ಬೆಂಗಳೂರು: ಅಡುಗೆಮನೆ ಬಳಕೆಯ ಉಪಕರಣಗಳಲ್ಲಿ ದೇಶದ ಜನಪ್ರಿಯ ಬ್ರಾಂಡ್ ಆಗಿರುವ ಬೆಂಗಳೂರು ಮೂಲದ ಸ್ಟೋವ್ಕ್ರಾಫ್ಟ್ ತನ್ನ ನೂತನ ಮಿಕ್ಸರ್ ಗ್ರೈಂಡರ್ ‘ಪಿಜನ್ ನ್ಯೂಟ್ರಿ ಮಿಕ್ಸರ್ 900’ ಅನ್ನು ಗುರುವಾರ ಮಾರುಕಟ್ಟೆಗೆ ಬಿಡುಗಡೆಗೊಳಿಸಿದೆ. ಇದು ಭಾರತದ ಮೊದಲ ಆಲ್-ಇನ್-ಒನ್ ಮಿಕ್ಸಿಂಗ್-ಜ್ಯೂಸಿಂಗ್-ಬ್ಲೆಂಡಿಂಗ್-ಗ್ರೈಂಡಿಂಗ್ ಸಿಸ್ಟಮ್ ಆಗಿದ್ದು ಈ ನವೀನ ನ್ಯೂಟ್ರಿ ಮಿಕ್ಸರ್ 900 ವಾಟ್ ಗಳ ಶಕ್ತಿಶಾಲಿ ಮೋಟಾರ್ ಒಳಗೊಂಡಿದ್ದು ಸಮಯ ಮತ್ತು ಹಣವನ್ನೂ ಉಳಿಸಬಯಸುವವರಿಗೆ ಅತ್ಯುತ್ತಮ ಆಯ್ಕೆಯಾಗಿದೆ ಎಂದು ಕಂಪೆನಿ ಹೇಳಿದೆ.
ನೂತನ ಉತ್ಪನ್ನ ಬಿಡುಗಡೆಗೊಳಿಸಿ ಮಾತನಾಡಿದ ಸ್ಟೋವ್ಕ್ರಾಫ್ಟ್ ಲಿಮಿಟೆಡ್ ನ ವ್ಯವಸ್ಥಾಪಕ ನಿರ್ದೇಶಕರಾದ ರಾಜೇಂದ್ರ ಗಾಂಧಿ ಅವರು ಮಾತನಾಡಿ “ಇಂದಿನ ವೇಗದ ಆಧುನಿಕ ಜೀವನಶೈಲಿಯಲ್ಲಿ, ಅಡುಗೆಮನೆಯಲ್ಲಿ ಸಮರ್ಥ ಮತ್ತು ದಕ್ಷತೆಯಿಂದ ಕೆಲಸ ಮಾಡುವ ಉಪಕರಣಗಳ ಪಾತ್ರ ದೊಡ್ಡದಾಗಿದೆ. ಏಕೆಂದರೆ ನೂತನ ಅವಿಷ್ಕಾರಗಳ ಕಾರಣದಿಂದಾಗಿ ಮಾನವ ಶ್ರಮ ಮತ್ತು ಸಮಯ ಉಳಿತಾಯವಾಗುತ್ತಿದೆ. ನ್ಯೂಟ್ರಿ ಮಿಕ್ಸರ್ 900-ವ್ಯಾಟ್ ಅಲ್ಟ್ರಾ-ಹೈ-ಸ್ಪೀಡ್ ಮೋಟರ್ ಅನ್ನು ಹೊಂದಿದ್ದು, ಸೆಕೆಂಡ್ ಗಳಲ್ಲಿಯೇ ಮಿಶ್ರಣ, ಜ್ಯೂಸಿಂಗ್, ಬ್ಲೆಂಡಿಂಗ್ ಮತ್ತು ಗ್ರೈಂಡಿಂಗ್ನಂತಹ ವಿವಿಧ ಕಾರ್ಯಗಳನ್ನು ನಿರ್ವಹಿಸುವ ಸಾಮರ್ಥ್ಯವನ್ನು ಹೊಂದಿದೆ.
ಸಾಮಾನ್ಯವಾಗಿ ಮಾರುಕಟ್ಟೆಯಲ್ಲಿ ಈಗಿರುವ ಮಿಕ್ಸರ್ ಗ್ರೈಂಡರ್ ಗಳಲ್ಲಿ ಹೆಚ್ಚಿನ ಲೋಡ್ ನೀಡಿದಾಗ ಬಿಸಿಯಾಗುವುದು , ದ್ರವ ಪದಾರ್ಥಗಳ ಸೋರಿಕೆ ರೀತಿಯ ಸಮಸ್ಯೆ ಕೆಲವೊಮ್ಮೆ ಕಂಡು ಬರುತ್ತದೆ. ಆದರೆ ಪಿಜನ್ ಉತ್ಪನ್ನದಲ್ಲಿ ಮೂರು ರೀತಿಯ ಉತ್ಕೃಷ್ಟ ದರ್ಜೆಯ ಜಾರ್ ಗಳನ್ನು ತಯಾರು ಮಾಡಲಾಗಿದ್ದು ಈ ಜಾರ್ ಗಳು ತಿರುಪನ್ನು ಹೊಂದಿರುವುದರಿಂದ ಒಮ್ಮೆ ಮುಚ್ಚಳ ಬಿಗಿಗೊಳಿಸಿದರೆ ನುಣ್ಣಗಾಗುವವರೆಗೂ ಒಂದೇ ಹನಿ ದ್ರವ ಹೊರ ಚೆಲ್ಲುವುದಿಲ್ಲ. ಅಲ್ಲದೆ ಶಕ್ತಿಶಾಲಿ ಬ್ಲೇಡ್ ಗಳನ್ನು ಅಳವಡಿಸಿರುವ ಕಾರಣದಿಂದ ಅತೀ ಕಡಿಮೆ ಸಮಯ ಬಳಸಿ ನುಣ್ಣಗಾಗಿಸುತ್ತವೆ. ಇದರಿಂದಾಗಿ ವಿದ್ಯುತ್ ಉಳಿತಾಯ ಆಗಲಿದೆ ಎಂದರು.
ಬಹು ಮುಖ್ಯವಾಗಿ ಈ ಮಿಕ್ಸರ್ ಗ್ರೈಂಡರ್ ನ್ನು ಪದೆ ಪದೇ ಚಾಲನೆ ಮತ್ತು ಆಫ್ ಮಾಡುವ ಅವಶ್ಯಕತೆ ಇಲ್ಲ. ಏಕೆಂದರೆ ಮಿಕ್ಸರ್ ಜಾರ್ ನ್ನು ಇಟ್ಟು ಲಾಕ್ ಮಾಡಿದಾಗ ಮಿಕ್ಸರ್ ಓಡುತ್ತದೆ ಮತ್ತು ಲಾಕ್ ತಿರುಗಿಸಿದಾಗ ತನ್ನಿಂದ ತಾನೇ ಸ್ವಯಂಚಾಲಿತವಾಗಿ ಸ್ಥಗಿತಗೊಳ್ಳಲಿದೆ. ಅಲ್ಲದೆ ಮಿಕ್ಸರ್ ಚಾಲೂ ಇರುವಾಗ ಜಾರ್ ಮೇಲೆ ಕೈ ಇಟ್ಟುಕೊಂಡಿರಬೇಕಾದ ಅವಶ್ಯಕತೆ ಇಲ್ಲ. ಅಲ್ಲದೆ ಗರೈಂಡರ್ ತಳ ಭಾಗದಲ್ಲಿ ಅಳವಡಿಸಲಾಗಿರುವ ರಬ್ಬರ್ ನ ಹಿಡಿಕೆಗಳು ಸ್ಲಾಬ್ ಅಥವಾ ಟೇಬಲ್ ಮೇಲಿಟ್ಟಾಗ ಸ್ವಯಂ ಚಾಲಿತವಾಗಿ ಅಂಟಿಕೊಳ್ಳುತ್ತವೆ. ಹೀಗಾಗಿ ಚಾಲನೆಯ ಸಮಯದಲ್ಲಿ ಗ್ರೈಂಡರ್ ಅಲುಗಾಡುವುದಿಲ್ಲ ಎಂದು ಕಂಪೆನಿ ಹೇಳಿದೆ.
ಈ ಗ್ರೈಂಡರ್ ಬೆಲೆಯೂ ಮದ್ಯಮ ವರ್ಗದವರಿಗೆ ಕೈಗೆಟುಕುವಂತಿದ್ದು 4 ಸಾವಿರ ರೂಪಾಯಿಗಳ ಒಳಗಿದೆ ಎಂದು ಕಂಪೆನಿ ತಿಳಿಸಿದೆ.