ತನ್ನ ನೈಸರ್ಗಿಕ ಸೌಂದರ್ಯ ಮತ್ತು ಅದ್ಭುತಗಳಿಗೆ ಹೆಸರುವಾಸಿಯಾದ ಚಿಕ್ಕಮಗಳೂರು ಜಿಲ್ಲೆಯಲ್ಲಿ ರೊಮಾಂಚನಗೊಳಿಸುವ ಹೆಬ್ಬೆ ಜಲಪಾತವಿದೆ.. ಭದ್ರಾ ವನ್ಯಜೀವಿ ಅಭಯಾರಣ್ಯದೊಳಗೆ ಅಡಗಿರುವ ಹೆಬ್ಬೆ ಜಲಪಾತವು ಪ್ರಕೃತಿ ಪ್ರಿಯರಿಗೆ ಭೂಲೋಕದ ಸ್ವರ್ಗವಾಗಿದೆ. ಹೆಬ್ಬೆ ಜಲಪಾತದ ಸುತ್ತಲೂ ಕಾಫಿ ಎಸ್ಟೇಟ್ಗಳಿದ್ದು, ಜಲಪಾತದ ಪ್ರಯಾಣವು ವಿಸ್ಮಯಗೊಳಿಸುವಂತಿದೆ. ಹೆಬ್ಬೆ ಜಲಪಾತವು ಭದ್ರಾ ಹುಲಿ ಸಂರಕ್ಷಿತ ಪ್ರದೇಶದ ಒಂದು ಭಾಗವಾಗಿದೆ.
ಹೆಬ್ಬೆ ಜಲಪಾತವು ಚಿಕ್ಕಮಗಳೂರು ಜಿಲ್ಲೆಯ ಅತ್ಯಂತ ಜನಪ್ರಿಯ ಜಲಪಾತವಾಗಿದೆ. ಹೆಬ್ಬೆ ಜಲಪಾತ 168 ಮೀಟರ್ ಎತ್ತರದಿಂದ ನೀರು ಧುಮುಕುತ್ತದೆ. ಜಲಪಾತವನ್ನು ಬಯಸುವ ಪ್ರತಿಯೊಬ್ಬರಿಗೂ ಆಹ್ಲಾದಕರ ಅನುಭವವನ್ನು ನೀಡುತ್ತದೆ.
ಹೆಬ್ಬೆ ಜಲಪಾತದ ವಿಶೇಷತೆ ಎಂದರೆ ಅವಳಿ ಹಂತದ ಜಲಪಾತ. ಹೆಬ್ಬೆ ಜಲಪಾತದಲ್ಲಿ ಭದ್ರಾ ನದಿ ಎರಡು ಹಂತಗಳಲ್ಲಿ ಧುಮುಕುತ್ತದೆ. ಜಲಪಾತದ ಎರಡು ಭಾಗಗಳನ್ನು ದೊಡ್ಡ ಹೆಬ್ಬೆ ಮತ್ತು ಚಿಕ್ಕ ಹೆಬ್ಬೆ ಎಂದು ಕರೆಯಲಾಗುತ್ತದೆ. ಹೆಬ್ಬೆ ಜಲಪಾತದ ಮೇಲಿನ ಭಾಗವನ್ನು ತಲುಪಲು ಕೊಂಚ ನಡೆಯುವ ಅಗತ್ಯವಿದೆ.ಜಲಪಾತದ ಕೆಳಗೆ ಸೃಷ್ಟಿಯಾಗಿರುವ ಸಣ್ಣ ಕೊಳವು ಇಳಿಯಲು ಮತ್ತು ಈಜಲು ಸೂಕ್ತವಾಗಿದೆ.
ಪೋಟೋಗ್ರಾಫಿಗೆ ನೆಚ್ಚಿನ ತಾಣವಾಗಿರುವ ಈ ಸ್ಥಳವು ಹಸಿರು ಕಾಡುಗಳು ಮತ್ತು ಸುತ್ತಮುತ್ತಲಿನ ಕಲ್ಲು ಬಂಡೆಗಳಿAದ ಕೂಡಿದ ಪ್ರದೇಶಗಳು, ಹೆಬ್ಬೆಯಲ್ಲಿನ ಮಂಜಿನ ಜಲಪಾತವು ಛಾಯಾಗ್ರಾಹಕನ ಕಣ್ಣಿಗೆ ಹಬ್ಬದಂತಿರುತ್ತದೆ.
ಮಳೆಗಾಲದ ನಂತರ ಹೆಬ್ಬೆ ಜಲಪಾತವನ್ನು ಭೇಟಿ ಮಾಡಲು ಉತ್ತಮ ಸಮಯ. ಯಾಕೆಂದರೆ ಜಾರು ಬಂಡೆಗಳು ಮತ್ತು ಜಿಗಣೆಗಳಿರುವುದರಿಂದ ಮಳೆಗಾಲಕ್ಕೆ ಹೋಗದೆ ಇರುವುದೇ ಉತ್ತಮ. ಹಚ್ಚ ಹಸಿರಿನ ಕಾಡುಗಳನ್ನು ವೀಕ್ಷಿಸಲು, ಹೆಬ್ಬೆ ಜಲಪಾತಕ್ಕೆ ಭೇಟಿ ನೀಡಲು ಉತ್ತಮ ಸಮಯವೆಂದರೆ ಚಳಿಗಾಲದ ಸಮಯ. ಭಾರತದಲ್ಲಿ ಚಳಿಗಾಲವು ಅಕ್ಟೋಬರ್ನಲ್ಲಿ ಪ್ರಾರಂಭವಾಗುತ್ತದೆ ಮತ್ತು ಜನವರಿಯವರೆಗೆ ಇರುತ್ತದೆ. ಈ ಸಮಯದಲ್ಲಿ, ಹಸಿರು ಎಲೆಗಳಿಂದ ಆವೃತವಾದ ದಟ್ಟವಾದ ಕಾಡುಗಳನ್ನು ವೀಕ್ಷಿಸಬಹುದು. ಜಲಪಾತದ ಸುತ್ತಲೂ, ಮಂಜಿನಿ0ದ ಆವೃತವಾದ ಬೆಟ್ಟಗಳನ್ನು ಕಣ್ತುಂಬಿಸಬಹುದು.
ಹೆಬ್ಬೆ ಜಲಪಾತ ಬೆಂಗಳೂರಿನಿAದ 278 ಕಿ.ಮೀ ಮತ್ತು ಚಿಕ್ಕಮಗಳೂರಿನಿಂದ 65 ಕಿ.ಮೀ ದೂರದಲ್ಲಿದೆ. ತರಿಕೇರೆ ಹತ್ತಿರದ ರೈಲು ನಿಲ್ದಾಣ (35 ಕಿ.ಮೀ) ಮತ್ತು ಮಂಗಳೂರು ಹತ್ತಿರದ ವಿಮಾನ ನಿಲ್ದಾಣ (222 ಕಿ.ಮೀ). ಹೆಬ್ಬೆ ಜಲಪಾತವನ್ನು ತಲುಪಲು ಕೆಮ್ಮಣ್ಣುಗುಂಡಿ ಗಿರಿಧಾಮಕ್ಕೆ ತಲುಪಬೇಕು. ಕೆಮ್ಮಣ್ಣುಗುಂಡಿಗೆ ತಲುಪಲು ಟ್ಯಾಕ್ಸಿಗಳನ್ನು ಬೀರೂರಿನಿಂದ ಅಥವಾ ಚಿಕ್ಕಮಗಳೂರಿನಿಂದ ಬಾಡಿಗೆಗೆ ಪಡೆಯಬಹುದು. ಕೆಮ್ಮಣ್ಣುಗುಂಡಿಯಿAದ ಕೊನೆಯ 7 ಕಿ.ಮೀ.ಗಳನ್ನು ಕಾಲ್ನಡಿಗೆಯಲ್ಲಿ ಅಥವಾ ಸ್ಥಳೀಯ ಜೀಪ್ಗಳನ್ನು ಬಾಡಿಗೆಗೆ ಪಡೆದು ಹೆಬ್ಬೆ ಜಲಪಾತವನ್ನು ತಲುಪಬಹುದು.
ಇಲ್ಲಿ ತಂಗಲು ಬಯಸುವವರು ಕೆಮ್ಮಣ್ಣುಗುಂಡಿಯಲ್ಲಿ ತೋಟಗಾರಿಕೆ ಇಲಾಖೆಯು ನಡೆಸುವ ಅತಿಥಿಗೃಹವಿದೆ. ಚಿಕ್ಕಮಗಳೂರು ಜಿಲ್ಲೆಯಲ್ಲಿ ಹೆಬ್ಬೆ ಜಲಪಾತಕ್ಕೆ ಹೋಗುವ ಮಾರ್ಗದಲ್ಲಿ ಹಲವಾರು ಹೋಂ-ಸ್ಟೇಗಳು ಮತ್ತು ರೆಸಾರ್ಟ್ಗಳಿವೆ.