ರೇಡಿಯೊ, ಪತ್ರಿಕೆಗಳು, ದೂರದರ್ಶನ, ಮೊಬೈಲ್, ಗಣಕಯಂತ್ರ ಇವೆಲ್ಲಾ ಮಾದ್ಯಮಗಳು ಪ್ರಸ್ತುತ ದಿನಮಾನಗಳಲ್ಲಿ ಮಹತ್ವ ಪಡೆದಿವೆ. ಆಲ್ ಇಂಡಿಯಾ ರೇಡಿಯೋ(AIR) ಎಂದು ಸಂಕ್ಷಿಪ್ತಸಲಾಗಿದೆ. ರೇಡಿಯೋ ವಿಶ್ವದ ಅತಿ ದೊಡ್ಡ ರೇಡಿಯೋ ನೆಟ್ ವರ್ಕ್ ಎಂದು ಖ್ಯಾತಿ ಪಡೆದಿದೆ. ಆಕಾಶವಾಣಿಯು ದೇಶದಾದ್ಯಂತ ಹಲವಾರು ಪ್ರಸಾರ ಸಂಸ್ಥೆಗಳನ್ನು ಹೊಂದಿದೆ. ರೇಡಿಯೋ ಆಧುನಿಕ ಜೀವನದ ಮೇಲೆ ನಿರಂತರ ಪ್ರಭಾವವನ್ನು ಹೊಂದಿದೆ. ಸಾಮೂಹಿಕ ಮಾಧ್ಯಮಗಳಲ್ಲಿ ರೇಡಿಯೋಗೆ ಪ್ರಮುಖ ಸ್ಥಾನವಿದೆ.
ಹಾಗಾಗಿ ವಿಶ್ವದೆಲ್ಲೆಡೆ ಪ್ರತಿ ವರ್ಷವು ಫೆಬ್ರವರಿ 13ರಂದು ವಿಶ್ವ ರೇಡಿಯೋ ದಿನವನ್ನು ಆಚರಿಸಲಾಗುತ್ತದೆ. ಅಂದಿನಿಂದ ಇಂದಿನವರೆಗೂ ರೇಡಿಯೋ ಮಾತ್ರ ಅಗ್ರ ಸ್ಥಾನದಲ್ಲಿದೆ. ಏಕೆಂದರೆ ಆಗ ರೇಡಿಯೋ ಜನರ ಜೀವನಾಡಿಯಾಗಿತ್ತು, ಅವರ ಬದುಕಿನುದ್ದಕ್ಕೂ ರೇಡಿಯೋದಲ್ಲಿ ಬರುವ ಸುದ್ದಿ ಮತ್ತು ಕಾರ್ಯಕ್ರಮಗಳು ಕೇಳುತ್ತಾ ಇದ್ದರು. ಆದರೆ ಇಂದು ತಂತ್ರಜ್ಞಾನಗಳ ಆವಿಷ್ಕಾರದಿಂದಾಗಿ ರೇಡಿಯೋ ಬಳಕೆಯು ಕಡಿಮೆಯಾಗಿದೆ. ಬದಲಾಗಿ ಟಿವಿ ಸ್ಮಾರ್ಟ್ ಫೋನ್ ಗಳು ತಲೆ ಎತ್ತಿವೆ. ಆದರೆ ಜಾಗತಿಕವಾಗಿ ಸಾಮೂಹಿಕ ಮಾಧ್ಯಮಗಳಲ್ಲಿ ರೇಡಿಯೋ ಮೊದಲ ಸ್ಥಾನ ದಲ್ಲಿದೆ. ಹೀಗಾಗಿ ಪ್ರತೀ ವರ್ಷ ಫೆಬ್ರವರಿ ೧3ರಂದು ವಿಶ್ವ ರೇಡಿಯೋ ದಿನವನ್ನು ಆಚರಿಸಲಾಗುತ್ತದೆ.
ಆಕಾಶವಾಣಿ ಕಾರ್ಯಕ್ರಮಗಳಲ್ಲಿ ಕಲೆ, ಸಂಗೀತ, ಸಾಹಿತ್ಯ, ಸಂಸ್ಕೃತಿ, ಕೈಗಾರಿಕೆ, ವಿಜ್ಞಾನ, ರಾಜಕೀಯ, ಶಿಕ್ಷಣ, ಕೃಷಿ ಅನೇಕ ಕ್ಷೇತ್ರ ದಲ್ಲಿ ಸ್ಥಾನವಿದೆ. ಕೃಷಿಕರಿಗೆ ಅನುಕೂಲಕರವಾದ ಅನೇಕ ಅಂಶಗಳನ್ನು ಕುರಿತು ಪ್ರತಿದಿನ ಕಾರ್ಯಕ್ರಮಗಳು ಪ್ರಸಾರವಾಗುತ್ತವೆ. ಯುವಜನರು, ಮಹಿಳೆಯರು, ವಿದ್ಯಾರ್ಥಿಗಳು, ಕಾರ್ಮಿಕರು, ವಿಶೇಷ ಕಾರ್ಯಕ್ರಮಗಳನ್ನು ಪ್ರಸಾರ ಮಾಡಲಾಗುತ್ತಿದೆ. ಮನರಂಜನೆ ಒದಗಿಸುವ ದೃಷ್ಟಿಯಿಂದ ಸಂಗೀತ, ನಾಟಕ ಚಲನಚಿತ್ರ ಪ್ರಸಾರಕ್ಕೆ ಮೊದಲ ಸ್ಥಾನ ನೀಡಲಾಗುತ್ತದೆ.