ಮನೆಯಲ್ಲಿ ಗಂಡು ಮಕ್ಕಳಿದ್ದರೆ ಸಾಕು ಅವರು ಮನೆ ಕೆಲಸ ಮಾಡೋದು ಶೋಭೆ ಅಲ್ಲ. ಹೆಣ್ಣು ಮಕ್ಕಳು ಮಾತ್ರ ಮನೆ ಕೆಲಸ ಮಾಡಬೇಕು ಅನ್ನೋದು ಕೆಲವರ ಮನೆಯಲ್ಲಿ ಬಂದಿರುವ ಅಭ್ಯಾಸ. ಆಗಿನ ಕಾಲದಲ್ಲಿ ಮನೆಯಲ್ಲಿ ಅಮ್ಮನಿಗೆ ಸಹಾಯ ಮಾಡೋಕೆ ಅಜ್ಜಿ, ಅತ್ತೆ, ಚಿಕ್ಕಮ್ಮ ಎಲ್ರು ಇರುತ್ತಿದ್ದರು. ಆದರೆ ಈಗ ಮನೆಯಲ್ಲಿ ಅಮ್ಮ ಒಬ್ಬಳೇ ಇರ್ತಾಳೆ. ಅವಳಿಗೆ ಮನೆ ಕೆಲಸದಲ್ಲಿ ಸಹಾಯ ಮಾಡ್ಬೇಕು ಅಂತ ಗಂಡು ಮಕ್ಕಳಿಗೆ ಸಣ್ಣ ವಯಸ್ಸಿನಿಂದಲೂ ಹೇಳಿಕೊಡಬೇಕು. ಹಾಗಿದ್ರೆ ಮಕ್ಕಳಿಗೆ ಏನು ಹೇಳಿಕೊಡಬೇಕು.
• ಮನೆ ಕೆಲಸ ಸುಲಭವಲ್ಲ, ನಿರುದ್ಯೋಗ ಅಲ್ಲ ಅಂತ ಹೇಳಿಕೊಡಿ.
• ಬಾಲ್ಯದಿಂದಲೇ ಮನೆಯಲ್ಲಿನ ಸಣ್ಣಪುಟ್ಟ ಕೆಲಸಗಳನ್ನು ಅವರಿಂದ ಮಾಡಿಸಿ.
• ನಿಮ್ಮ ಪೀರಿಯಡ್ಸ್ ಬಗ್ಗೆ ಅವರಿಗೂ ಅರಿವಿರಲಿ. ಆ ಸಮಯದಲ್ಲಿ ನಿಮ್ಮ ಆರೈಕೆ ಮಗ ಮಾಡಲಿ.
• ಮನೆ ಕಸ ಗುಡಿಸಿ, ಒರೆಸುವುದು, ಪಾತ್ರೆ ತೊಳೆಯೋದು, ಬಟ್ಟೆ ಒಣಗಿ ಹಾಕೋದು ಹೆಣ್ಣು ಮಕ್ಕಳ ಕೆಲಸ ಅಲ್ಲ ಅಂತ ಹೇಳಿಕೊಡಿ.
• ತಿಂಗಳಲ್ಲಿ ಒಮ್ಮೆಯಾದರು ಮಗನಿಂದ ಅಡುಗೆ ಮಾಡಿಸಿ. ಎಲ್ಲಾ ಸಮಯಕ್ಕೂ ಸಹಾಯವಾಗುತ್ತೆ.
• ತನ್ನ ರೂಮ್ ತಾನೇ ಕ್ಲೀನ್ ಮಾಡಿಕೊಳ್ಳಬೇಕು. ಇದನ್ನು ರೂಢಿ ಮಾಡಿಸಿ.
• ಮನೆಯಲ್ಲಿ ಯಾರಿಗಾದರೂ ಹುಷಾರಿಲ್ಲವೆಂದರೆ ಅವರಿಗೆ ಆರೈಕೆ ಮಾಡುವುದನ್ನು ಕಲಿಸಿ.
• ನೀವು ಅಥವಾ ಮಗನ ಹೆಂಡತಿ ಉದ್ಯೋಗಕ್ಕೆ ಹೋಗುತ್ತಿದ್ದರೆ ಮನೆ ಕೆಲಸವನ್ನು ಸಮವಾಗಿ ಹಂಚಿಕೊಂಡು ಮಾಡುವುದನ್ನು ಹೇಳಿಕೊಡಿ.