ಕ್ರಿಕೆಟ್ ಪ್ರಪಂಚದ ಅತ್ಯಂತ ಪ್ರತಿಷ್ಠಿತ ಪಂದ್ಯಾವಳಿಗಳಲ್ಲಿ ಒಂದಾದ ಆಶಸ್ ಸುಮಾರು 140 ವರ್ಷಗಳಿಂದ ಇಂಗ್ಲೆಂಡ್ ಮತ್ತು ಆಸ್ಟ್ರೇಲಿಯಾ ನಡುವಿನ ತೀವ್ರ ಪೈಪೋಟಿಯಿಂದ ಅಭಿಮಾನಿಗಳನ್ನು ಆಕರ್ಷಿಸಿದೆ. ಮತ್ತು ಇದು ಕ್ರಿಕೆಟ್ ಜಗತ್ತಿನಲ್ಲೇ ಅತ್ಯಂತ ಪುಟ್ಟದಾದ ಟ್ರೋಫಿ ಎಂತಲೂ ಕರೆಯ ಬಹುದಾಗಿದೆ.
ಈ ಸರಣಿಯ ಹೆಸರೇ ಹೇಳುವಂತೆ ಆಶಸ್ ಎಂದರೆ ಬೂದಿ ಎಂದರ್ಥ ಹೌದು ಈ ಟೆಸ್ಟ್ ಸರಣಿಯ ವಿಜೇತರಿಗೆ ಬೂದಿಯನ್ನು ಕೊಡಲಾಗುತ್ತದೆ.
ಆಶಸ್ನ ಇತಿಹಾಸ:
1882 ರಲ್ಲಿ ಲಂಡನ್ನ ಓವಲ್ನಲ್ಲಿ ಇಂಗ್ಲೆಂಡ್ನ ಐತಿಹಾಸಿಕ ಸೋಲಿನಿಂದ ‘ಆಶಸ್’ ಎಂಬ ಪದವು ಮೊದಲ ಬಾರಿಗೆ ಬಳಿಸಲಾಯಿತು. ಈ ಕ್ರಿಕೆಟ್ ಪಂದ್ಯದಲ್ಲಿ ಇಂಗ್ಲೆಂಡ್ ವಿರುದ್ಧ ಆಸ್ಟ್ರೇಲಿಯಾ ತಂಡ ಮೊದಲ ಬಾರಿಗೆ ಇಂಗ್ಲೆಂಡ್ ನೆಲದಲ್ಲಿ ಟೆಸ್ಟ್ ಪಂದ್ಯವನ್ನು ಆಸ್ಟ್ರೇಲಿಯಾವು ನಾಲ್ಕು ರನ್ಗಳ ಅಲ್ಪ ಅಂತರದಿಂದ ಜಯಗಳಿಸಿತು.
ಇದಕ್ಕೆ ಪ್ರತಿಕ್ರಿಯೆಯಾಗಿ, ಆ ಸಮಯದಲ್ಲಿ ‘ದಿ ಸ್ಪೋರ್ಟಿಂಗ್ ಟೈಮ್ಸ್’ ಪತ್ರಿಕೆಯು ” ಮೃತ ಇಂಗ್ಲೆಂಡ್ ತಂಡಕ್ಕೆ ಅಣಕು ಶ್ರದ್ಧಾಂಜಲಿಯನ್ನು ಪ್ರಕಟಿಸಿತು, ತಂಡದ ಚಿತಾಭಸ್ಮವನ್ನು ಅಂತ್ಯಕ್ರಿಯೆಗಾಗಿ ಆಸ್ಟ್ರೇಲಿಯಾಕ್ಕೆ ಕೊಂಡೊಯ್ಯಲಾಗುವುದು ಎಂದು ಹಾಸ್ಯಾಸ್ಪದವಾಗಿ ಘೋಷಿಸಿತು”.
ಅದರ ಮುಂದಿನ ವರ್ಷ ಅಂದರೆ 1883ರಲ್ಲಿ ಇಂಗ್ಲೆಂಡ ತಂಡ ಆಸ್ಟ್ರೇಲಿಯಾಗೆ ಪ್ರವಾಸ ಕೈಗೊಂಡು ಅಲ್ಲಿ ಸರಣಿಯನ್ನು ಗೆದ್ದು ತನ್ನ ಸೇಡನ್ನು ತೀರಿಸಿಕೊಂಡಿತು. ಆಗ ಆಸ್ಟ್ರೇಲಿಯಾ ತಂಡವು ಬೆಲ್ಸ ಅನ್ನು ಸುಟ್ಟು ಅದರ ಬೂದಿಯನ್ನು ಟ್ರೋಫಿ ರೂಪದಲ್ಲಿ ನೀಡಿತು ಅಂದಿನಿಂದ ಇಲ್ಲಿಯ ವರೆಗೆ ಅದೇ ಸಣ್ಣ ಟ್ರೋಫಿ ಅಸ್ತಿತ್ವದಲ್ಲಿದೆ.
ಮೂಲ ಆಶಸ್ ಟ್ರೋಫಿಯನ್ನು ಈಗ ಲಂಡನ್ನ ಅಪ್ರತಿಮ ಲಾರ್ಡ್ಸ್ ಮೈದಾನದಲ್ಲಿರುವ ಮೆರಿಲ್ಬೋನ್ ಕ್ರಿಕೆಟ್ ಕ್ಲಬ್ನಲ್ಲಿ ಇರಿಸಲಾಗಿದೆ. ಆಶಸ್ ಸರಣಿಯಲ್ಲಿ ವಿಜೇತ ತಂಡವು ತಮ್ಮ ವಿಜಯದ ಸಂಕೇತವಾಗಿ ಪ್ರತಿಕೃತಿಯನ್ನು ಪಡೆಯುತ್ತದೆ. ಇಲ್ಲಿಯವರೆಗೆ, 72 ಆಶಸ್ ಸರಣಿಗಳು ನಡೆದಿವೆ. ಈ ಪೈಕಿ ಆಸ್ಟ್ರೇಲಿಯಾ 34, ಇಂಗ್ಲೆಂಡ್ 32 ಹಾಗೂ 6 ಸರಣಿಗಳು ಡ್ರಾದಲ್ಲಿ ಕೊನೆಗೊಂಡಿವೆ.
ಈ ವರ್ಷದ ಇಂಗ್ಲೆಂಡ್ ಮತ್ತು ಆಸ್ಟ್ರೇಲಿಯಾ ನಡುವೆ ನಡೆಯುತ್ತಿರುವ ಪ್ರತಿಷ್ಠಿತ ದಿ ಆಷಸ್ ಟೆಸ್ಟ್ ಕ್ರಿಕೆಟ್ ಸರಣಿ. ಬರ್ಮಿಂಗ್ಹ್ಯಾಮ್ನ ಎಡ್ಜ್ಬಾಸ್ಟನ್ ಕ್ರೀಡಾಂಗಣದಲ್ಲಿ ನಡೆದ 5 ಟೆಸ್ಟ್ಗಳ ಸರಣಿಯ ಮೊದಲ ಹಣಾಹಣಿ. ಜೂನ್ 21 ರಿಂದ ಪ್ರಾರಂಭವಾದ ಈ ವರ್ಷದ ಆಶಸ್ ಪಂದ್ಯಾವಳಿಯಲ್ಲಿ ಇಂಗ್ಲೆಂಡ್ ತಂಡ ಮೊದಲ ಇನಿಂಗ್ಸ್ನಲ್ಲಿ ತರಾತುರಿಯಲ್ಲಿ ಡಿಕ್ಲೇರ್ ಮಾಡಿಕೊಂಡಿತು ಇದೇ ತಂಡದ ಸೋಲಿಗೆ ಬಹುಮುಖ್ಯ ಕಾರಣವಾಯಿತು. ಮಳೆ ಅಡಚಣೆ ನಡುವೆಯೂ ರೋಚಕವಾಗಿ ನಡೆದ ಪಂದ್ಯದಲ್ಲಿ ಆಸ್ಟ್ರೇಲಿಯಾ 2 ವಿಕೆಟ್ ಅಂತರದಿಂದ ಜಯಗಳಿಸಿತು. ಮತ್ತು 5 ಪಂದ್ಯಗಳ ಸರಣಿಯಲ್ಲಿ 1-0 ಅಂತರದಿಂದ ಮುನ್ನಡೆ ಪಡೆಯಿತು.
ವಿಶಿಷ್ಠ ದಾಖಲೆ ಬರೆದ ಖವಾಜ:
ಐದು ದಿನಗಳ ಟೆಸ್ಟ ಪಂದ್ಯಗಳಲ್ಲಿ ಐದು ದಿನ ಬ್ಯಾಟಿಂಗ್ ಮಾಡಲು ಕ್ರಿಸ್ ಗೆ ಬಂದ ಬ್ಯಾಟರ ಇವರಾಗಿದ್ದಾರೆ. ಇದಕ್ಕೂ ಮೊದಲು ಈ ಸಾಧನೆಯನ್ನು ಇಂಗ್ಲೆಂಡನ ಶ್ರೇಷ್ಟ ಆಟಗಾರರಲ್ಲಿ ಒಬ್ಬರಾದ ಜೇಫ್ರಿ ಬಾಯ್ಕಾಟ್ ಈ ಸಾಧನೆಯನ್ನು ಮಾಡಿದ್ದಾರೆ.
ಆಸ್ಟ್ರೇಲಿಯಾ ತಂಡದ ಅನುಭವಿ ಆರಂಭಿಕ ಬ್ಯಾಟ್ಸ್ಮನ್ ಉಸ್ಮಾನ್ ಖವಾಜ, ಎಡ್ಜ್ಬಾಸ್ಟನ್ ಟೆಸ್ಟ್ ಪಂದ್ಯದಲ್ಲಿ ವಿಶೇಷ ದಾಖಲೆ ಬರೆದಿದ್ದಾರೆ. 2023ರ ಸಾಲಿನ ದಿ ಆಷಸ್ ಟೆಸ್ಟ್ ಸರಣಿಯ ಪ್ರಥಮ ಪಂದ್ಯದ ಮೊದಲ ಇನಿಂಗ್ಸ್ನಲ್ಲಿ 141 ಮತ್ತು ಎರಡನೇ ಇನಿಂಗ್ಸ್ನಲ್ಲಿ 65 ರನ್ ಬಾರಿಸಿದ ಖವಾಜ, ಕಳೆದ 30 ವರ್ಷಗಳಲ್ಲಿ ಆಷಸ್ ಸರಣಿಯಲ್ಲಿ ಶತಕ ಮತ್ತು ಅರ್ಧಶತಕ ಬಾರಿಸಿದ ಆಸೀಸ್ನ ಮೊದಲ ಓಪನರ್ ಎಂಬ ಹೆಗ್ಗಳಿಕೆ ಸಂಪಾದಿಸಿದ್ದಾರೆ.
ಸರಣಿಯ ಎರಡನೇ ಪಂದ್ಯ ಕ್ರಿಕೆಟ್ ಕಾಶಿ ಲಾರ್ಡ್ಸ್ನಲ್ಲಿ ಜೂನ್ 28ರಿಂದ ಜುಲೈ 2ರವರೆಗೆ ನಡೆಯಲಿದೆ.