ಇತ್ತೀಚೆಗೆ ವಯಸ್ಸಿನ ಭೇದವಿಲ್ಲದೇ ಬಿಳಿ ಕೂದಲು ಸಮಸ್ಯೆ ಹೆಚ್ಚಾಗುತ್ತಿದೆ. ಆರೋಗ್ಯ ಪದ್ಧತಿ, ಜೀವನಶೈಲಿ, ವಿಟಮಿನ್ ಕೊರತೆ ಹೀಗೆ ಹಲವಾರು ಕಾರಣಗಳಿಂದಾಗಿ ಬಿಳಿ ಕೂದಲಿನ ಸಮಸ್ಯೆ ಕಾಣಿಸಿಕೊಳ್ಳುತ್ತಿದೆ. ನಮ್ಮ ಕೂದಲು ಬೇಗನೇ ಬಿಳಿಯಾಗಬಾರದೆಂದರೆ ಈ ರೀತಿಯ ಉಪಾಯಗಳನ್ನು ಅನುಸರಿಸುವುದು ಉತ್ತಮ.
ಮನೆಯಲ್ಲೇ ಇರುವ ಪದಾರ್ಥಗಳನ್ನು ಉಪಯೋಗಿಸಿಕೊಂಡು ಬಿಳಿ ಕೂದಲು ಬರದಂತೆ ತಡೆಯಬಹುದು. ಒಂದು ಆಯುರ್ವೇದ ಎಣ್ಣೆಯಿಂದ ಈ ಬಿಳಿ ಕೂದಲು ಬರದಂತೆ ಮಾಡಬಹುದು.
ಎಣ್ಣೆ ತಯಾರಿಸುವುದು ಹೇಗೆಂದರೆ ಮೊದಲಿಗೆ ಒಲೆ ಹಚ್ಚಿ, ಒಂದು ಪಾತ್ರೆಗೆ 1 ರಿಂದ 2 ಕಪ್ ತೆಂಗಿನೆಣ್ಣೆ ಸುರಿಬೇಕು. ಅದು ಬಿಸಿಯಾದಾಗ, ಒಂದು ಹಿಡಿ ಕರಿಬೇವಿನ ಸೊಪ್ಪು ಹಾಕಿ. ಬಳಿಕ ಕತ್ತರಿಸಿ ಇಟ್ಟುಕೊಂಡ ನೆಲ್ಲಿಕಾಯಿ ಹಾಕಿ. ಎಲೆಗಳು & ಎಣ್ಣೆ ಕಪ್ಪಾಗುವವರೆಗೆ ಚೆನ್ನಾಗಿ ಕುದಿಸಬೇಕು. ಬಳಿಕ ಸ್ವವ್ ಆಫ್ ಮಾಡಿ ಈ ಎಣ್ಣೆಯನ್ನು ತಣ್ಣಗಾಗಲು ಬಿಡಿ. ನಂತರ ಒಂದು ಗಾಜಿನ ಬಾಟಲಿಗೆ ಶೋಧಿಸಿ ಇಟ್ಟುಕೊಳ್ಳಿ.
ತೆಂಗಿನ ಎಣ್ಣೆಯ ಕೊಬ್ಬಿನಾಮ್ಲಗಳು ಮತ್ತು ವಿಟಮಿನ್ಗಳನ್ನು ಹೊಂದಿದೆ. ಅದರಿಂದ ಕೂದಲು ದಟ್ಟವಾಗಿ ಮತ್ತು ಆರೋಗ್ಯಕರವಾಗಿ ಕಾಣಲು ಸಹಾಯ ಮಾಡುತ್ತದೆ.
ಕರಿಬೇವಿನ ಎಲೆಗಳು ರೋಗ ನಿರೋಧಕ ಮತ್ತು ಪ್ರೋಟೀನ್ಗಳಲ್ಲಿ ಸಮೃದ್ಧವಾಗಿವೆ. ಅದು ಸ್ವತಂತ್ರ ರಾಡಿಕಲ್ಗಳನ್ನು ತಟಸ್ಥಗೊಳಿಸುತ್ತದೆ ಮತ್ತು ಕೂದಲನ್ನು ಆರೋಗ್ಯಕರವಾಗಿ ಮತ್ತು ಬಲವಾಗಿಸುತ್ತದೆ.
ನೆತ್ತಿಯ ತುರಿಕೆಯನ್ನು ತೊಡೆದುಹಾಕುವುದರಿಂದ ಹಿಡಿದು, ಬಿಳಿ ಕೂದಲನ್ನು ಹಿಮ್ಮೆಟ್ಟಿಸುವವರೆಗೆ ಮತ್ತು ಕೂದಲು ಉದುರುವಿಕೆಯಿಂದ ಹಿಡಿದು ತೆಳು ಕೂದಲ ವಿರುದ್ಧ ಹೋರಾಡುವವರೆಗೆ, ಕರಿಬೇವಿನ ಎಲೆಗಳು ಅಸಂಖ್ಯಾತ ಪ್ರಯೋಜನಗಳನ್ನು ನೀಡುತ್ತದೆ.
ಕರಿಬೇವಿನ ಎಲೆಗಳಲ್ಲಿರುವ ವಿಟಮಿನ್ ಬಿ, ಬೇರುಗಳನ್ನು ಪೋಷಿಸುವ ಮತ್ತು ಬಲಪಡಿಸುವ ಮೂಲಕ ಕೂದಲಿನ ಬಣ್ಣವನ್ನು ಪುನಃಸ್ಥಾಪಿಸಲು ಸಹಾಯ ಮಾಡುತ್ತದೆ
ಆಯುರ್ವೇದದ ಪ್ರಕಾರ, ಅವಧಿಗಿಂತ ಮುಂಚೆ ಕೂದಲು ಬಿಳಿಯಾಗುವುದು ಸಾಮಾನ್ಯವಾಗಿ ದೇಹದಲ್ಲಿನ ಹೆಚ್ಚುವರಿ ಪಿತ್ತದಿಂದಾಗಿ. ನೆಲ್ಲಿಕಾಯಿ ನೈಸರ್ಗಿಕ ಪಿತ್ತದ ಸ್ಥಿತಿಯನ್ನು ಸರಿಪಡಿಸಲು ಇದು ಅತ್ಯುತ್ತಮ ಪರಿಹಾರವಾಗಿದೆ, ಇದು ಬಿಳಿ ಬಣ್ಣವನ್ನು ಕಡಿಮೆ ಮಾಡುತ್ತದೆ. ಈ ಅದ್ಭುತ ಆಯುರ್ವೇದ ಎಣ್ಣೆ ಕೂದಲು ಸೊಂಪಾಗಿ ಬೆಳೆಯುವಂತೆ ಮಾಡುತ್ತದೆ.