ಚುನಾವಣೆ ದಿನಾಂಕ ಘೋಷಣೆ ಆದ ದಿನದಿಂದ ನಿರಂತರವಾಗಿ ಜಿಲ್ಲಾಡಳಿತ ಮತದಾರನ್ನು ಸೆಳೆಯುವ ಪ್ರಯತ್ನಮಾಡಿತ್ತು. ಮತದಾರ ಪ್ರಜಪ್ರಭುತ್ವದ ದೊಡ್ಡ ಹಬ್ಬದಲ್ಲಿ ಪಾಲ್ಗೊಳ್ಳಲ್ಲಿ ಎಂಬ ಕಾರಣಕ್ಕಾಗಿ.ಒಂದೆಡೆ ಅಸಮಾದಾನ ಗೊಂಡಿದ್ದ ಮತದಾರರು ಆಕ್ರೋಶ ವ್ಯಕ್ತ ಪಡಿಸುತ್ತಿದ್ದರು. ಮತದಾನ ಬಹಿಷ್ಕರಿಸುವಂತೆ ಎಚ್ಚರಿಕೆಯನ್ನು ಕೂಡ ನೀಡಿದ್ದರು.
ಜಿಲ್ಲಾಡಳಿತ ಮತ್ತು ಸ್ವೀಪ್ ಸಮಿತಿಯು ಬೀದಿನಾಟಕ, ರ್ಯಾಲಿ, ಜಾಥ, ಮಾನವ ಸರಪಳಿ, ಮತದಾನದ ಪ್ರತಿಜ್ಞೆ ವಿಧಿ, ಅಂಡರ್ ವಾಟರ್ ಪ್ರಚಾರ, ಕಯಾಕ್ ದೋಣಿಯಲ್ಲಿ ಮೇ ೧೦ , ಐ ವೋಟ್ ಮೊಬೈಲ್ ಲೈಟ್ ಸಂದೇಶ, ಮಿನಿ ವಿಮಾನದ ಮೂಲಕ ಮತದಾನದ ಮಹತ್ವ ಸಾರುವ ಕಾರ್ಯವನ್ನು ಆಯಾ ಜಿಲ್ಲೆಯಲ್ಲಿ ವಿವಿಧ ರೀತಿಯಲ್ಲಿ ಅಚ್ಚುಕಟ್ಟಾಗಿ ಅಯೋಜಿಸಲಾಗಿತ್ತು.
ಇಷ್ಟು ಮಾತ್ರವಲ್ಲದೆ ಎಪ್ರೀಲ್ ೩೦ ರಂದು ನಮ್ಮ ನಡೆ ಮತಗಟ್ಟಯ ಕಡೆ ಎಂಬ ವಿನೂತನ ಕಾರ್ಯಕ್ರಮವನ್ನು ರಾಜ್ಯದ್ಯಂತ ಹಮ್ಮಿಕ್ಕೊಂಡಿತ್ತು. ಮತದಾನಕ್ಕಾಗಿ ಮತಗಟ್ಟೆಯನ್ನು ವಿವಿಧ ರಂಗುರಂಗಿನ ಚಿತ್ತಾರದಲ್ಲಿ ಅಲಂಕಾರಿಸಲಾಯಿತ್ತು. ಅಯಾ ಜಿಲ್ಲೆಯ ಸಂಸ್ಕೃತಿಗೆ ಪ್ರಾಮುಖ್ಯತೆಯನ್ನು ನೀಡಿ ಬಣ್ಣ ಬಣ್ಣದ ಚಿತ್ತರಗಳನ್ನು ಮೂಡಿಸಲಾಯಿತ್ತು.
ಇವೆಲ್ಲದರ ಪರಿಣಾಮವಾಗಿ ರಾಜ್ಯದ ೨೨೪ ವಿಧಾನಸಭಾ ಕ್ಷೇತ್ರಗಳಿಗಾಗಿ ನಡೆದ ಚುನಾವಣೆಯಲ್ಲಿ ಒಟ್ಟು ೭೨% ರಷ್ಟು ಮತದಾನ ನಡೆದಿರುವ ಬಗ್ಗೆ ಚುನಾವಣಾ ಆಯೋಗವು ಮಾಹಿತಿಯನ್ನು ನೀಡಿದೆ.
ಕೆಲವು ಕಡೆ ಇವಿಎಂ ಮಿಶಿನ್ ತಾಂತ್ರಿಕ ದೋಷದಿಂದ ತಡವಾಗಿ ಮತದಾನ ಪ್ರಕ್ರಿಯೆ ಆರಂಭಗೊಂಡಿತು. ಇನ್ನು ಕೆಲವು ಕಡೆ ನಿಧಾನ ಮಂದಗತಿಯಲ್ಲಿ ಸಾಗಿದ ಮತದಾನವು ಸಾರ್ವಜನಿಕರ ಆಕ್ರೋಶಕ್ಕೆ ಕಾರಣವಾಯಿತ್ತು.
ನಕ್ಸಲ್ ಪೀಡಿತ ಪ್ರದೇಶದಲ್ಲಿ ಬಿಗಿ ಭದ್ರತೆಯಿಂದ ಸಾಗಿದ ಮತದಾನವು ಯಾವುದೇ ಗೊಂದಲವಿಲ್ಲದೆ ನಡೆಯಿತ್ತು. ಇತ್ತ ಕರಾವಳಿಯ ಕೆಲವು ಕ್ಷೇತ್ರದಲ್ಲ್ಲಿ ನಕಲಿ ಮತದಾನದ ಆರೋಪವು ಕೇಳಿಬಂದಿತ್ತು. ಜೊತೆಗೆ ಪರಿಸ್ಥಿತಿ ಸ್ವಲ್ಪ ಬಿಗಾಡಯಿಸಿತ್ತು.
ಇಂದು ಆಯಾ ಜಿಲ್ಲೆಯ ಚುನಾವಣಾಧಿಕಾರಿಗಳು, ಚುನಾವಣೆ ಕಾರ್ಯಗಳು ನಿರಾಳವಾಗಿ ನಡಿದಿದ್ದಕ್ಕೆ, ಅದಕ್ಕಾಗಿ ಶ್ರಮಿಸಿದ ಪ್ರತಿಯೊಬ್ಬರಿಗೂ ಧನ್ಯವಾದಗಳನ್ನು ಅರ್ಪಿಸುತ್ತಿದ್ದಾರೆ. ಇಂದು ಆಯಾ ಜಿಲ್ಲೆಯ ಜಿಲ್ಲಾಡಳಿತ ಮತ್ತು ಸ್ವೀಫ್ ಸಮಿತಿಯ ಪರಿಶ್ರಮದ ಫಲಿತಾಂಶ ನಿನ್ನೆನೇ ಎಲ್ಲರಿಗೂ ತಿಳಿಯುವಂತಾಗಿದೆ.
ಇದೀಗ ಬಹಳ ನೀರಿಕ್ಷೆಯಿಂದ ಕಾಯುತ್ತಿರುವುದು ಕಗ್ಗಂಟಾಗಿರುವ ಅಭ್ಯರ್ಥಿಗಳ ಫಲಿತಾಂಶದ ಕಡೆಗೆ .ರೋಡ್ ಶೋ, ತಾರಾ ಮೆರುಗು, ಅಬ್ಬರದ ಪ್ರಚಾರ,ಆರೋಪ,ವಾಗ್ದಾಳಿ, ಆಣೆ ಪ್ರಮಾಣ,ಆಶ್ವಾಸನೆ ಇವೆಲ್ಲದರ ಫಲಿತಾಂಶಕ್ಕಾಗಿ ಕಾದು ಕೂತ್ತಿದ್ದಾರೆ ನಡುವೆ ಕರುನಾಡ ಜನ.