮ್ ನಂತಹ ಸಾಮಾಜಿಕ ಜಾಲತಾಣಗಳು ಪ್ರತೀ ವ್ಯಕ್ತಿಯಅಭಿವ್ಯಕ್ತಿ ಸ್ವಾತಂತ್ರವನ್ನು ವ್ಯಕ್ತಪಡಿಸುವ ಹಕ್ಕನ್ನು ಹಿಮ್ಮಡಿ ಗೊಳಿಸಿತು.
ಇವೆಲ್ಲದರ ಮಧ್ಯೆ ವೈದ್ಯಕೀಯ ಮತ್ತು ಮಾಧ್ಯಮ ಕ್ಷೇತ್ರವು ತಮ್ಮದೇ ಯಾದ ಬೇರಿನಷ್ಟು ಆಳವಿರುವ ತೊಡಕುಗಳನ್ನು ಮೈಗೋಡಿಸಿ ಕೊಂಡಿವೆ. ಉತ್ತಮ ಅಂಕಗಳ ಅರ್ಹತೆ ಹೊಂದಿ ವೈದ್ಯಕೀಯ ಕ್ಷೇತ್ರ ಆಯ್ದು ಕೊಳ್ಳುವವರಿಗಿಂತ ಹೆಚ್ಚಿನ ವೆಚ್ಚ ಭರಿಸಿ ಡಾಕ್ಟರ್ ಪದವಿಯನ್ನು ಮುಡಿಗೇ ರಿ ಸಿ ಕೊಂಡವರು ನಮ್ಮಲ್ಲಿ ಕಾಣಸಿಗುತ್ತಾರೆ. ಹಣ ಕಳಕೊಂಡವರು ಹಣ ಗಳಿಸುವ ವಿಧಾನ ಹುಡುಕುತ್ತರೆಯೇ ಹೊರತು ಸೇವಾ ಮನೋ ಭಾವ ಹೊಂದಿರಿವ ವೈದ್ಯರನ್ನು ಅಪೇಕ್ಷಿಸಿದರೆ ನಿರಾಸೆಯಾಗಬಹುದು. ಅಂತೆಯೇ ಮಾಧ್ಯಮ ಲೋಕ ವೆಂದರೆ ನಂಬಲಾಸಾಧ್ಯ, ಪೊಳ್ಳು ಸುದ್ದಿಗಳ ತಾಣ ಎಂದು ಗೊಣಗುವ ಮಟ್ಟಿಗೆ ಮಾಧ್ಯಮ ಕೆಳಗೆ ಜಾರಿದೆ.
ಈ ಸಂಧರ್ಭ ವೈದ್ಯಕೀಯ ದಿನಾಚರಣೆ ಒಂದು ಶುಭ ಹಾರೈಕೆ ಅಥವಾ ಮಾಧ್ಯಮ ದಿನಾಚರಣೆಯ ಒಂದು ದಿನದ ಕಾರ್ಯಕ್ರಮವೋ ಸಲ್ಲದು. ಈ ದಿನಾಚರಣೆಯ ಹಿಂದಿರುವ ಧೀಮಂತರ ಪರಿಶ್ರಮಕ್ಕೆ ಬೆಲೆ ಕೊಟ್ಟಂತಾಗುವುದು ಅವರ ಮೌಲ್ಯಗಳನ್ನು ಒಳಗೊಂಡಾಗ ಮಾತ್ರ. ಕರ್ನಾಟಕದಲ್ಲಿ ಮಾತ್ರ ಆಚರಿಸಲ್ಪಡುವ ಜುಲೈ ತಿಂಗಳ ಪತ್ರಿಕಾ ದಿನಾಚರಣೆಯಲ್ಲಿ, ಪ್ರತೀ ಪತ್ರಿಕೆ ಯಾವ ರೀತಿಯ ವಾರ್ತೆಗಳನ್ನು ಒಳಗೊಳ್ಳಬೇಕು ಮತ್ತು ಮುಖ್ಯವಾಗಿ ಯಾವೆಲ್ಲ ವಾರ್ತೆಗಳನ್ನು ಪ್ರಕಟಿಸ ಬಾರದು ಎಂಬ ರೂಪುರೇಷೆ ಹಾಕಿಕೊಂಡರೆ ಉತ್ತಮ. ಇದರಿಂದ ಗುಣ ಮಟ್ಟದ ಪತ್ರಿಕೆ ಯನ್ನು ಮತ್ತು ಜ್ಞಾನ ಭರಿತ ಸಮಾಜವನ್ನು ಸೃಷ್ಟಿಸಬಹುದು.
‘ ಯುನೈಟಿಂಗ್ ದಿ ಡಿಜಿಟಲ್ ವರ್ಲ್ಡ್’ ಎಂಬ ವಿಷಯ ವನ್ನಿಟ್ಟು ವಿಶ್ವ ಮಾಧ್ಯಮ ದಿನಾಚರಣೆಯನ್ನು ಆಚರಿಸುತ್ತಿದ್ದು, ನಮ್ಮ ಪತ್ರಿಕಾ ದಿನಾಚರನೆ ಮಾಧ್ಯಮ ದಿನಾಚರಣೆಯನ್ನಾಗಿ ಪರಿವರ್ತಿಸಿ ಆಧುನಿಕ ಡಿಜಿಟಲ್ ಮಾಧ್ಯಮವನ್ನೂ ಜೊತೆಯಾಗಿಸಿ ನಡೆದರೆ, ಮಾಧ್ಯಮ ಕ್ಷೇತ್ರದ ಗುಣಮಟ್ಟ ಮತ್ತಷ್ಟು ಅಧಿಕ ವಾಗುವುದು. ಹಣ ಉಳ್ಳವರಿಗೆ ಮಾತ್ರ ಎಂದು ಸೀಮಿತವಾಗುತ್ತಿರುವ ಭಾರತೀಯ ವೈದ್ಯಕೀಯ ರಂಗ ಕ್ಕೆ ಸರಕಾರವು ‘ಅಲ್ಪ ಹಣಕ್ಕೆ ಗುಣಮಟ್ಟ ಶಿಕ್ಷಣ’ ನೀಡಿ ಭಾರತೀಯ ವೈದ್ಯಕೀಯ ವಿದ್ಯಾರ್ಥಿಗಳನ್ನು ಗಣನೀಯವಾಗಿಸಿ ಆರೋಗ್ಯ ಕರ ಸಮಾಜಕ್ಕೆ ಸಾಕ್ಷಿಯಾಗ ಬಹುದು.