ಸೌಂದಯವನ್ನು ಹೆಚ್ಚಾಗಿ ಮೈಕಾಂತಿಯಿಂದ ಎಲ್ಲರು ತೀಮಾರ್ನಿಸುತ್ತಾರೆ. ಬೆಳ್ಳಗೆ, ನೀಲಕಾಯ, ಎತ್ತರ ಹೀಗೆ ಹಲವು ರೀತಿಯಲ್ಲಿ ಒಬ್ಬರನ್ನು ಸೌಂದರ್ಯದಿಂದಲೇ ಗುರುತಿಸುತ್ತಾರೆ.
ಎಷ್ಟೋ ಸಂದರ್ಭದಲ್ಲಿ ಎಷ್ಟೆ ಚೆನ್ನಾಗಿ ತಯರಾದರು ಕೆಲವೊಂದು ಸಲ ತಲೆಕೂದಲು ಹೇರ್ ಸ್ಟೈಲ್ ಅಂದವನ್ನು ಕೆಡಿಸುತ್ತದೆ. ಯಾಕೆಂದರೆ ಕೆಲವರ ತಲೆ ಕೂದಲು ಒರಟಾದ, ಸುರುಳಿ, ಉದ್ದನೆ. ಹೀಗೆ ಒಬ್ಬಬ್ಬರ ತಲೆ ಕೂದಲು ಒಂದೊಂದು ರೀತಿಯಲ್ಲಿರುತ್ತದೆ.
ಸಾಕಷ್ಟು ಬಾರಿ ಅಪಹಾಸ್ಯಗೀಡಾಗುವ ಸಾಧ್ಯತೆಗಳು ಹೆಚ್ಚು. ಎಲ್ಲರಿಗೂ ಇದು ಒಂದು ಕಾಡುವ ಸಮಸ್ಯೆ ಹಾಗೂ ಅಂದಕ್ಕೆ ಕೆಲವೊಮ್ಮೆ ತೊಡಕ್ಕಾಗಬಹುದು. ಇಂದು ಎಲ್ಲರೂ ಸ್ಟ್ರೆಟ್ ಹೇರ್ ಗೆ ಹೆಚ್ಚು ಮಾರು ಹೋಗುತ್ತಿದ್ದಾರೆ. ಅದಕ್ಕಾಗಿ ಹೇರ್ ಸ್ಪಾ, ಕೆರಾಟೀನ್ ಟ್ರೀಟ್ಮೆಂಟ್, ಹೀಗೆ ಹತ್ತು ಹಲವು ದಾರಿಗಳನ್ನು ಕಂಡುಕೊಳ್ಳುತ್ತಾರೆ. ಇವೆಲ್ಲವು ದುಬಾರಿಯಾದರು ಕೂಡ ಇದಕ್ಕೆ ಮೋರೆ ಹೋಗುತ್ತಿದ್ದಾರೆ.
ಆದರೆ ಅಗ್ಗದ ದರದಲ್ಲಿ ಮನೆಯಲ್ಲಿಯೇ ಕೆರಾಟೀನ್ ಟ್ರೀಟ್ ಮೆಂಟ್ ಮಾಡುವುದಾದರೆ ತುಂಬ ಸುಲಭ. ಅದು ಆರೋಗ್ಯ ವರ್ಧಕ ಬೆಂಡೆಯಿಂದ.ಅಚ್ಚರಿಯಾದರು ಇದು ನಿಜ.
ನಾಲ್ಕೈದು ಬೆಂಡೆಕಾಯಿ ತೊಳೆದು ಕತ್ತರಿಸಬೇಕು.ನಂತರ ಒಂದು ದೊಡ್ಡ ಗ್ಲಾಸ್ ನೀರನ್ನು ಸೇರಿಸಿ ಅದನ್ನು ಬೇಯಿಸಬೇಕು.
ಬೆಂದ ಬೆಂಡೆಕಾಯಿಯನ್ನು ಮಿಕ್ಸಿಗೆ ಹಾಕಿ ಚೆನ್ನಾಗಿ ರುಬ್ಬಿಕೊಂಡು ಶುದ್ದವಾದ ಬಟ್ಟೆಯಲ್ಲಿ ಸೋಸಿಕೊಳ್ಳಬೇಕು.ನಂತರ ಒಂದು ಟೇಬಲ್ ಸ್ಪೂನ್ ಕಾರ್ನ್ಗೆ ಎರಡು ಮೂರು ಸ್ಪೂನ್ ನೀರನ್ನು ಸೇರಿಸಿ ಚೆನ್ನಾಗಿ ಗಂಟುಗಳು ಇಲ್ಲದಂತೆ ಬೆರಸಿ ಬೆಂಡೆಕಾಯಿ ಮಿಶ್ರಣಕ್ಕೆ ಸೇರಿಸಬೇಕು.
ಮತ್ತೆ ಈ ಮಿಶ್ರಣವನ್ನು ಬಿಸಿಮಾಡಬೇಕು. ಅದು ಗಟ್ಟಿಯಾಗುವರೆಗೂ ಬಿಸಿಮಾಡಬೇಕು. ನಂತರ ಮಿಶ್ರಣವು ತಣ್ಣಾಗಾಗಲು ಬಿಡಬೇಕು. ತೆಂಗಿನ ಎಣ್ಣೆ ಒಂದು ಸ್ಪೂನ್, ಬಾದಾಮಿ ಅಥಾವ ಆಲೀವ್ ಎಣ್ಣೆ ಒಂದು ಸ್ಪೂನ್ ಮಿಶ್ರಣಕ್ಕೆ ಸೇರಿಸಬೇಕು.
ಕೂದಲನ್ನು ಸಣ್ಣ ಸಣ್ಣ ಭಾಗಗಳನ್ನಾಗಿ ಮಾಡಿ ಕೈ ಅಥಾವ ಬ್ರಷ್ ಮೂಲಕ ಬೆಂಡೆಕಾಯಿ ಮಿಶ್ರಣವನ್ನು ಹಚ್ಚಬೇಕು. ಎರಡು ಗಂಟೆಗಳ ಕಾಲ ಯಾವುದೇ ಶಾಂಪೂ ಬಳಸದೆ ಸಾದಾ ನೀರಿನಲ್ಲಿ ತೋಳೆಯ ಬೇಕು. ಕೂದಲು ಒಣಗಿಸಲು ಹೇರ್ ಡ್ರೈಯರ್ ಬಳಸದೇ ಬಟ್ಟೆಯಿಂದಲೇ ಸಾಮನ್ಯವಾಗಿ ಒಣಗುವಂತೆ ಮಾಡಬೇಕು.
ಮೊದಲ ಪ್ರಯತ್ನದಲ್ಲೇ ಕೂದಲು ನಯವಾಗಿ ಹೊಳಪಾಗಿರುವುದನ್ನು ಕಾಣಬಹುದು.೧೫ ದಿನಕ್ಕೊಮ್ಮೆ ಬೆಂಡೆಕಾಯಿಯ ಈ ರೀತಿ ಪೇಸ್ಟ್ ತಯಾರಿಸಿ ತಲೆ ಕೂದಲಿಗೆ ಹಚ್ಚಿದಲ್ಲಿ ಸುಂದರ ನಯವಾದ ಕೂದಲನ್ನು ಪಡೆಯಬಹುದು.