ಮೆಟಾ ಸಂಸ್ಥೆಯ ನಂಬರ್ ಒನ್ ಮೆಸೇಜಿಂಗ್ ಅಪ್ಲಿಕೇಷನ್ ವಾಟ್ಸ್ಆ್ಯಪ್ ಎಲ್ಲರಿಗೂ ಅಚ್ಚುಮೆಚ್ಚು. ಅದನ್ನು ಬಳಸದ ಮನೆಗಳಿಲ್ಲ. ಇಂತಹ ವಾಟ್ಸ್ಆ್ಯಪ್ ತಂಡದವರು ದಿನಕ್ಕೊಂದು ಫೀಚರ್ ಅನ್ನು ಅಭಿವೃದ್ದಿ ಪಡಿಸುತ್ತಿದೆ. ವಾರಕ್ಕೊಂದು ಹೊಸ ಅಪ್ಡೇಟ್ ಬಗ್ಗೆ ಘೋಷಣೆ ಮಾಡುವ ಕಂಪನಿ ಇದೀಗ ಬಳಕೆದಾರರಿಗೆ ಉಪಯುಕ್ತವಾದ ಫೀಚರ್ ನ್ನು ಜನರ ಮುಂದೆ ಪ್ರಸ್ತುತಪಡಿಸುತ್ತಿದೆ.
ಈಗ ವಾಟ್ಸ್ಆ್ಯಪ್ನಲ್ಲಿ ನೀವು ನಿರ್ಧಿಷ್ಟ ಸಮಯದ ವರೆಗೆ ಒಂದು ಮೆಸೇಜ್ ಅನ್ನು ಪಿನ್ ಮಾಡಿಟ್ಟುಕೊಂಡರೆ ಆ ಸಮಯದ ಬಳಿಕ ಅದು ಅಟೋಮೆಟಿಕ್ ಆಗಿ ಅನ್ಪಿನ್ ಆಗುವ ಅವಕಾಶವನ್ನು ಕಲ್ಪಿಸಲಾಗಿದೆ.
ವಾಟ್ಸ್ಆ್ಯಪ್ ಸದ್ಯ ತನ್ನ ಆಂಡ್ರಾಯ್ಡ್ ಮೆಟಾದಲ್ಲಿ ಪಿನ್ ಮೆಸೇಜ್ ಡ್ಯುರೇಷನ್ ಎಂಬ ನೂತನ ಆಯ್ಕೆಯನ್ನು ತರಲು ಮುಂದಾಗಿದ್ದು, ಈ ಆಯ್ಕೆಯ ಮೂಲಕ ಬಳಕೆದಾರರು ವಾಟ್ಸ್ಆ್ಯಪ್ನಲ್ಲಿರುವ ಚಾಟ್ಗಳು ಮತ್ತು ಗ್ರೂಪ್ಗಳಲ್ಲಿರುವ ಮೆಸೇಜ್ ಅನ್ನು ಎಷ್ಟು ಗಂಟೆಯ ವರೆಗೆ ಪಿನ್ ಆಗಿರಬೇಕು ಎಂಬುದನ್ನು ನಿರ್ಧರಿಸಿ ಸಮಯವನ್ನು ನಿಗದಿಪಡಿಸಿಕೊಳ್ಳಬಹುದು. ನೀವು ನಿರ್ಧಿಷ್ಟ ಸಮಯದ ವರೆಗೆ ಒಂದು ಮೆಸೇಜ್ ಅನ್ನು ಪಿನ್ ಮಾಡಿಟ್ಟರೆ ಆ ಸಮಯದ ಬಳಿಕ ಅದಾಗಿಯೇ ಅಟೋಮೆಟಿಕ್ ಆಗಿ ಅನ್ಪಿನ್ ಆಗುತ್ತದೆ.
ಇದರಲ್ಲಿ ವಾಟ್ಸ್ಆ್ಯಪ್ ಒಟ್ಟು ಮೂರು ಆವೃತ್ತಿಯ ಸಮಯವನ್ನು ನಿಗದಿ ಮಾಡಲಾಗಿದೆ. 24 ಗಂಟೆ, 7 ದಿನ ಮತ್ತು 30 ದಿನಗಳ ವರೆಗೆ ಒಂದು ಮೆಸೇಜ್ ಅನ್ನು ನೀವು ಪಿನ್ ಮಾಡಿಡಬಹುದು. ಅಂತೆಯೆ ಅನಗತ್ಯ ಎನಿಸಿದರೆ ನಿಗದಿತ ಸಮಯದ ಒಳಗೆ ಬಳಕೆದಾರ ಅದನ್ನು ಅನ್ಪಿನ್ ಕೂಡ ಮಾಡುವ ಅವಕಾಶ ಇದೆ ಅಂತೆ.
ಬ.ಳಕೆದಾರರ ಪ್ರೈವಸಿ ವಿಚಾರದಲ್ಲಿ ಕಟ್ಟುನಿಟ್ಟಾಗಿರುವ ವಾಟ್ಸ್ಆ್ಯಪ್ ಮೊನ್ನೆಯಷ್ಟೆ ತನ್ನ ಆಂಡ್ರಾಯ್ಡ್ ಮತ್ತು ಐಒಎಸ್ ಬಳಕೆದಾರರಿಗೆ ಅಪರಿಚಿತ ಸಂಖ್ಯೆಗಳಿಂದ ಬರುವ ಕರೆಯನ್ನು ಮ್ಯೂಟ್ ಮಾಡುವಂತಹ ಸೌಲಭ್ಯ ಕಲ್ಪಿಸಲಾಗಿದ್ದು, ಈ ಆಯ್ಕೆ ಮೂಲಕ ವಾಟ್ಸ್ಆ್ಯಪ್ ನಲ್ಲಿ ಬರುವ ಅಪರಿಚಿತ ಕರೆಗಳನ್ನು ಸೈಲೆಂಟ್ ಮಾಡಬಹುದು. ಇದಕ್ಕಾಗಿ ನೀವು ವಾಟ್ಸ್ಆ್ಯಪ್ನಲ್ಲಿ ಸೆಟ್ಟಿಂಗ್ಗೆ ತೆರಳಿ ಪ್ರೈವೇಸಿ ಮೆನು ಕ್ಲಿಕ್ ಮಾಡಿಕೊಂಡು ಅಲ್ಲಿನ ಕರೆ ಆಯ್ಕೆಯನ್ನು ಆರಿಸಿ ಸೈಲೆನ್ಸ್ ಅನ್ನೌನ್ ಕಾಲರ್ಸ್ ಸೆಲೆಕ್ಟ್ ಮಾಡಿಕೊಳ್ಳಬೇಕು. ನಮಗೆ ಯಾರ ಕರೆ ಬಂದಿದೆ ಎಂದು ನೋಡಲು ಕಾಲ್ ಲಿಸ್ಟ್ನಲ್ಲಿ ಮಾಹಿತಿ ಲಭ್ಯವಿರುತ್ತದೆ.
ಒಟ್ಟಿನಲ್ಲಿ ವಾಟ್ಸ್ಆ್ಯಪ್ ಅನ್ನುವುದು ದಿನಕ್ಕೊಂದು ಅಪ್ಡೇಟ್ ತರುತ್ತಲೇ ಇರುತ್ತದೆ, ಜನರಿಗೆ ಖುಷಿ ನೀಡುವುದೇ ಅದರ ಕಾರ್ಯ ಅನ್ನುವ ಹಾಗೆ.