‘ಕೆಂಡಸಂಪಿಗೆ’ ಧಾರಾವಾಹಿ ಇದೀಗ ಕುತೂಹಲಕಾರಿ ಹಂತ ತಲುಪಿದೆ. ನಾಯಕರ ಮಾತನ್ನ ಕೇಳಿ ನಿತ್ಯಾಳಿಂದ ದೂರ ಸರಿಯುತ್ತಾನಾ ತೀರ್ಥ? ಎಂಬುದು ಇಂಟರೆಸ್ಟಿಂಗ್ ವಿಷಯವಾಗಿದೆ.
ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ ಟಾಪ್ ಧಾರಾವಾಹಿಗಳ ಪೈಕಿ ‘ಕೆಂಡಸಂಪಿಗೆ’ ಕೂಡ ಒಂದು. ‘ಕೆಂಡಸಂಪಿಗೆ’ ಧಾರಾವಾಹಿ ಇದೀಗ ಕುತೂಹಲಕಾರಿ ಘಟ್ಟ ತಲುಪಿದೆ. ಈ ದಾರವಾಹಿಗೆ ಟಿ ಆರ್ ಪಿ ಕೂಡ ಹೆಚ್ಚು ಬರುತ್ತಿದೆ. ಸುಮನಾಳನ್ನ ತೀರ್ಥಂಕರ್ ಪ್ರಸಾದ್ ಇನ್ನೇನು ಮನೆಯಿಂದ ಹೊರಗೆ ಹಾಕಬೇಕಿತ್ತು. ಅಷ್ಟರಲ್ಲಿ ಸುಮನಾ ಗರ್ಭಿಣಿ ಎಂಬ ವಿಷಯ ತೀರ್ಥಂಕರ್ ಪ್ರಸಾದ್ಗೆ ಗೊತ್ತಾಯಿತು. ಹೀಗಾಗಿ ಸುಮನಾಳನ್ನ ಮನೆಯಲ್ಲೇ ತೀರ್ಥಂಕರ್ ಪ್ರಸಾದ್ ಇರಿಸಿಕೊಂಡಿದ್ದಾರೆ. ಇದೀಗ ತನ್ನ ರಾಜಕೀಯ ಭವಿಷ್ಯ ಗಟ್ಟಿಯಾಗುವ ಸಲುವಾಗಿ ಮತ್ತೆ ಸುಮನಾಳ ಹೆಸರನ್ನೇ ಬಳಸಿಕೊಳ್ಳುತ್ತಾನಾ ತೀರ್ಥಂಕರ್ ಪ್ರಸಾದ್? ನಾಯಕರ ಮಾತನ್ನ ಕೇಳಿ ತೀರ್ಥಂಕರ್ ಪ್ರಸಾದ್ ಮನಸ್ಸು ಬದಲಿಸುತ್ತಾನಾ?
ಎನ್ನುವುದನ್ನು ಕಾದು ನೋಡಬೇಕಾಗಿದೆ.
ಪಾತ್ರಧಾರಿಗಳ ಪರಿಚಯ:
‘ಕೆಂಡಸಂಪಿಗೆ’ ಸೀರಿಯಲ್ನಲ್ಲಿ ಶಾಸಕ ತೀರ್ಥಂಕರ್ ಪ್ರಸಾದ್ ಆಗಿ ಆಕಾಶ್, ತೀರ್ಥನ ಪತ್ನಿ ಸುಮನಾ ಆಗಿ ಕಾವ್ಯ ಶೈವ, ಸಾಧನಾ ಆಗಿ ಅಮೃತಾ ರಾಮಮೂರ್ತಿ, ಕೇಶವ ಪ್ರಸಾದ್ ಆಗಿ ದೊಡ್ಡಣ್ಣ ಪಾತ್ರದಲ್ಲಿ ಅಭಿನಯಿಸುತ್ತಿದ್ದಾರೆ.
ಕೆಂಡಸಂಪಿಗೆ’ ಧಾರಾವಾಹಿಯ ಇಂದಿನ ಸಂಚಿಕೆಯಲ್ಲಿ (Episode 214) ನಿತ್ಯಾ ಸಿಕ್ಕಾಪಟ್ಟೆ ಅಪ್ಸೆಟ್ ಆಗಿರುತ್ತಾಳೆ. ಸುಮನಾ ಗರ್ಭಿಣಿ ಎಂಬ ವಿಷಯ ಗೊತ್ತಾದ್ಮೇಲೆ ‘’ತೀರ್ಥ ತನಗೆ ಮೋಸ ಮಾಡಿದ್ದಾನೆ’’ ಅಂತ ನಿತ್ಯಾ ಬೇಸರಗೊಂಡಿರುತ್ತಾಳೆ.
ಕಥಾನಾಯಕ ಕಾರ್ಪೊರೇಟರ್ ತೀರ್ಥಂಕರ್ ಪ್ರಸಾದ್ ಅವಕಾಶವಾದಿ ರಾಜಕಾರಣಿಯಾಗಿರುತ್ತಾನೆ ರಾಜಕೀಯದಲ್ಲಿ ಏನೆಲ್ಲ ಮೋಸ ಮಾಡಬಹುದು ಎನ್ನುವುದನ್ನು ಈ ಧಾರಾವಾಹಿಯ ಮೂಲಕ ಜನರಿಗೆ ತೋರಿಸುತ್ತಿದ್ದಾರೆ. ಶಾಸಕನಾಗಬೇಕು ಅನ್ನೋದು ಕಾರ್ಪೊರೇಟರ್ ತೀರ್ಥಂಕರ್ ಪ್ರಸಾದ್ ಕನಸಾಗಿತ್ತು. ತನ್ನ ರಾಜಕೀಯ ಲಾಭಕ್ಕಾಗಿ ತೀರ್ಥಂಕರ್ ಪ್ರಸಾದ್ ಕಾಲೋನಿಯ ಹೂವು ಮಾರುವ ಹುಡುಗಿ ಸುಮನಾಳನ್ನ ಏಣಿಯಂತೆ ಬಳಸಿಕೊಳ್ಳುತ್ತಾನೆ. ಎಲೆಕ್ಷನ್ನಲ್ಲಿ ಗೆಲುವು ಸಾಧಿಸಲು, ಸುಮನಾಳನ್ನ ತೀರ್ಥಂಕರ್ ಪ್ರಸಾದ್ ಮದುವೆಯಾಗುತ್ತಾನೆ. ಆ ಮೂಲಕ ಕಾಲೋನಿಯ ವೋಟ್ ಬ್ಯಾಂಕ್ನ ತೀರ್ಥಂಕರ್ ಪ್ರಸಾದ್ ಸೆಳೆಯುತ್ತಾನೆ. ಮೀಡಿಯಾದಲ್ಲೂ ಹೀರೋ ಆಗುತ್ತಾನೆ. ಎಲೆಕ್ಷನ್ನಲ್ಲಿ ಗೆದ್ದ ಮೇಲೆ ಸುಮನಾಳಿಗೆ ಡಿವೋರ್ಸ್ ಕೊಡಲು ನಿರ್ಧರಿಸುತ್ತಾನೆ.
ಅಷ್ಟರಲ್ಲಿ, ಸುಮನಾ ಗರ್ಭಿಣಿಯಾಗುತ್ತಾಳೆ. ಸುಮನಾ ಗರ್ಭಿಣಿ ಎಂಬ ವಿಚಾರ ಇದೀಗ ಬಹಿರಂಗವಾಗಿದೆ. ಅಸಲಿಗೆ, ಮೊದಲು ತೀರ್ಥಂಕರ್ ಪ್ರಸಾದ್ – ನಿತ್ಯಾ ಮದುವೆ ಫಿಕ್ಸ್ ಆಗಿತ್ತು. ಆದ್ರೆ, ತೀರ್ಥ – ಸುಮನಾ ಮದುವೆ ದಿಢೀರನೆ ನಡೆದು ಹೋಗಿರುತ್ತವೆ. ಆದರೂ ‘ಸುಮನಾಳಿಗೆ ಡಿವೋರ್ಸ್ ಕೊಟ್ಟು ನಿನ್ನನ್ನೇ ಮದುವೆಯಾಗುತ್ತೇನೆ’ ಎಂದು ನಿತ್ಯಾಗೆ ತೀರ್ಥ ಆಶ್ವಾಸನೆ ಕೊಟ್ಟಿರುತ್ತಾನೆ. ಈಗ ಸುಮನಾ ಗರ್ಭಿಣಿ ಅಂತ ತಿಳಿದು ನಿತ್ಯಾ ಬೇಸರಗೊಂಡಿದ್ದಾಳೆ. ಇತ್ತ ನಾಯಕರು ಕೂಡ ನಿತ್ಯಾಳಿಂದ ದೂರ ಇರುವಂತೆ ತೀರ್ಥನಿಗೆ ಸೂಚಿಸಿದ್ದಾರೆ. ಹಾಗಾದ್ರೆ, ತೀರ್ಥ ಮುಂದೇನು ಮಾಡುತ್ತಾನೆ? ಎಂಬುದೇ ಈಗಿರುವ ಕೆಂಡಸಂಪಿಗೆ ಟ್ವಿಸ್ಟ್.