ಹಾಸನ ಜಿಲ್ಲೆಯ ಎಸ್ ಪಿ ಆಗಿ ಕಾರ್ಯ ನಿರ್ವಹಿಸುತ್ತಿರುವ ಹರಿರಾಮ್ ಶಂಕರ್ ತಮ್ಮ 5ನೇ ಪ್ರಯತ್ನದಲ್ಲಿ ಐಪಿಎಸ್ ಪರೀಕ್ಷೆ ಪಾಸ ಮಾಡಿದ್ದಾರೆ.
ಮೂಲತಃ ಹರಿರಾಮ್ ಶಂಕರ್ ಕೇರಳದ ತ್ರಿಶೂರ್ ದವರು. ಅವರ ತಂದೆ ವೆಂಕಟಾಚಲಂ ವಿ ಎಚ್, ಐಎಂಜಿ ಕೊಚ್ಚಿಯಲ್ಲಿ ಸೆಕ್ಷನ್ ಆಫೀಸರ್. ಅವರ ತಾಯಿ ತ್ರಿಶೂರ್ ದ ವೈದ್ಯರತ್ನಂ ಆಯುರ್ವೇದ ಕಾಲೇಜಿನಲ್ಲಿ ಆಯುರ್ವೇದ ವೈದ್ಯರಾಗಿದ್ದಾರೆ.
ಶಂಕರ್ ಎನ್ ಐಟಿ ಕ್ಯಾಲಿಕಟ್ ನ ಮೆಕ್ಯಾನಿಕಲ್ ಎಂಜಿನಿಯರಿಂಗ್ ಪದವಿ ಪಡೆದುಕೊಂಡಿದ್ದಾರೆ. ಅವರು ತಮ್ಮ ಪ್ರಾಥಮಿಕ ಶಿಕ್ಷಣವನ್ನು ತ್ರಿಶೂರ್ ದ ಸೇಂಟ್ ಪಾಲ್ಸ್ ಶಾಲೆಯಲ್ಲಿ ಮತ್ತು ಮಾಧ್ಯಮಿಕ ಶಾಲೆಯನ್ನು ತ್ರಿಶೂರ್ ಜಿಲ್ಲೆಯ ಪೂಚಟ್ಟಿಯಲ್ಲಿರುವ ಭಾರತೀಯ ವಿದ್ಯಾಭವನದ ವಿದ್ಯಾ ಮಂದಿರದಲ್ಲಿ ಪೂರೈಸಿರುತ್ತಾರೆ.
ಪದವಿ ಓದಿದ ಬಳಿಕ ಅವರು ಸಿವಿಲ್ ಸರ್ವಿಸ್ ಪರೀಕ್ಷೆಗೆ ಪ್ರಯತ್ನಿಸಿದರು. 2 ಬಾರಿ ವಿಫಲರಾದ ಬಳಿಕ ಉದ್ಯೋಗ ಮಾಡಿಕೊಂಡು ಪರೀಕ್ಷೆಗೆ ತಯಾರಿ ನಡೆಸಲು ಮುಂದಾದರು. ಈ ವೇಳೆ ಬ್ಯಾಂಕ್ ನಲ್ಲಿ ಉದ್ಯೋಗವನ್ನೂ ಮಾಡಿದರು. ಆದರೆ ಸಮಯದ ಅಭಾವದಿಂದ ಕೆಲಸ ಬಿಟ್ಟು ಮತ್ತೆ ಪೂರ್ಣ ಪ್ರಮಾಣದಲ್ಲಿ ಪರೀಕ್ಷೆಗೆ ತಯಾರಿ ನಡೆಸಲು ಪ್ರಾರಂಭಿಸಿದ್ದರು.
ಯುಪಿಎಸ್ ಸಿ ಪರೀಕ್ಷೆಯಲ್ಲಿ ಮೊದಲ ಎರಡು ಬಾರಿ ವಿಫಲರಾದ ನಂತರ ಅವರು 4ನೇ ಬಾರಿ ಐಎಎಎಸ್ ಹುದ್ದೆ ಪಡೆದುಕೊಂಡರು. ನಂತರ 5ನೇ ಪ್ರಯತ್ನದಲ್ಲಿ ತಾವು ಬಯಸಿದಂತೆ ಐಪಿಎಸ್ ಹುದ್ದೆ ಗಳಿಸಿಕೊಂಡರು.
ಪರೀಕ್ಷೆಯಲ್ಲಿ ಪಾಸ್ ಆಗಲು ಕೋಚಿಂಗ್ ಪಡೆಯಲೇಬೇಕು ಅಂತೇನು ಇಲ್ಲ ಅಂತಾರೆ ಹರಿರಾಮ್ ಶಂಕರ್. ನಾನು ಕೂಡ ಕೋಚಿಂಗ್ ಗಾಗಿ ದೆಹಲಿ, ಚೆನ್ನೈಗೆ ಹೋಗಿದ್ದೆ. ಆದರೆ ಅದರಿಂದ ಹೆಚ್ಚಿನ ಪ್ರಯೋಜನವಾಗಿಲ್ಲ. ಸ್ವಯಂ ಅಧ್ಯಯನದಿಂದಲೇ ನನಗೆ ಯಶಸ್ಸು ಸಿಕ್ಕಿದೆ ಹಾಗಾಂತ ಕೋಚಿಂಗ್ ಪಡೆಯುವುದು ತಪ್ಪು ಅಂತ ಅಲ್ಲ ಐಚ್ಛಿಕ ವಿಷಯಗಳಿಗೆ ಕೋಚಿಂಗ್ ಪಡೆದುಕೊಂಡರೆ ಒಳೆತು ಅನ್ನುತ್ತಾರೆ ಶಂಕರ್.
ಉದ್ಯೋಗ ಮಾಡುತ್ತಲೇ ಪರೀಕ್ಷೆಗೆ ತಯಾರಿ ನಡೆಸಬಹುದು. ಸಂದರ್ಶನಕದಲ್ಲಿ ಪಾಸ್ ಆಗಲು ಧೈರ್ಯವೇ ದೊಡ್ಡ ಅಸ್ತ್ರ. ಧೈರ್ಯದಿಂದ ಇಂಟರ್ ವ್ಯೂ ನೀಡಿದರೆ ಯುಪಿಎಸ್ ಸಿ ಪಾಸ್ ಆಗುವುದು ಸುಲಭ ಎಂದು ಹರಿರಾಮ್ ಶಂಕರ್ ಪರೀಕ್ಷಾರ್ಥಿಗಳಿಗೆ ಕಿವಿಮಾತು ಹೇಳಿದ್ದಾರೆ