ದಿಯಾ ಸಿನಿಮಾದ ಮೂಲಕ ಖ್ಯಾತಿಯನ್ನು ಪಡೆದುಕೊಂಡಿದ್ದ ಪೃಥ್ವಿ ಅಂಬಾರ್ ಮತ್ತು ಖುಷಿ ರವಿ ನಟನೆಯ ಹೊಸ ಸಿನಿಮಾ ಸೆಟ್ಟೇರಿದ್ದು,‘ದಿಯಾ’ ಸಿನಿಮಾ ಜೋಡಿಯನ್ನು ಮತ್ತೊಮ್ಮೆ ತೆರೆಯ ಮೇಲೆ ನೋಡುವ ಅವಕಾಶ ಸಿನಿಪ್ರಿಯರಿಗೆ ಸಿಗಲಿದೆ. ಮಂಗಳೂರಿನ ಅಶ್ವಿನ್ ಪದ್ಮರೂಪ್ ಎಂಬುವವರು ಈ ಸಿನಿಮಾದ ನಿರ್ದೇಶನವನ್ನು ಮಾಡುತ್ತಿದ್ದಾರೆ.
ನಿರ್ದೇಶಕರಾಗಿ ಇದು ಅವರಿಗೆ ಮೊದಲ ಸಿನಿಮಾವಾಗಿದ್ದು, ಬಹುತೇಕ ಮಂಗಳೂರು ಮತ್ತು ಉಡುಪಿಯವರೇ ಹೆಚ್ಚಿರುವ ಈ ಚಿತ್ರದಲ್ಲಿ ಪೃಥ್ವಿ ಅಂಬಾರ್ ನಾಯಕರಾಗಿ ನಟಿಸುತ್ತಿದ್ದು, ಖುಷಿ ರವಿ ನಾಯಕಿಯಾಗಿದ್ದಾರೆ.
ಕಡಲ ತೀರದ ಪ್ರೇಮ ಕಥೆ ಹೊಂದಿರುವ ಈ ಸಿನಿಮಾವು ರೊಮ್ಯಾಂಟಿಕ್ ಕಾಮಿಡಿ ಜಾನರ್ನಲ್ಲಿ ಇರಲಿದೆ. ಈಗಾಗಲೇ ಈ ಸಿನಿಮಾದ ಮೊದಲ ಹಂತದ ಚಿತ್ರೀಕರಣವು ಮುಕ್ತಾಯ ಆಗಿದೆ. ಮಂಗಳೂರು ಕೋಸ್ಟಲ್ನ ಚಿತ್ರಣವಿರುವ ಇದರಲ್ಲಿ ನಟ ಪೃಥ್ವಿ ಅಂಬಾರ್ ಅವರು ಇದೇ ಮೊದಲ ಬಾರಿಗೆ ಡಾಕ್ಟರ್ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಬಹುಪಾತ್ರಗಳಿರುವ ಈ ಸಿನಿಮಾದಲ್ಲಿ ರಾಹುಲ್ ಅಮೀನ್ ಮತ್ತು ಸಮತಾ ಅಮೀನ್ ಕೂಡ ನಟಿಸುತ್ತಿದ್ದು, ನಾಯಕಿ ಖುಷಿ ರವಿ ಅವರು ಇರುವ ದೃಶ್ಯಗಳ ಚಿತ್ರೀಕರಣ ಇನ್ನಷ್ಟೇ ನಡೆಯಬೇಕಿದೆ’ ಎಂದು ನಿರ್ದೇಶಕ ಅಶ್ವಿನ್ ಪದ್ಮರೂಪ್ ಹೇಳಿದ್ದಾರೆ.
ಸೆಪ್ಟೆಂಬರ್ನಲ್ಲಿಇದರ 2ನೇ ಶೆಡ್ಯೂಲ್ ಶುರು ಆಗಲಿದೆ. ಚಿತ್ರದ ಶೂಟಿಂಗ್ ಸಸಿಹಿತ್ಲು ಬೀಚ್ ಸೇರಿದಂತೆ ಮಂಗಳೂರಿನ ವಿವಿಧ ಕಡಲ ಕಿನಾರೆಗಳಲ್ಲಿ ನಡೆಯಲಿದೆ ಎಂದು ಅಶ್ವಿನ್ ಪದ್ಮರೂಪ್ ಹೇಳಿದ್ದಾರೆ.
ಸದ್ಯ ಪೃಥ್ವಿ ಅಂಬಾರ್ ‘ಭುವನಂ ಗಗನಂ’, ‘ಫಾರ್ ರೆನ್ಜ್ ‘, ‘ಲೈಫ್ ಈಸ್ ಬ್ಯೂಟಿಫುಲ್’, ‘ಹ್ಯಾಪಿಲಿ ಮ್ಯಾರೀಡ್ ‘ ಸಿನಿಮಾಗಳಲ್ಲಿ ಬ್ಯೂಸಿಯಾಗಿದ್ದಾರೆ.