ಈಗಿನ ಕಾಲದಲ್ಲಿ ಯಾರನ್ನು ಕೇಳಿದರು ತಮ್ಮ ಕೂದಲು ಉದುರುತ್ತದೆ ಎಂದು ಹೇಳುತ್ತಾರೆ. ಅಲ್ಲದೆ ಯಾವ ವಯಸ್ಸಿನವರ ಕೂದಲು ನೋಡಿದರು ಬಿಳಿಯಾಗುತ್ತದೆ. ಇಂದಿನ ಯುಗದಲ್ಲಿ ಸಾಮಾನ್ಯವಾಗಿ ಎಲ್ಲರೂ ಕೂದಲಿಗೆ ಬಣ್ಣವನ್ನು ಹಾಕಿಕೊಳ್ಳುತ್ತಾರೆ. ಮಳೆಗಾಲದಲ್ಲಿ ಕೂದಲಿಗೆ ಬಣ್ಣ ಹಚ್ಚುವ ಮೊದಲು ಕೆಲ ಎಚ್ಚರಿಕೆಗಳನ್ನು ವಹಿಸಬೇಕು. ಏಕೆಂದರೆ, ಮಳೆಗಾಲದ ಋತುವಿನಲ್ಲಿ ಕೂದಲಿಗೆ ಹೆಚ್ಚು ಹಾನಿ ಉಂಟಾಗುತ್ತಿರುತ್ತದೆ. ಮಳೆಗಾಲದಲ್ಲಿ ಕೂದಲಿನ ವಿಶೇಷ ಕಾಳಜಿ ಮಾಡಬೇಕು. ಏಕೆಂದರೆ ಈ ಋತುವಿನಲ್ಲಿ ಕೂದಲು ಉದುರುವಿಕೆ, ತಲೆಹೊಟ್ಟು ಮತ್ತು ತುದಿ ಸೀಳುವಿಕೆಯಂತಹ ಸಮಸ್ಯೆಗಳು ಹೆಚ್ಚು ಎದುರಾಗುತ್ತವೆ.
ಈ ಋತುವಿನಲ್ಲಿ ಕೂದಲಿಗೆ ಬಣ್ಣ ಅನ್ವಯಿಸುವ ಮೊದಲು ಕೆಲವೊಂದು ಮುನ್ನೆಚ್ಚರಿಕೆಗಳನ್ನು ತೆಗೆದುಕೊಳ್ಳುವುದು ಅವಶ್ಯಕ. ಏಕೆಂದರೆ, ಈ ಋತುವಿನಲ್ಲಿ ಕೂದಲು ಹೆಚ್ಚು ಹಾಳಾಗುತ್ತವೆ. ಇದರಿಂದ, ಈ ಋತುವಿನಲ್ಲಿ ಕೂದಲಿನ ಬಣ್ಣವು ಸರಿಯಾಗಿ ಅಂಟಿಕೊಳ್ಳುವುದಿಲ್ಲ.
ಮಾನ್ಸೂನ್ನಲ್ಲಿ ಬಣ್ಣ ಹಚ್ಚುವ ಮೊದಲು, ನೀವು ಆಯ್ಕೆ ಮಾಡುವ ಬಣ್ಣದ ಗುಣಮಟ್ಟ ಉತ್ತಮವಾಗಿದೆಯೇ ಅಥವಾ ಇಲ್ಲವೇ ಎಂಬುದನ್ನು ಮೊದಲು ತಿಳಿದುಕೊಳ್ಳಿ. ಇದಕ್ಕಾಗಿ, ಬಣ್ಣ ಮಾಡುವ ಮೊದಲು ಪ್ಯಾಚ್ ಟೆಸ್ಟ್ ಮಾಡಿ. ಏಕೆಂದರೆ ಕಳಪೆ ಗುಣಮಟ್ಟದ ಬಣ್ಣದಿಂದ ಕೂದಲಿಗೆ ಹಲವಾರು ರೀತಿಯ ಹಾನಿ ಉಂಟಾಗುವ ಸಾಧ್ಯತೆ ಇರುತ್ತದೆ.
ಕೂದಲಿಗೆ ಬಣ್ಣ ಹಾಕುವ ಒಂದರಿಂದ ಎರಡು ದಿನಗಳ ಮೊದಲು ಎಣ್ಣೆಯಿಂದ ಕೂದಲಿಗೆ ಚೆನ್ನಾಗಿ ಮಸಾಜ್ ಮಾಡಬೇಕು. ಏಕೆಂದರೆ ಎಣ್ಣೆಯು ಕೂದಲಿಗೆ ಪೋಷಣೆಯನ್ನು ನೀಡುತ್ತದೆ ಮತ್ತು ಅವುಗಳನ್ನು ಬಲಿಷ್ಠಗೊಳಿಸುತ್ತದೆ. ಇದರಿಂದಾಗಿ ಕೂದಲು ಹಾನಿಯಾಗುವುದಿಲ್ಲ ಮತ್ತು ಬಣ್ಣ ಹಾಕಿದ ನಂತರ ಒಣಗುವುದಿಲ್ಲ. ಇದೇ ವೇಳೆ, ಮಾನ್ಸೂನ್ನಲ್ಲಿ ಕೂದಲು ಹೊಳಪು ಕಳೆದುಕೊಳ್ಳುವ ಸಾಧ್ಯತೆ ಇರುತ್ತದೆ. ಆದ್ದರಿಂದ ಕೂದಲನ್ನು ಸಮಯಕ್ಕೆ ಸರಿಯಾಗಿ ಮಸಾಜ್ ಮಾಡುವುದು ತುಂಬಾ ಅವಶ್ಯಕವಾಗಿರುತ್ತದೆ.
ಕಣ್ಣಿನ ಹಾನಿಯಿಂದ ಪಾರಾಗಿ
ಮಾನ್ಸೂನ್ ಸಮಯದಲ್ಲಿ ಚರ್ಮದ ಜೊತೆಗೆ, ಕಣ್ಣುಗಳಲ್ಲಿ ಸೋಂಕಿನ ಅಪಾಯವೂ ಹೆಚ್ಚಾಗಿರುತ್ತದೆ. ಇಂತಹ ಪರಿಸ್ಥಿತಿಯಲ್ಲಿ, ಕಣ್ಣಿನಲ್ಲಿ ಯಾವುದೇ ಸಮಸ್ಯೆಯಾಗಬಾರದು ಅಥವಾ ಸೋಂಕಿನ ಸಮಯದಲ್ಲಿ ಬಣ್ಣ ಮಾಡುವುದು ತಪ್ಪು. ಕೂದಲಿನ ಬಣ್ಣವು ನಿಮ್ಮ ಕಣ್ಣಿನ ಸೋಂಕನ್ನು ಹೆಚ್ಚಿಸುವ ಸಾಧ್ಯತೆ ಇರುತ್ತದೆ. ಅದಕ್ಕಾಗಿ ಬಣ್ಣ ಹಚ್ಚುವ ಮೊದಲು ಯೋಚನೆ ಮಾಡಿ ಉತ್ತಮ ಗುಣಮಟ್ಟದ ಬಣ್ಣವನ್ನು ಉಪಯೋಗಿಸಿ.