ಮಳೆಗಾಲಕ್ಕೂ ಮೊದಲೇ ಬರುವ ಮಳೆ ಅಕಾಲಿಕ ಮಳೆ. ಎಡೆಬಿಡದೆ ಮಳೆ ಸುರಿಯುವ ಮಳೆ ವರುಣ ಆರ್ಭಟ, ಮಳೆಗೆ ಎಲ್ಲೆಲ್ಲೂ ನೆರೆ ಬಂದರೆ ಅದು ರಣ ಮಳೆ ಹೀಗೆ ಮಳೆಯನ್ನು ಅದರ ಪರಿಣಾಮದ ಮೇಲೆ ಒಂದೊಂದು ಹೆಸರಿನಿಂದ ಬಿಂಬಿಸುತ್ತೇವೆ.
ಅಭಿವೃದ್ಧಿಯ ಹೆಸರಲ್ಲಿ ನಾವುಗಳು ಮಾಡಿರುವ ಎಡವಟ್ಟುಗಳನ್ನು ನೆನೆಪಿಸುವಂತಾಗಿದೆ. ಸ್ಮಾರ್ಟ್ ಸಿಟಿ, ಹೈಟೆಕ್ ಸಿಟಿ, ಸಿಲಿಕಾನ್ ಸಿಟಿ ಈ ಎಲ್ಲ ಹೆಸರಿನಡಿ ಮಾಡಿರುವ ಎಡವಟ್ಟುಗಳು ಇಂದು ಎಲ್ಲರ ಜೀವಕ್ಕು ಕುತ್ತು ತರುವಂತಾಗಿದೆ.
ರಸ್ತೆ ಅಗಲೀಕರಣ, ಫ್ಲೈ ಓವರ್, ರಸ್ತೆ ಕಾಂಕ್ರೀಟ್,ಅಂಡರ್ ಪಾಸ್ ಹೀಗೆ ಹಲವು ಪ್ರಾಜೆಕ್ಟ್ಗಳನ್ನು ಜನರ ಅನುಕೂಲಕ್ಕಾಗಿ ಮಾಡಲಾಯಿತ್ತು. ಸುಗಮವಾಗಿ, ಸಲೀಸಾಗಿ, ಸುರಕ್ಷಿತವಾಗಿ ಓಡಾಡಲು ರಸ್ತೆಯನ್ನು ಮಾಡಲಾಯಿತ್ತು. ರಸ್ತೆಯ ಉದ್ದಕ್ಕೂ ಇದ್ದ ಅದೆಷ್ಟೋ ಸಾವಿರ ಮರಗಳನ್ನು ಕಡಿಯಲಾಯಿತ್ತು.
ಇವೆಲ್ಲದರ ಪರಿಣಾಮನೇ ಇಂದಿನ ವತಾವರಣದಲ್ಲಿ ಎಲ್ಲ ಋತುಗಳು ವೀಪರೀತ ಅನಿಸಿರುವುದು. ಚಳಿಗಾಲದಲ್ಲಿ ಮೈಕೊರೆಯುವ ಚಳಿ, ಬೇಸಿಗೆಗಾಲಕ್ಕೆ ಅತೀಯಾದ ಬಿಸಿಲ ಝಳ, ಮಳೆಗಾದಲ್ಲಿ ಎಲ್ಲವೂ ಕೊಚ್ಚಿಕೊಂಡು ಹೋಗುವ ಮಳೆ.
ಪ್ರಸುತ್ತ ಬೆಂಗಳೂರು ಜನ ಆಕಾಲಿಕ ಮಳೆಯ ದುರಂತ ಘಟನಗೆ ಸಾಕ್ಷಿಯಾಗಿದ್ದಾರೆ. ಭಾರಿ ಮಳೆಯ ಪರಿಣಾಮ ಜಲಾವೃತಗೊಂಡ ಕೆಆರ್ ವೃತ್ತದ ಅಂಡರ್ ಪಾಸ್ ನಲ್ಲಿ ಸಿಲುಕಿ ತೀವ್ರ ಅಸ್ವಸ್ಥವಾಗಿದ್ದ ಮಹಿಳೆ ಚಿಕಿತ್ಸೆ ಫಲಕಾರಿಯಾಗದೇ ಮೃತಪಟ್ಟ ಘಟನೆ ಎಂತವರನ್ನು ಬೆಚ್ಚಿ ಬೀಳಿಸುತ್ತಿದೆ.
ಮಳೆ ನೀರು ಹರಿದು ಹೋಗಲು ಸರಿಯಾದ ಒಳಚರಂಡಿ ವ್ಯವಸ್ಥೆ ಇಲ್ಲದಿರುವುದು, ಅಥವಾ ಅವೈಜ್ಞಾನಿಕ ರೀತಿಯ ಅಂಡರ್ ಪಾಸ್ ನಿರ್ಮಾಣ, ಅಕಾಲಿಕ ಮಳೆ ಹೀಗೆ ಯಾವುದನ್ನು ದೂಷಿಸುವುದು.
ಬೆಂಗಳೂರು ಈ ರೀತಿಯ ಮಳೆಯನ್ನು ಇದೇ ಮೋದಲ ಬಾರಿಗೆ ಎದುರಿಸುತ್ತಿಲ್ಲ. ಪ್ರತಿ ಭಾರಿ ಮಳೆಗೆ ಕೃತಕ ನೆರೆ, ಜಲಾವೃತ, ಟ್ರಾಫಿಕ್ ಜಾಮ್ ಹೀಗೆ ಮಳೆಗಾಲದಲ್ಲಿ ಸಮಸ್ಯೆಗಳನ್ನು ಎದುರಿಸುತ್ತಿದೆ. ಆದರೆ ಪ್ರತಿ ಭಾರಿ ಇಂತಹ ಸಮಸ್ಯೆಯನ್ನು ಎದುರಿಸುವಾಗಲು ಮುಂದಿನ ದಿನಗಳಲ್ಲಿ ಪ್ರಕೃತಿ ವಿಕೋಪಗಳನ್ನು ಎದುರಿಸಲು ಅಗತ್ಯ ಸಿದ್ಧತೆಯನ್ನು ಮಾಡಬೇಕು ಎನ್ನುವ ಮನೋಭಾವ ಯಾರಲ್ಲೂ ಮೂಡಿದಂತಿಲ್ಲ.
ಅದರ ಪರಿಣಾಮನೇ ಕೆಆರ್ ವೃತ್ತದ ಅಂಡರ್ ಪಾಸ್ ನಲ್ಲಿ ನಡೆದಂತಹ ದುರಂತ. ಬೆಂಗಳೂರಿನಲ್ಲಿ ಅಂಡರ್ ಪಾಸ್ ಗಳು ಸಾಕಷ್ಟು ಇವೆ. ಮಳೆಗಾಲದಲ್ಲಿ ಅವುಗಳು ಎಷ್ಟು ಸುರಕ್ಷಿತ ಎಂದು ಕಾಡುತ್ತಿರುವ ಪ್ರಶ್ನೆ. ಯಾಕೆಂದರೆ ಮನುಷ್ಯನ ಲೆಕ್ಕಚಾರ ಒಂದಾದರೆ ಪ್ರಕೃತಿಯ ಲೆಕ್ಕಾಚಾರ ಬೇರೆನೆ ಇರುತ್ತದೆ.