ಇತ್ತೀಚಿನ ದಿನಗಳಲ್ಲಿ ಸ್ಪಲ್ಪ ನಡೆದರೆ ಇಲ್ಲವೇ ನೆಲದ ಮೇಲೆ ಕುಳಿತು ಮೇಲೆಳುವಾಗ ಕಾಲು ನೋವು ಎಂದು ಹೇಳುವವರು ಹೆಚ್ಚಾಗಿ ಹೋಗಿದ್ದಾರೆ. ಇದು ವಯಸ್ಸಾದವರು ಮಾತ್ರವಲ್ಲ ಸಣ್ಣ ವಯಸ್ಸಿನವರು ಕೂಡ ಹೇಳುವ ಸಾಮಾನ್ಯ ಸಮಸ್ಯೆಯಾಗಿದೆ. ಹಿರಿಯರಿಗೆ ವಯೋಸಹಜ ಕಾಲು ನೋವು ಬಂದರೆ ಯುವ ಪೀಳಿಗೆಯವರಿಗೆ ಹೆಚ್ಚು ನಡೆದಾಗ ಇಲ್ಲವೇ ದೈಹಿಕ ಚಟುವಟಿಕೆಯನ್ನು ಮಾಡಿದಾಗ ಕಾಲು ನೋವು ಕಾಣಿಸಿಕೊಳ್ಳುತ್ತದೆ. ಈ ರೀತಿ ಕಾಡುವ ಕಾಲು ನೋವಿಗೆ ಇಲ್ಲಿದೆ ಮನೆಮದ್ದು.
*ದೂರದ ನಡಿಗೆಯಿಂದ ಕಾಲು ಬಂದರೆ ನೋವಿರುವ ಜಾಗಕ್ಕೆ ಹತ್ತರಿಂದ ಹದಿನೈದು ನಿಮಿಷ ತಣ್ಣನೆಯ ಪಟ್ಟಿ ಕಟ್ಟಿ. ಈ ರೀತಿ ದಿನಕ್ಕೆರಡು ಬಾರಿ ಮಾಡುವುದರಿಂದ ಕಾಲುನೋವು ನಿವಾರಣೆಯಾಗುತ್ತದೆ.
*ಆಯಾಸದಿಂದ ಕಾಲುನೋವು ಬಂದಿದ್ದರೆ ಸಾಸಿವೆ ಎಣ್ಣೆ ಅಥವಾ ಕೊಬ್ಬರಿ ಎಣ್ಣೆಯನ್ನು ಬಿಸಿಮಾಡಿ ನೋವಿರುವ ಜಾಗದಲ್ಲಿ ಚೆನ್ನಾಗಿ ಮಸಾಜ್ ಮಾಡಿ. ದಿನಕ್ಕೆ ಮೂರು ಬಾರಿಯಂತೆ ಹತ್ತು ನಿಮಿಷಗಳ ಕಾಲ ಎಣ್ಣೆಯಿಂದ ಮಸಾಜ್ ಮಾಡುವುದರಿಂದ ನೋವು ಕಡಿಮೆಯಾಗುತ್ತದೆ.
*ನಿಂಬೆಹಣ್ಣಿನಲ್ಲಿ ವಿಟಮಿನ್ ಸಿ ಮತ್ತು ಆಂಟಿಆಕ್ಸಿಡೆಂಟುಗಳು ಹೇರಳವಾಗಿದ್ದು, ಕಾಲುನೋವು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ನಿಂಬೆರಸವನ್ನು ಜೇನುತುಪ್ಪದೊಂದಿಗೆ ಬೆರಸಿ ಉಗುರ ಬೆಚ್ಚ ನೀರಿನಲ್ಲಿ ಮಿಶ್ರ ಮಾಡಿ ದಿನಕ್ಕೆ ಒಂದು ಬಾರಿ ಸೇವಿಸುವುದರಿಂದ ಕಾಲು ನೋವು ನಿಯಂತ್ರಣ ವಾಗುತ್ತದೆ.
*ರಕ್ತನಾಳಗಳು ಸರಿಯಾಗಿ ಕೆಲಸ ಮಾಡದೆ, ರಕ್ತವು ಜಮೆಯಾದ ವೇಳೆ ಸೆಳೆತವು ಕಂಡುಬರುವುದು. ಇದಕ್ಕೆ ಬಿಸಿ ನೀರಿನ ಶಾಖ ನೀಡಿದರೆ ಅದರಿಂದ ಕಾಲುಗಳಲ್ಲಿ ರಕ್ತ ಸಂಚಾರವು ಸರಿಯಾಗಿ ಆಗುವುದು ಹಾಗೂ ಸ್ನಾಯುಗಳಿಗೆ ಆರಾಮ ಸಿಗುವುದು. ಬಿಸಿ ನೀರಿನಲ್ಲಿ ಟವೆಲ್ ನ್ನು ಅದ್ದಿಕೊಂಡು ಅದನ್ನು ಕಾಲುಗಳ ಮೇಲೆ ಇಡಿ ಹೀಗೆ ಹಲವಾರು ಸಲ ಮಾಡಬೇಕು.
*ಬಿಸಿ ನೀರಿನಲ್ಲಿ ಒಂದು ಚಮಚ ಕಲ್ಲುಪ್ಪು ಮತ್ತು ಒಂದು ಚಮಚ ಅಡುಗೆ ಸೋಡಾವನ್ನು ಹಾಕಿ ಮತ್ತು ಇದರಲ್ಲಿ 15 ನಿಮಿಷ ಕಾಲ ಕಾಲುಗಳನ್ನು ಅದ್ದಿಟ್ಟುಕೊಳ್ಳಿ. ಕಲ್ಲುಪ್ಪು ದೇಹವನ್ನು ನಿರ್ವಿಷಗೊಳಿಸುವುದು ಮತ್ತು ಸ್ನಾಯುಗಳಿಗೆ ಆರಾಮ ನೀಡುವುದು. ಅಡುಗೆ ಸೋಡಾವು ಉರಿಯೂತ ಶಮನಕಾರಿ ಗುಣ ಹೊಂದಿದೆ ಮತ್ತು ಇದು ಬಳಲಿಕೆ ದೂರ ಮಾಡುತ್ತದೆ.
*ದೇಹದಲ್ಲಿ ವಿಟಮಿನ್ ಡಿ ಕೊರತೆಯು ಇದ್ದರೆ ಆಗ ಸ್ನಾಯುಗಳಲ್ಲಿ ಅತಿಯಾಗಿ ನೋವು ಕಂಡುಬರುವುದು. ಇದಕ್ಕಾಗಿ ವಿಟಮಿನ್ ಡಿ ಇರುವಂತಹ ಆಹಾರ ಸೇವನೆ ಮಾಡಿ ಮತ್ತು ಬಿಸಿಲಿಗೆ ಓಡಾಡಬೇಕು. ವಿಟಮಿನ್ ಡಿ ಇರುವ ಕೆಲವು ಆಹಾರಗಳೆಂದರೆ ಸಾಲ್ಮನ್, ಕೆಂಪು ಮಾಮಸ, ಮೊಟ್ಟೆಯ ಲೋಳೆ, ಮಶ್ರೂಮ್, ಸೋಯಾ ಹಾಲು ಮತ್ತು ಓಟ್ ಮೀಲ್ ಸೇವನೆ ಮಾಡಬೇಕು.