ನವದೆಹಲಿ: ನವಹೆದಲಿ ಕೆ3ಯಲ್ಲಿ ಅಲ್ ಸೌಕ್ ಅರೇಬಿಕ್ ಆಹಾರ ಮೇಳ ನಡೆಯಲಿದ್ದು ಇದನ್ನು ಮ್ಯಾರಿಯಟ್ ಪ್ರಸ್ತುತ ಪಡಿಸುತ್ತಿದೆ. ಈ ರೆಸ್ಟೋರೆಂಟ್ ನಿಮ್ಮನು ಮಿಡಲ್ ಈಸ್ಟ್ನ ಬೀದಿಗಳಲ್ಲಿ ಕೊಂಡ್ಯೊಯುತ್ತದೆ. ಈ ಮೇಳವನ್ನು ಆಯೋಜಿಸಿರುವ ಚೇಫ್ ಅಮ್ಜದ್ ಅವರು ಈ ಹಿಂದೆ ಪ್ಯಾಲೆಸ್ಟೈನ್ ನ ಹೆಸರಾಂತ ಮಿಡಲ್ ಈಸ್ಟ್ ರೆಸ್ಟೋರೆಂಟ್ನ್ನು ನಡೆಸಿದ್ದಾರೆ. ಹಾಗೆಯೇ ಅವರು ಲೆವಾಂಟೈನ್ ಮತ್ತು ಉತ್ತರ ಆಫ್ರಿಕನ್ ಪಾಕಪದ್ಧತಿಯನ್ನು ಪರಿಣಿತರಾಗಿದ್ದು, ವಿವಿಧ ರೀತಿಯ ರುಚಿಯನ್ನು ಈ ಉತ್ಸವದಲ್ಲಿ ಉಣ ಬಡಿಸಲಿದ್ದಾರೆ.
ನಿಮ್ಮ ಬಾಯಿಯಲ್ಲಿ ನೀರುರೂರಿಸುವಂತಹ ಷಾವರ್ಮಾ ಮತ್ತು ಲೆವಾಂಟೈನ್ ಮೆಜ್ಜೆ ಮತ್ತು ಕೊಶಾರಿ, ಮೊಲೌಖ್ಯ, ಮಕ್ಲೌಬಾ ಮತ್ತು ವಾರಕ್ ಎನಾಬ್ನಂತಹ ಹೊಸ ಬಗೆಯ ರುಚಿಯು ಈ ಮೇಳದಲ್ಲಿ ದೊರೆಯಲಿದೆ.
ಪ್ರತಿಯೊಂದು ಖಾದ್ಯವನ್ನು ಅತ್ಯುತ್ತಮವಾದ ಪದಾರ್ಥಗಳೊಂದಿಗೆ ಶುಚಿತ್ವದಿಂದ ತಯಾರಿಸಲಾಗುತ್ತದೆ ಮತ್ತು ಸುಮಾಕ್, ಝೀಟ್ ಮತ್ತು ಝಾತಾರ್ನ ಸುವಾಸನೆಯನ್ನು ತುಂಬಿಸಲಾಗುತ್ತದೆ, ಜನರು ಇನ್ನೂ ಹೆಚ್ಚಿನ ಖಾದ್ಯಕ್ಕಾಗಿ ಹಾತೊರೆಯುವಂತೆ ಇದರ ಸುವಾಸನೆಯು ಮಾಡುತ್ತದೆ.
ರುಚಿಕರವಾದ ಆಹಾರದ ಜೊತೆಗೆ, ಮಧ್ಯಪ್ರಾಚ್ಯ ರುಚಿಯ ವಿಶೇಷ ಪಾನೀಯಗಳು ಈ ಉತ್ಸವದಲ್ಲಿ ದೊರೆಯುತ್ತದೆ. ಆದ್ದರಿಂದ ಈ ಅದ್ಭುತವಾದ ಪಾಕಶಾಲೆಯ ರುಚಿ ನೋಡುವುದನ್ನು ಮರಿಯಬೇಡಿ.
ದೆಹಲಿಯ ಕೆ3 ನಲ್ಲಿ ಅಲ್ ಸೌಕ್ನ ಮೊದಲ ಆವೃತ್ತಿಯ ಅರೇಬಿಕ್ ಆಹಾರ ಉತ್ಸವು ದಿನಾಂಕ ಏಪ್ರಿಲ್ 18 ರಿಂದ ಮೇ 14, 2023ರಂದು ಸಮಯ ಪ್ರತಿದಿನ ಸಂಜೆ 7 ರಿಂದ ರಾತ್ರಿ 11 ಗಂಟೆಯ ವರೆಗೆ ಮತ್ತು ಭಾನುವಾರ ಮಧ್ಯಾಹ್ನ12.30 ರಿಂದ 3 ಗಂಟೆಯ ವರೆಗೆ ನಡೆಯಲಿದ್ದು, ಮಧ್ಯಪ್ರಾಚ್ಯ ಪಾಕಪದ್ಧತಿಯಲ್ಲಿ ಪರಿಣಿತರಾದ ಚೆಫ್ ಅಮ್ಜದ್ ಅವರಿಂದ ಕ್ಯುರೇಟೆಡ್, ಲೆವಾಂಟೈನ್ ಮತ್ತು ಉತ್ತರ ಆಫ್ರಿಕಾದ ಸುವಾಸನೆಗಳಿಂದ ಕೂಡಿದ ರುಚಿಕರವಾದ ಭಕ್ಷ್ಯಗಳ ಹಾಗೂ ಮಧ್ಯಪ್ರಾಚ್ಯ ರುಚಿಗಳಿಗೆ ಪೂರಕವಾಗಿರುವ ವಿಶೇಷವಾದ ಸುವಾಸನೆ, ಪರಿಮಳ ಬಣ್ಣಗಳಿಂದ ಕೂಡಿರುವ ಕಾಕ್ಟೇಲ್ಗಳನ್ನು ಸವಿಯಬಹುದು.
ದೆಹಲಿಯ ಕೆ3ಯಲ್ಲಿ ನೀವು ವಿಶೇಷವಾದ ಮತ್ತು ವಿಭಿನ್ನವಾಧ ಆಹಾರದ ರುಚಿಯನ್ನು ಸವಿಯಬಹುದು. ಮೆಡಿಟೆರೀಯನ್ , ಏಷ್ಯನ್ ಮತ್ತು ಭಾರತೀಯ ಬಾಣಸಿಗರಿಂದ ವೈವಿಧ್ಯಮಯವಾಗಿ ಇರುವ ಆಹಾರಗಳನ್ನು ನೀವು ಆಯ್ಕೆ ಮಾಡಬಹುದು.
ಪ್ರಶಸ್ತಿ ವಿಜೇತ ರೆಸ್ಟೋರೆಂಟ್ನಲ್ಲಿ ಸಂಗೀತಾ ಮನೋರಂಜನೆಯೊಂದಿಗೆ ನಿಮ್ಮ ಭಾನುವಾರದ ಸಂಜೆಯನ್ನು ಕಳೆಯಬಹುದು. ಸಿಹಿ ಪದಾರ್ಥಗಳು ವಿಭಿನ್ನ ರುಚಿಯಲ್ಲಿ ದೊರೆಯಲಿದ್ದು, ಸ್ಪಿರಿಟ್ಗಳು ಮತ್ತು ಕಾಕ್ಟೇಲ್ಗಳನ್ನು ಸವಿಯುತ್ತಾ ಆನಂದಿಸಬಹುದು.