ಈಗ ನೇರಳೆ ಹಣ್ಣಿನ ಸೀಸನ್. ಈಗ ಹೆಚ್ಚಾಗಿ ಈ ಹಣ್ಣು ಮಾರುಕಟ್ಟೆಯಲ್ಲಿ ದೊರೆಯುತ್ತದೆ. ಇದರ ಬೆಲೆ ಕೂಡ ಅಷ್ಟೇನೂ ಹೆಚ್ಚಾಗಿ ಇರುವುದಿಲ್ಲ.
ನೇರಳೆಹಣ್ಣಿನ ಸೇವನೆಯು ಮಧುಮೇಹಿಗಳಿಗೆ ಉತ್ತಮವಾಗಿದೆ. ಹಾಗೆಯೇ ನೇರಳೆ ಹಣ್ಣಿನ ಬೀಜದ ಕಷಾಯ ಕೂಡಾ ಮಧುಮೇಹಿಗಳಿಗೆ ಒಳ್ಳೆಯದು.
ನೇರಳೆ ಹಣ್ಣಿನ ಬೀಜದಿಂದ ನಿಮ್ಮ ಮುಖ ಹಾಗೂ ಚರ್ಮಕ್ಕೂ ಸಾಕಷ್ಟು ಪ್ರಯೋಜನಗಳಿವೆ ಅನ್ನೋದು ನಿಮಗೆ ಗೊತ್ತಾ? ಸೂರ್ಯನ ನೇರಳಾತೀತ ಕಿರಣಗಳಿಂದ ಚರ್ಮವು ಟ್ಯಾನ್ ಆಗಿದ್ದಾಗ ಚರ್ಮದ ಟ್ಯಾನಿಂಗ್ ಅನ್ನು ತೆಗೆದುಹಾಕಲು ನೀವು ಟೊಮೆಟೊ ರಸದೊಂದಿಗೆ ಈ ಹಣ್ಣಿನ ಬೀಜದ ಪುಡಿಯನ್ನು ಮಿಕ್ಸ್ ಮಾಡಿ ಹಚ್ಚಿರಿ. ಇದು ಟ್ಯಾನಿಂಗ್ ಅನ್ನು ಕಡಿಮೆ ಮಾಡುತ್ತದೆ.
ನೇರಳೆ ಬೀಜದ ಪುಡಿಯ ನಿಯಮಿತ ಬಳಕೆಯಿಂದ, ಮೊಡವೆಗಳ ಕಲೆಗಳನ್ನು ಹೋಗಲಾಡಿಸಬಹುದು. ಮುಖದ ಚರ್ಮದ ಮೇಲೆ ಉರಿಯೂತವನ್ನು ತೆಗೆದುಹಾಕಲು ನೀವು ಈ ಪುಡಿಯನ್ನು ಬಳಸಬಹುದು. ಈ ಪುಡಿಯ ಬಳಕೆಯು ನಿಮ್ಮ ಮುಖದ ಬ್ಯಾಕ್ಟೀರಿಯಾವನ್ನು ಸ್ವಚ್ಛಗೊಳಿಸುತ್ತದ. ಇದರಿಂದಾಗಿ ಮೊಡವೆಗಳ ಸಾಧ್ಯತೆಗಳು ಕಡಿಮೆಯಾಗುತ್ತವೆ. ಜೊತೆಗೆ ಮೊಡವೆಗಳು ವೇಗವಾಗಿ ಗುಣವಾಗುತ್ತವೆ.
ನೇರಳೆ ಹಣ್ಣಿನ ಬೀಜಗಳ ಪುಡಿಯು ನಿಮ್ಮ ಚರ್ಮವನ್ನು ಸುಧಾರಿಸುತ್ತದೆ. ಈ ಪುಡಿಯ ನಿಯಮಿತ ಬಳಕೆಯು ಹೈಪರ್ಪಿಗ್ಮೆಂಟೇಶನ್ ಸಮಸ್ಯೆಯನ್ನು ನಿವಾರಿಸುತ್ತದೆ. ಸನ್ಬರ್ನ್ನಿಂದ ಉಂಟಾದ ಕಂದುಬಣ್ಣದ ಚರ್ಮವನ್ನು ತೆರವುಗೊಳಿಸಲು ಕೂಡ ಇದು ಸಹಾಯ ಮಾಡುತ್ತದೆ.
ನೇರಳೆ ಬೀಜಗಳ ಪುಡಿಯನ್ನು ಫೇಸ್ ಪ್ಯಾಕ್ನಲ್ಲಿ ಬೆರೆಸಿ ಅದನ್ನು ಬಳಸುವುದರಿಂದ ಕಪ್ಪು ಕಲೆಗಳು, ಮೊಡವೆ ಕಲೆಗಳು ಮತ್ತು ಚರ್ಮದ ಕಪ್ಪು ಬಣ್ಣವು ದೂರವಾಗುವಲ್ಲಿ ಇದರ ಸಹಾಯ ಅಪಾರ.
ಇದು ನಿಮ್ಮ ಚರ್ಮದ ಮುಚ್ಚಿದ ರಂಧ್ರಗಳನ್ನು ತೆರೆಯುತ್ತದೆ. ಇದು ಚರ್ಮವನ್ನು ಎಫ್ಫೋಲಿಯೇಟ್ ಮಾಡುತ್ತದೆ. ಅಲ್ಲದೆ ಮುಖದಲ್ಲಿನ ಸತ್ತ ಜೀವಕೋಶಗಳನ್ನು ಸ್ವಚ್ಛಗೊಳಿಸಲು ಸಹಾಯ ಮಾಡುತ್ತದೆ.
ಒಂದು ಚಮಚ ನೇರಳೆ ಬೀಜದ ಪುಡಿಯನ್ನು ರೋಸ್ ವಾಟರ್ ಅಥವಾ ಹಾಲಿನೊಂದಿಗೆ ಬೆರೆಸಿ ನಯವಾದ ಪೇಸ್ಟ್ ತಯಾರಿಸಿಕೊಂಡು ನಿಮ್ಮ ಮುಖ ಮತ್ತು ಕುತ್ತಿಗೆಗೆ ಹಚ್ಚಿರಿ. 15 ರಿಂದ 20 ನಿಮಿಷಗಳ ಕಾಲ ಹಾಗೆಯೇ ಬಿಟ್ಟು ಆಮೇಲೆ ನೀರಿನಿಂದ ತೊಳೆಯಿರಿ. ನೇರಳೆ ಪುಡಿಯನ್ನು ಜೇನುತುಪ್ಪ ಹಾಗೂ ನಿಂಬೆರಸದೊಂದಿಗೆ ಮಿಕ್ಸ್ ಮಾಡಿ ಕೂಡ ಮುಖಕ್ಕೆ ಹಚ್ಚಬಹುದು. ಹೀಗೆ ನೆರಳೆ ಹಣ್ಣಿನಿಂದ ನಮಗೆ ಅನೇಕ ಉಪಯೋಗಗಳು ದೊರೆಯುತ್ತದೆ.