ಸಾಮಾನ್ಯವಾಗಿ ಪರಭಾಷಾ ಸೀರಿಯಲ್ಗಳು ಕನ್ನಡಕ್ಕೆ ಡಬ್ ಆಗಿ, ರಿಮೇಕ್ ಆಗಿ ಪ್ರಸಾರ ಆಗುತ್ತಿದ್ದವು ಆದರೆ ಇತ್ತೀಚಿನ ದಿನಗಳಲ್ಲಿ ಕನ್ನಡದ ಕೆಲ ಧಾರಾವಾಹಿಗಳು ಕೂಡಾ ಬೇರೆ ಭಾಷೆಗಳಿಗೆ ಡಬ್ ಆಗಿವೆ, ರಿಮೇಕ್ ಆಗುತ್ತಿವೆ. ಪರಭಾಷೆಗೆ ಡಬ್ ಆಗಿ ಪ್ರಸಾರ ಆಗಲಿರುವ ಧಾರಾವಾಹಿಗಳ ಪಟ್ಟಿಗೆ ಕನ್ನಡದ ಜನಪ್ರಿಯ ಧಾರಾವಾಹಿಗಳಾದ ’ಭಾಗ್ಯಲಕ್ಷ್ಮೀ’ ಮತ್ತು ‘ಲಕ್ಷಣ’ ಸೇರ್ಪಡೆಗೊಂಡಿದೆ.
ಲಕ್ಷಣ ಧಾರಾವಾಹಿ:
ಈಗಾಗಲೇ ಕನ್ನಡದಲ್ಲಿ ಪ್ರಸಾರವಾಗುವ ಲಕ್ಷಣ ಧಾರಾವಾಹಿ ಬಹಳಷ್ಟು ಜನಪ್ರಿಯತೆಯನ್ನು ಪಡೆದುಕೊಂಡಿದೆ. ಲಕ್ಷಣ ಧಾರಾವಾಹಿ ಹಿಂದೆ ಓಡಿಯಾ ಭಾಷೆಗೆ ಡಬ್ ಆಗಿ ಪ್ರಸಾರ ಆಗಿತ್ತು. ಈಗ ಈ ಸೀರಿಯಲ್ ತಮಿಳು ಭಾಷೆಯಲ್ಲಿ ಪೇರಝಾಗಿ- 2 ಎಂಬ ಟೈಟಲ್ನಡಿಯಲ್ಲಿ ಪ್ರಸಾರ ಆಗಲಿದೆಯಂತೆ.
ಲಕ್ಷಣ ಧಾರಾವಾಹಿಯಲ್ಲಿ ಡೆವಿಲ್ ಅಲಿಯಾಸ್ ಭಾರ್ಗವಿ ಆಗಿ ಪ್ರಿಯಾ ಶಠಮರ್ಷಣ, ಚಂದ್ರಶೇಖರ್ ಆಗಿ ಕೀರ್ತಿ ಭಾನು, ನಕ್ಷತ್ರ ಆಗಿ ವಿಜಯಲಕ್ಷ್ಮೀ, ಆರತಿ ಆಗಿ ದೀಪಾ ಅಯ್ಯರ್, ಭೂಪತಿ ಆಗಿ ಜಗನ್ನಾಥ್ ಚಂದ್ರಶೇಖರ್, ಮೌರ್ಯ ಆಗಿ ಅಭಿಷೇಕ್ ಶ್ರೀಕಾಂತ್, ಶ್ವೇತಾ ಆಗಿ ಸುಕೃತಾ ನಾಗ್, ಮಿಲಿ ಆಗಿ ಶ್ರುತಿ ರಮೇಶ್ ಅಭಿನಯಿಸುತ್ತಿದ್ದಾರೆ.ಲಕ್ಷಣ ಧಾರಾವಾಹಿಯ ನಾಯಕ ಪಾತ್ರಧಾರಿ ಜಗನ್ ಧಾರಾವಾಹಿಯಲ್ಲಿ ನಿರ್ಮಾಣವನ್ನು ಕೂಡಾ ಮಾಡಿದ್ದಾರೆ.
ಭಾಗ್ಯಲಕ್ಷ್ಮೀ ಧಾರಾವಾಹಿ:
ಅಕ್ಕ-ತಂಗಿಯರ ಕಥೆಯ ಮೂಲಕವೇ ಈ ಧಾರಾವಾಹಿಯ ಹೈಲೈಟ್ ಆಗಿದ್ದು, ಕನ್ನಡದ ಟಾಪ್ ಸಿರೀಯಲ್ಗಳ ಪಟ್ಟಿಯಲ್ಲಿ ಮುಂಚೂಣಿಯಲ್ಲಿದೆ. ಮಧ್ಯಮ ವರ್ಗದ ಅಭಿಮಾನಿಗಳನ್ನು ಹೊಂದಿರುವ ‘ಭಾಗ್ಯಲಕ್ಷ್ಮೀ’ ಧಾರಾವಾಹಿಯು ಮರಾಠಿ ಭಾಷೆಯಲ್ಲಿ ಕಾವ್ಯಾಂಜಲಿ-ಶಾಕಿ ಸಾವಲಿ ಎಂಬ ಟೈಟಲ್ನಡಿ ಡಬ್ ಆಗಿ ಪ್ರಸಾರ ಆಗಿತ್ತು. ಈಗ ಈ ಸೀರಿಯಲ್ ತಮಿಳು ಭಾಷೆಗೆ ಅಚನೈ ಪೋಕಲ್ ಟೈಟಲ್ನಡಿ ಡಬ್ ಆಗಿ ಪ್ರಸಾರ ಆಗುತ್ತಿದೆ. ಈ ಧಾರಾವಾಹಿಗೆ ದೊಡ್ಡ ಅಭಿಮಾನಿ ಬಳಗವಿದೆ.
ತಾಂಡವ್ ಸೂರ್ಯವಂಶಿ ಪಾತ್ರದಲ್ಲಿ ಸುದರ್ಶನ್ ರಂಗಪ್ರಸಾದ್, ಭಾಗ್ಯ ಪಾತ್ರದಲ್ಲಿ ಸುಷ್ಮಾ ಕೆ ರಾವ್, ಕುಸುಮಾ ಪಾತ್ರದಲ್ಲಿ ಪದ್ಮಜಾ ರಾವ್ ಅವರು ನಟಿಸುತ್ತಿದ್ದಾರೆ. ಇನ್ನು ಅದೇ ಧಾರಾವಾಹಿಯ ಭಾಗವಾಗಿರುವ ಲಕ್ಷ್ಮೀ ಬಾರಮ್ಮ ಧಾರಾವಾಹಿಯಲ್ಲಿ ಶಮಂತ್ ಬ್ರೊ ಗೌಡ, ಭೂಮಿಕಾ ರಮೇಶ್, ಸುಷ್ಮಾ ನಾಣಯ್ಯ, ಕಾವ್ಯಾ ಗೌಡ, ತನ್ವಿ ರಾವ್ ಸೇರಿದಂತೆ ದೊಡ್ಡ ಕಲಾವಿದರು ನಟಿಸುತ್ತಿದ್ದಾರೆ.