ಕೆಲವರು ನಿದ್ದೆಗಣ್ಣಿನಲ್ಲಿ ಏನೇನು ಮಾತನಾಡುತ್ತಾ ಇರುತ್ತಾರೆ. ಅವರಿಗೆ ತಾವು ಮಾತನಾಡುತ್ತಿರುವುದು ಗೊತ್ತಿರುವುದಿಲ್ಲ ಹೀಗೆ ಮಾತನಾಡುವುದು ತುಂಬಾ ಸಮಸ್ಯೆಗಳಿಗೆ ಕಾರಣವಾಗಬಹುದು. ನಿದ್ರೆಯಲ್ಲಿ ಮಾತನಾಡುವ ಅಭ್ಯಾಸ ಆಧ್ಯಾತ್ಮಿಕತೆಗೆ ಸಂಬಂಧಿಸಿದೆ ಎಂದು ಹೇಳಲಾಗುತ್ತದೆ. ಈ ಅಭ್ಯಾಸ ನಿಮ್ಮ ಅನೇಕ ರಹಸ್ಯಗಳನ್ನು ತೆರೆಯುವ ಸಾಧ್ಯತೆ ಇರುತ್ತದೆ. ನಿದ್ರೆಯಲ್ಲಿ ಮಾತನಾಡೋದಕ್ಕೂ ಆಧ್ಯಾತ್ಮಿಕತೆಗೂ ಏನು ಸಂಬಂಧ ಎಂದು ನೋಡೋಣ.
ಈ ಅಭ್ಯಾಸವನ್ನು ತೊಡೆದು ಹಾಕುವ ಮಾರ್ಗಗಳನ್ನು ತಿಳಿದುಕೊಳ್ಳಬೇಕು. ಅನೇಕ ಜನರು ನಿದ್ರೆಯಲ್ಲಿ ಮಾತನಾಡುವ ಅಥವಾ ಗೊಣಗುವ ಅಭ್ಯಾಸ ಹೊಂದಿರುತ್ತಾರೆ. ನಿದ್ರೆಯಲ್ಲಿ ಮಾತನಾಡೋದು ನಿಮ್ಮ ಸುಪ್ತಪ್ರಜ್ಞಾ ಮನಸ್ಸಿನಲ್ಲಿ ನಡೆಯುತ್ತಿರುವ ಅನೇಕ ವಿಷಯಗಳಿಗೆ ಸಂಬಂಧಿಸಿದೆ. ನಿದ್ರೆಯಲ್ಲಿ ಮಾತನಾಡುವ ಈ ಅಭ್ಯಾಸಕ್ಕೆ ಕೆಲವು ಧಾರ್ಮಿಕ ಕಾರಣಗಳಿವೆ. ಇದು ನಿಮ್ಮ ವೈಯಕ್ತಿಕ ಜೀವನದ ಬಗ್ಗೆಯೂ ಹೇಳುತ್ತದೆ. ನಿದ್ರೆಯಲ್ಲಿ ಮಾತನಾಡೋದು ನಿಮ್ಮ ವೈಯಕ್ತಿಕ ಜೀವನವನ್ನು ಪ್ರತಿಬಿಂಬಿಸುತ್ತೆ. ಇದು ಪ್ರೀತಿ, ಭಯ ಮತ್ತು ಭಾವನೆಗಳನ್ನು ನಿಗ್ರಹಿಸೋದರೊಂದಿಗೆ ಸಂಬಂಧ ಹೊಂದಿದೆ.
ಆಧ್ಯಾತ್ಮಿಕ ದೃಷ್ಟಿಕೋನದ ಪ್ರಕಾರ, ನಿದ್ರೆಯಲ್ಲಿ ಮಾತನಾಡೋದು ಜೀವನದಲ್ಲಿ ಸಿಲುಕಿಕೊಂಡಿರುವ ಸ್ಥಳದಿಂದ ಮುಂದುವರಿಯುವ ಸಮಯ ಎಂದು ಸೂಚಿಸುತ್ತೆ. ನೀವು ನಿದ್ರೆಯಲ್ಲಿ ನಿಮ್ಮ ಪೂರ್ವಜರೊಂದಿಗೆ ಮಾತನಾಡಿದರೆ, ಅವರು ಸಮಸ್ಯೆಗಳಿಗೆ ಸರಿಯಾದ ಪರಿಹಾರವನ್ನು ಸಹ ನಿಮಗೆ ಹೇಳಬಹುದು ಎಂಬ ನಂಬಿಕೆ ಇಲ್ಲಿ ಇದೆ.
ವೈಜ್ಞಾನಿಕ ಕಾರಣಗಳು:
ಮನಶಾಸ್ತ್ರಜ್ಞರ ಪ್ರಕಾರ, ಈ ಅಭ್ಯಾಸವು ವ್ಯಕ್ತಿಯ ಮನಸ್ಸಿನಲ್ಲಿ ನಡೆಯುತ್ತಿರುವ ಒತ್ತಡವನ್ನು ಪ್ರತಿಬಿಂಬಿಸುತ್ತೆ. ಈಗಾಗಲೇ ಮಾನಸಿಕ ಸಮಸ್ಯೆ ಎದುರಿಸುತ್ತಿರುವವರಿಗೆ ಈ ಸಮಸ್ಯೆ ಕಾಡುತ್ತದೆ. ಈ ಅಭ್ಯಾಸ ತೊಡೆದು ಹಾಕೋದು ಹೇಗೆಂದರೆ
ನಿದ್ರೆಯಲ್ಲಿ, ಹೆಚ್ಚಿನ ಜನರು ತಮ್ಮ ಮನಸ್ಸಿನಲ್ಲಿ ಇಟ್ಟುಕೊಂಡಿರುವ ವಿಷಯಗಳನ್ನು ಹೇಳುತ್ತಾರೆ. ಈ ಅಭ್ಯಾಸವನ್ನು ತೊಡೆದುಹಾಕಲು, ನಿಮ್ಮ ಮನಸ್ಸಿನಲ್ಲಿ ಅಡಗಿರುವ ವಿಷಯಗಳನ್ನು ಯಾರೊಟ್ಟಿಗಾದರೂ ಹೇಳಿಕೊಳ್ಳಬೇಕು. ಸಾಧ್ಯವಾದರೆ, ನಿಮ್ಮೊಳಗಿನ ಆಸೆಗಳನ್ನು ಪೂರೈಸಲು ಪ್ರಯತ್ನಿಸಿ. ಅಥವಾ ನಿಮ್ಮ ಆಪ್ತರಿಗೆ ತಿಳಿಸುವ ಮೂಲಕ ಮನಸ್ಸನ್ನು ಹಗುರವಾಗುವಂತೆ ಮಾಡಿಕೊಳ್ಳಿ. ಹೀಗೆ ಮಾಡುವುದರಿಂದ ನಿದ್ರೆಯಲ್ಲಿ ಮಾತಾಡುವ ಅಭ್ಯಾಸವನ್ನು ನಾವು ಕ್ರಮೇಣವಾಗಿ ಕಡಿಮೆ ಮಾಡಿಕೊಳ್ಳಬಹುದು.