ವಿಶ್ವ ಪುಸ್ತಕ ದಿನದ ಇಂದಿನ ವಿಶೇಷ ದಿನದಲ್ಲಿ, ಪುಸ್ತಕ ಓದುವ ಹವ್ಯಾಸ ಮಕ್ಕಳಲ್ಲಿ ಬೆಳೆಸುವ ಬಗ್ಗೆ ನೋಡೋಣ.ಸುಮಾರು 80 -90 ರ ದಶಕದ ಮಕ್ಕಳ ಬಾಲ್ಯ ಕೇಳಿದರೆ, ಹೆಚ್ಚಿನ ಮಕ್ಕಳು 70% ಸಮಯ ಆಟ, ಸ್ವಲ್ಪ ಪಾಠ ಸಂಜೆ ಮಲಗುವ ಮೊದಲು ಅಜ್ಜ ಅಥವಾ ಅಜ್ಜಿಯ ಬಳಿ ಕಥೆ ಕೇಳಿ ಮಲಗುತ್ತಿದ್ದ ಕಾಲ. ಅಮೆಜಾನ್ ಪ್ರೈಮ್, ನೆಫ್ಲಿಕ್ಸ್ ಸಬ್ಸ್ಕ್ರೈಪ್ಶನ್ ಬದಲು ಚಂದಮಾಮ, ತುಂತುರು ಪುಸ್ತಕಗಳಿಗೆ ಸಬ್ಸ್ಕ್ರೈಪ್ಶನ್ ಆಗ್ತಿದ್ದ ಕಾಲ. ಹಾಗೆಯೇ ನಾವು ಕತೆಕೇಳ್ತಾ, ಪುಸ್ತಕ ಓದುತ್ತಾ ನಮಗರಿವಿಲ್ಲದೆಯೇ ಓದುವ ಹವ್ಯಾಸ ಬೆಳೆಸಿಕೊಂಡಿದ್ದೆವು.
ಇವಾಗೆಲ್ಲ ಮಕ್ಕಳು ಪುಸ್ತಕ ಅಂತ ಹಿಡಿಯೋದು ಸಿಲೆಬಸ್ ಮುಗಿಸೋಕೆ ಅನ್ನೋದು ಸುಳ್ಳಲ್ಲ.
ಮಕ್ಕಳ ಓದುವ ಹವ್ಯಾಸ, ಮೊಬೈಲ್ ಟ್ಯಾಬ್ ಗಳಿಗೆ ಮೀಸಲಾಗಿದೆ.
ಓದುವ ಹವ್ಯಾಸ ಹತ್ತು ಹಲವಾರು ಪ್ಲಸ್ ಗಳಿಗೆ ನಾಂದಿ ಹಾಡುತ್ತದೆ.ಹೆಚ್ಚಿನ ಹೊತ್ತು ಓದುವುದಕ್ಕೆ ಕುಳಿತುಕೊಳ್ಳುವುದರಿಂದ ಏಕಾಗ್ರತೆ ಹೆಚ್ಚುತ್ತದೆ. ಮಕ್ಕಳ ವಾಕ್ಯಾಬೂಲರಿ, ಉಚ್ಚರಣೆ ಮಟ್ಟ ಹೆಚ್ಚುತ್ತದೆ.
ಹಾಗಾದರೆ ಓದುವ ಹವ್ಯಾಸವನ್ನು ಹೆಚ್ಚಿಸುವುದು ಹೇಗೆ?
1. ಆಸಕ್ತಿಯ ಮೇಲೆ ನಿರ್ಧರಿಸಿ ಎಲ್ಲಾ ಮಕ್ಕಳಲ್ಲೂ ಓದುವ ಆಸಕ್ತಿ ಇರುವುದಿಲ್ಲ. ಹಾಗಾಗಿ ಒತ್ತಾಯಪೂರ್ವಕವಾಗಿ ಓದಿಸುವುದು ಒಳ್ಳೇದಲ್ಲ.ಹಾಗಾಗಿ ಓದಿಸುವ ಮೊದಲು ಎಷ್ಟು, ಹೇಗೆ ಎಂಬುದು ಪೋಷಕರಿಗೆ ಅರಿವಾಗುವುದು ಅಗತ್ಯ. ತುಂಬಾ ಹೊತ್ತು ಕುಳಿತು ಓದುವುದು ಒಂದು ಕಲೆ. ಇದರಲ್ಲಿ ಆಸಕ್ತಿ ಇಲ್ಲದ ಮಕ್ಕಳಿಗೆ ಸಣ್ಣ ಕತೆ, ಚುಟುಕು, ಒಗಟು ಮುಂತಾದವುಗಳನ್ನು ನೀಡುವುದು ಒಳ್ಳೆಯದು.
2.ಕಥೆ ಹೇಳುವ ಹವ್ಯಾಸ ಬೆಳೆಸಿಕೊಳ್ಳಿ
ಈಗಿನ ಹೆಚ್ಚಿನ ಪೋಷಕರು ಕೆಲಸದ ನಿಟ್ಟಿನಲ್ಲಿ ಬಿಡುವು ಎಂಬ ಪದಕ್ಕೆ ಬಹಳ ದೂರವಾಗಿರುತ್ತಾರೆ. ಆದ್ರೂ ಕೆಲವೊಂದು ಸಲ ಅವ್ರಿಗೂ ಗಿಲ್ಟ್ ಇರುತ್ತೆ ಮಕ್ಕಳಿಗೆ ಸಮಯ ಕೊಡದ ವಿಷ್ಯದಲ್ಲಿ, ಹಾಗಾಗಿ ಒಂದು ಐದು ನಿಮಿಷ ಸಿಕ್ಕಿದ್ರು, ಮಕ್ಕಳಿಗೆ ಸಣ್ಣ ಕಥೆಗಳನ್ನು ಸ್ವಾರಸ್ಯಭರಿತವಾಗಿ ಹೇಳಿ. ಮಲಗುವ ಸಮಯದಲ್ಲಾದರೆ ತುಂಬಾ ಒಳಿತು. ಮುಂದೇನು ಎಂಬುದನ್ನು ತಿಳಿದಿಕೊಳ್ಳಲು ಪುಸ್ತಕದ ಹೆಸರು ಹೇಳಿ, ಅವ್ರಿಗೆ ಕೌತುಕವಿದ್ದರೆ ಖಂಡಿತ ಪುಸ್ತಕ ಓದಿಯೇ ಓದುತ್ತಾರೆ.
3. ಸ್ಲಾಮ್ ಬುಕ್ ತಯಾರಿಸಲು ಉತ್ತೇಜನ ನೀಡಿ
ಸಾಮಾನ್ಯವಾಗಿ ಮಕ್ಕಳು ಆರ್ಟ್ /ಕ್ರಾಫ್ಟ್ ಮಾಡಲು ಉಸ್ತುಕರಾಗಿರುತ್ತಾರೆ. ಸ್ಲಾಮ್ ಬುಕ್ ಕಾರ್ಡ್ಬೋರ್ಡ್ ಅಥವಾ ಬಣ್ಣದ ಕಾಗದಗಳಿಂದ ತಯಾರಿಸಬಹುದು. ಅದರಲ್ಲಿ ಚಿತ್ರಗಳು /ಫೋಟೋ ಅಂಟಿಸಿ, ಅದರ ಬಗ್ಗೆ ಬರೆಯಲೋ ಅಥವಾ ಕ್ಯಾಪ್ಶನ್ ನೀಡಲು ಪುಸ್ತಕದ ಸಹಾಯ ಬಳಸಬಹುದು.
4. ಮನೆಯಲ್ಲಿ ಸಣ್ಣ ಗ್ರಂಥಾಲಯ ರಚಿಸಿ
ಮಕ್ಕಳಿಗೆ ವಿಶೇಷ ಸಂದರ್ಭದಲ್ಲಿ ಇತರ ಉಡುಗುರೆಗಳ ಬದಲು ಪುಸ್ತಕ ಕೊಡಿ. ವಿಶೇಷವಾಗಿ ಹುಟ್ಟುಹಬ್ಬ, ಅಥವಾ ಏನಾದರೂ ಸಾದಿಸಿದ ಸಂದರ್ಭದಲ್ಲಿ (ಯಾವಾಗಲೂ ಬೇಡ ) ಮಾತ್ತು ಆ ಪುಸ್ತಕವನ್ನು ಓದಿ, ಅದರ ಬಗ್ಗೆ ವಿವರಣೆಯನ್ನು ಕೇಳಿ (ಒತ್ತಾಯ ಬೇಡ ).
5. ನೀವು ಪುಸ್ತಕಗಳನ್ನು ಓದಿ
ಹೌದು. ಮಕ್ಕಳು ಕೇಳಿ ಕಲಿಯುವುದಕ್ಕಿಂತ ನೋಡಿ ಕಲಿಯುವುದು ಹೆಚ್ಚು. ನೀವು ಓದುವುದನ್ನು ಅಭ್ಯಾಸ ಮಾಡಿಕೊಂಡರೆ, ಅವರು ಅದನ್ನು ಮುಂದುವರೆಸುತ್ತಾರೆ. ಪುಸ್ತಕ ಓದುವ ಮೌಲ್ಯದ ಬಗ್ಗೆ ಅವ್ರಿಗೆ ವಿವರಿಸುತ್ತಿರಿ.
ಪುಸ್ತಕಗಳಿಗಿಂತ ದೊಡ್ಡ ಗೆಳೆಯರಿಲ್ಲ, ಅದರಲ್ಲಿ ಸಿಗುವ ಜ್ಞಾನ ಅಪಾರ. ಹಾಗಾಗಿ ಹೆಚ್ಚಾಗಿ ಮಕ್ಕಳು ಮೊಬೈಲ್ ಬಳಸದಂತೆ ತಡೆಯಲು ಚಟುವಟಿಕೆಯ ಪುಸ್ತಕಗಳಿಗೆ ಮೊದಲು ಆದ್ಯತೆ ನೀಡಿ