ಕ್ರೇಜಿ ಸ್ಟಾರ್ ರವಿಚಂದ್ರನ್ ಪುತ್ರ ವಿಕ್ರಮ್ ರವಿಚಂದ್ರನ್ ಹಾಗೂ ಸ್ಯಾಂಡಲ್ವುಡ್ ಖ್ಯಾತ ನಟಿ ಅದಿತಿ ಪ್ರಭುದೇವ ಜೋಡಿಯಾಗಿ ನಟಿಸಿರುವ ಲವ್ ಯು ಅಭಿ ಕನ್ನಡ ವೆಬ್ ಸಿರೀಸ್ ಮೇ 19ರಂದು ಬಿಡುಗಡೆಗೊಳ್ಳುತ್ತಿದ್ದು, ವಿಕ್ಷಿಸಲು ಅಭಿಮಾನಿಗಳು ಕಾಯುತ್ತಿದ್ದಾರೆ.
ಕಿರುತೆರೆ ಮತ್ತು ಹಿರಿತೆರೆಗಳಲ್ಲಿ ಮಿಂಚಿರುವ ಅದಿತಿ ಪ್ರಭುದೇವ ಲವ್ ಯು ಅಭಿ ಯ ಮೂಲಕ ವೆಬ್ ಸಿರೀಸ್ ಜಗತ್ತಿಗೂ ಕಾಲಿರಿಸಿದ್ದು, ವಿಕ್ರಮ್ ರವಿಚಂದ್ರನ್ಗೂ ಕೂಡಾ ಇದು ಮೊದಲ ವೆಬ್ ಸಿರೀಸ್ ಆಗಿದೆ.
ಮೂವತ್ತು ನಿಮಿಷಗಳ ಏಳು ಎಪಿಸೋಡ್ಗಳಲ್ಲಿ ಅನುಮಾನ, ವಂಚನೆ, ಮುಗ್ಧ , ಒಳ್ಳೆಯತನ, ಸ್ವಾರ್ಥ, ಪ್ರಾಮಾಣಿಕತೆ, ಪ್ರೇಮ, ವಿರಹ, ಕೊಲೆ, ತನಿಖೆ ಹೀಗೆ ಎಲ್ಲ ಅಂಶಗಳೂ ಇದ್ದು ವೀಕ್ಷರ ಕುತೂಹಲವನ್ನು ಕಾಯ್ದಿರಿಸಿ ಕೊಳ್ಳುವ ಕಥೆಯ ಹಂದರವನ್ನು ಹೊಂದಿರುವ ಅಪರೂಪದ ಕಥೆ ಲವ್ ಯು ಅಭಿ .
ಕನ್ನಡ ಓಟಿಟಿ ಲೋಕಕ್ಕೆ ಹೊಸ ವಿಚಾರಗಳೊಂದಿಗೆ ಬರಲಿರುವ ಈ ಸಸ್ಪೆನ್ಸ್ ಥ್ರಿಲ್ಲರ್ ಕಥೆಯಲ್ಲಿ ಹೊಸ ನಟರ ಜೊತೆಗೆ ವಿನಯಾ ಪ್ರಸಾದ್, ರಚಿತಾ ಮಹಾಲಕ್ಷ್ಮಿ, ಅಶೋಕ್ ಶರ್ಮ, ಶ್ರೀನಾಥ್, ಅಂಬಿಕಾ, ಶ್ರೀನಿವಾಸ ಮೂರ್ತಿ, ಸುಂದರ್ರಾಜ್ ಹಿರಿಯ ಅನುಭವಿ ಕಲಾವಿದರ ದಂಡು ಇದೆ.
ಜಿಯೋಸಿನಿಮಾ ಓಟಿಟಿಯಲ್ಲಿ ಬಿಡುಗಡೆಗೊಳ್ಳಲಿರುವ ಈ ಸೀರಿಸ್ ಜಿಯೋಸಿನಿಮಾ ಒರಿಜಿನಲ್ ಆಗಿದ್ದು ಇದನ್ನು ಉಚಿತವಾಗಿ ವೀಕ್ಷಿಸಬಹುದಾಗಿದೆ.
ಲವ್ ಯು ಅಭಿ ಸಿರಿಸ್ನ್ನು ಕಾಳಿ ವೇಲಾಯುಧಂ ನಿರ್ಮಾಣ ಮಾಡಿ ನಿರ್ದೇಶಿಸಿದ್ದಾರೆ. ಅರುಣ್ ಬ್ರಹ್ಮ ಅವರ ಕ್ಯಾಮೆರಾ ಚಳಕವಿದ್ದು, ಪ್ರದಿಪ್ ರಾಘವ್ ಸಂಕಲನ ಮಾಡಿದ್ದಾರೆ. ನಿಜಿಲ್ ದಿನಕರ್ ಸಂಗೀತ ನಿರ್ದೇಶನ ಮತ್ತು ಧ್ವನಿ ವಿನ್ಯಾಸವನ್ನು ನಿರ್ವಹಿಸಿದ್ದಾರೆ. ಅಭಿಲಾಷ್ ಗೌಡ ಮತ್ತು ಜಿ.ವಿ. ಜಂಟಿಯಾಗಿ ಡಬ್ಬಿಂಗ್ ಸಂಕಲವನ್ನು ಮಾಡಿದ್ದಾರೆ.