ಎಲ್ಲರ ಜೀವನದಲ್ಲೂ ಒಂದಾದರು ಲವ ಸ್ಟೋರಿ ಇದ್ದೇ ಇರುತ್ತದೆ. ಹಾಗೆ ಕೆಲವು ಬ್ರೇಕ್ ಅಪ್ ಸ್ಟೋರಿಗಳು ಇರುತ್ತವೆ. ಇವುಗಳ ನಡುವೆ ಬ್ರೇಕ್ ಅಪ್ ನಂತರ ಒದ್ದಾಡೋ ಪ್ರೇಮಿಗಳ ಕಥೆ ಇದೆಯಲ್ಲ ಅದು ನಿಜಕ್ಕೂ ಬೇಸರ ಮೂಡಿಸುತ್ತೆ. ನಿಮ್ಮ ಲೈಫ್ ನಲ್ಲೂ ಲವ್ ಬ್ರೇಕ್ ಅಪ್ ಆಗಿದ್ಯಾ? ಹಾಗಿದ್ರೆ ನೀವು ಈ ತಪ್ಪುಗಳನ್ನು ಮಾಡಲೇಬೇಡಿ
• ಅವರನ್ನು ವಾಪಾಸ್ ಪಡೆಯಲು ಯತ್ನಿಸಬೇಡಿ:
ಅವರು ಒಮ್ಮೆ ನಿಮ್ಮ ಭಾವನೆಗಳನ್ನು ಅರ್ಥ ಮಾಡಿಕೊಳ್ಳದೆ ನಿಮ್ಮನ್ನು ತೊರೆದು ಹೋಗಿದ್ದಾರೆ ಅಂತಾದರೆ ಅವರನ್ನು ಮತ್ತೆ
ವಾಪಸ್ ಪಡೆದು ನೋವೇಕೆ ಅನುಭವಿಸುತ್ತೀರಿ.
• ಎಲ್ಲಾ ಭಾವನೆಗಳನ್ನು ಸೋಷಿಯಲ್ ಮಿಡಿಯಾದಲ್ಲಿ ಹಂಚಿಕೊಳ್ಳಬೇಡಿ:
ನಿಮ್ಮ ದುಃಖ ಎಷ್ಟೇ ಇರಲಿ ಅವುಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಹಾಕೋದು ನಿಲ್ಲಿಸಿ. ಇವುಗಳು ನಿಮ್ಮನ್ನು ಸಮಾಜದ ಎದುರು ಕೆಲವೊಮ್ಮೆ ನಗೆಪಾಟಲಿನಂತೆ ಕಾಣುವ ಹಾಗೆ ಮಾಡಿಬಿಡುತ್ತವೆ.
• ಮತ್ತೆ ಹೊಸ ಸಂಬಂಧ ಹುಡುಕಬೇಡಿ:
ನಿಮ್ಮ ಬಾಂಧವ್ಯ ಈಗಷ್ಟೆ ಮುರಿದಿದೆ, ನೋವು ಮನಸ್ಸಿನಲ್ಲೇ ಇರುತ್ತೆ. ಹೀಗಿರುವಾಗ ನೀವು ಹೊಸ ರಿಲೇಷನ್ ಶಿಪ್ ಗೆ ಇಳಿದರೆ ಖಂಡಿತ ನೀವು ಮೋಸ ಹೋಗುತ್ತೀರಿ. ಈ ಸಮಯದಲ್ಲಿ ನಿಮಗೆ ಕಾಳಜಿ ಮಾಡುವ, ಎಲ್ಲದನ್ನು ಸರಿ ಎನ್ನುವವರು ನಿಮಗೆ ಒಳ್ಳೆಯವರು ಅನಿಸಬಹುದು. ಆದರೆ ಇಡೀ ಜೀವನ ಅವರ ಜೊತೆ ಬಾಳುವಷ್ಟು ಪ್ರೀತಿ ಹುಟ್ಟಲು ಸಾಧ್ಯವೇ ಯೋಚಿಸಿ.
• ಅವರನ್ನು ಸಾಮಾಜಿಕ ಜಾಲಾತಾಣದಲ್ಲಿ ಫಾಲೋ ಮಾಡೋದು:
ಅವರನ್ನು ಸಾಮಾಜಿಕ ಜಾಲತಾಣದಲ್ಲಿ ಫಾಲೋ ಮಾಡುವ ಮೂಲಕ ಅವರ ಖುಷಿಯನ್ನು ಕಂಡು ಬೇಸರವಾಗೋದು ಬೇಡ. ಬದಲಿಗೆ ಅವರ ಪಾಡಿಗೆ ಅವರನ್ನು ಬಿಟ್ಟುಬಿಡಿ.
• ನೋವು ಹೊರ ಹಾಕದೇ ಇರೋದು:
ಮನಸ್ಸಿನಲ್ಲಿರುವ ಭಾವನೆ, ದುಃಖವನ್ನು ಹೊರ ಹಾಕದೆ, ಧೈರ್ಯವಾಗಿರುವಂತೆ ನಟಿಸೋದು ತುಂಬಾ ಕಷ್ಟ. ಬದಲಿಗೆ ನಿಮ್ಮ ಆಪ್ತರ ಬಳಿ ಹೋಗಿ ನಿಮ್ಮ ಮನಸ್ಸಿನಲ್ಲಿರುವ ನೋವನ್ನು ಕಣ್ಣೀರಿನ ಮೂಲಕ ಹೊರ ಹಾಕಿ ನೆಮ್ಮದಿಯಾಗಿರಿ.
• ನಿಮ್ಮ ಲೈಫ್ ನಲ್ಲಿ ಇನ್ನು ಯಾರೂ ಇಲ್ಲ ಎಂದು ಭಾವಿಸೋದು:
ನಿಮ್ಮ ಲವ್ ಸ್ಟೋರಿಯಲ್ಲಿ ಇದೊಂದು ಬೇಸರದ ಘಟನೆ ಆಗಿರಬಹುದು. ಆದರೆ ನಿಮ್ಮ ಇಡೀ ಜೀವನವನ್ನು ಈ ಒಂದು ವಿಚಾರ ಯಾಕೆ ನಾಶ ಮಾಡಬೇಕು ಎಂದು ಒಮ್ಮೆ ಯೋಚಿಸಿ. ನಿಮ್ಮ ಲೈಫ್ ಇನ್ನು ತುಂಬಾ ಇದೆ. ತಪ್ಪು ದಾರಿ ತುಳಿಯಬೇಡಿ ಅಷ್ಟೆ