ವಾಟ್ಸಾಪ್ ಅತ್ಯಂತ ಜನಪ್ರಿಯ ಹಾಗೂ ಅತೀ ಹೆಚ್ಚು ಬಳಕೆದಾರರಿರುವ ಸಾಮಾಜಿಕ ಮಾಧ್ಯಮಗಳ ಪೈಕಿ ಒಂದು. ಹೀಗಿದ್ದರೂ, ದಿನೇ ದಿನೇ ಹೊಸ ಹೊಸ ವೈಶಿಷ್ಟ್ಯಗಳನ್ನು ಪರಿಚಯಿಸುತ್ತಾ, ವಾಟ್ಸಾಪ್ ಅಪ್ಲಿಕೇಶನ್ ಸಂಪರ್ಣವಾಗಿ ಬಳಕೆದಾರ ಸ್ನೇಹಿ ಆ್ಯಪ್ ಆಗಿ ರೂಪುಗೊಳ್ಳುತ್ತಲೇ ಇದೆ. ಅದಕ್ಕೀಗೊಂದು ಸರ್ಪಡೆಯಾದ ಹೊಸ ವೈಶಿಷ್ಟ್ಯ ಚಾನಲ್!
ಏನಿದು? ಏನಿದರ ವಿಶೇಷತೆ? ಕಮ್ಯುನಿಟಿಗೂ ಚಾನಲ್ಗೂ ಏನು ವ್ಯತ್ಯಾಸ ಎಂಬುದನ್ನು ಇಲ್ಲಿ ತಿಳಿಯೋಣ!
ವಾಟ್ಸಾಪ್ ಚಾನಲ್ ಮೆಟಾ ಹೇಳುವಂತೆ ವಾಟ್ಸ್ಆ್ಯಪ್ ಚಾನೆಲ್ಗಳು ಬಳಕೆದಾರರು, ತಮಗೆ ಸಂಬಂಧಿಸಿದ ವಿಷಯಗಳನ್ನು, ಮಾಹಿತಿ ಅಪ್ಡೇಟ್ಗಳನ್ನು ವಾಟ್ಸ್ಆ್ಯಪ್ನಲ್ಲಿಯೇ ಸ್ವೀಕರಿಸಲು ಇರುವ ಒಂದು ಖಾಸಗಿ ಮರ್ಗವಾಗಿದೆ ವಾಟ್ಸಾಪ್ ಒಂದು ಜನಪ್ರಿಯ ಅಪ್ಲಿಕೇಶನ್ ಆದರೂ, ಚಾನಲ್ ವೈಶಿಷ್ಟ್ಯದಿಂದಾಗಿ, ಇದರ ಬಳಕೆಯ ಪ್ರಮಾಣವನ್ನು ವಿಸ್ತರಿಸುವ ಗುರಿಯನ್ನು ಮೆಟಾ ಹೊಂದಿದೆ.
ಇದುವರೆಗೆ, ವಾಟ್ಸಾಪ್ ಎಂದರೆ ನಮ್ಮ ಆಪ್ತರಿಗೆ ಸಂದೇಶ ಕಳುಹಿಸುವ ಹಾಗೂ ಅವರಿಂದ ಸಂದೇಶ ಪಡೆಯುವ ಒಂದು ಖಾಸಗಿ ಅಪ್ಲಿಕೇಶನ್ ಆಗಿತ್ತು. ಈಗಲೂ ಇದು ಹಾಗೇ ಇದ್ದರೂ, ಜನಪ್ರಿಯ ವ್ಯಕ್ತಿಗಳು, ನಮಗೆ ಆಸಕ್ತಿ ಇರುವ ವಿಷಯಗಳ ಬಗ್ಗೆ ಮಾಹಿತಿಗಳನ್ನು ಪಡೆಯಲು ಟೆಲಿಗ್ರಾಂ, ಇನ್ಸ್ಟಾಗ್ರಾಂ ಇತ್ಯಾದಿಗಳ ಮೊರೆ ಹೋಗಬೇಕಿತ್ತು. ಆದರೆ, ಅದರಲ್ಲಿ ಕೊಡೋ ಅಪ್ಡೇಟ್ಗಳನ್ನೇ ಇನ್ಮುಂದೆ ಸೆಲೆಬ್ರಿಟಿಗಳು ವಾಟ್ಸಾಪ್ನಲ್ಲಿಯೇ ತಮ್ಮ ಫಾಲೋವರ್ಗಳಿಗೆ ಕೊಡಬಹುದು. ವಾಟ್ಸಾಪ್ ಚಾನಲ್ ಒಂದು ವನ್-ವೇ ಬ್ರಾಡ್ಕಾಸ್ಟ್ ಟೂಲ್ ಆಗಿದ್ದು, ಚಾನಲ್ ಸೃಷ್ಟಿಸಿದವರು ಮಾತ್ರ ಸಂದೇಶಗಳನ್ನು ಕಳುಹಿಸಲು ಸಾಧ್ಯ. ಗ್ರೂಪ್ಗಳಲ್ಲಿರುವಂತೆ ಇದನ್ನು ಎಲ್ಲರಿಗೂ ಚಾಟಿಂಗ್ಗೆ ಓಪನ್ ಆಗಿ ಇಡಲು ಸಾಧ್ಯವಿಲ್ಲ. ಅದಲ್ಲದೇ, ನಿಮಗೆ ಇಷ್ಟ ಇರು ವ್ಯಕ್ತಿಯ ಚಾನಲ್ ಅಥವಾ ನಿಮ್ಮಿಷ್ಟದ ವಿಷಯಗಳ ಬಗ್ಗೆ ಮಾಹಿತಿ ಸಿಗುವ ಚಾನಲ್ ವಾಟ್ಸಾಪ್ನಲ್ಲಿದೆಯೇ ಎಂಬುದನ್ನೂ ನೀವು ಹುಡುಕಿ, ಫಾಲೋ ಮಾಡಬಹುದಾಗಿದೆ.
ವಾಟ್ಸಾಪ್ ಚಾನಲ್ ಸುರಕ್ಷತೆ
ವಾಟ್ಸಾಪ್ ಗ್ರೂಪ್ಗಳಲ್ಲಿ ಇರುವ ಸದಸ್ಯರೆಲ್ಲರ ಸಂಖ್ಯೆ. ಗ್ರೂಪ್ಗಳಲ್ಲಿ ಯಾರು ಇದ್ದಾರೆ ಎಂಬುದೆಲ್ಲವೂ ನಮಗೆ ಕಾಣುತ್ತದೆ. ಆದರೆ, ಚಾನಲ್ನಲ್ಲಿ ನಮ್ಮ ಯಾವುದೇ ಮಾಹಿತಿ ಬಹಿರಂಗಗೊಳ್ಳುವುದಿಲ್ಲ. ನಾವು ಯಾವ ಚಾನಲ್ಗಳಲ್ಲಿ ಇದ್ದೇವೆ ಎಂಬುವುದು ಯಾರಿಗೂ ಗೊತ್ತಾಗಲ್ಲ. ಆದರೆ ಚಾನಲ್ ಅಡ್ಮಿನ್ಗೆ, ಆತನ ಸಂರ್ಕದಲ್ಲಿರುವ ವ್ಯಕ್ತಿಗಳು, ಚಾನಲ್ ಸೇರಿದ್ದಾರೂ ಇಲ್ವೋ ಎಂಬುದು ಕಾಣುತ್ತೆ ಬಿಟ್ಟರೆ, ಮತ್ಯಾರ ಬಗ್ಗೆಯೂ ಗೊತ್ತಾಗಲ್ಲ. ಅದೇ ವೇಳೆ, ಒಂದು ಚಾಲನ್ಅನ್ನು ಯಾರು ಸೃಷ್ಟಿಸುದ್ದು ಎಂಬುವುದೂ ಗೊತ್ತಾಗಲ್ಲ. ನೀವು ಈವಾಗ, ಕ್ರಿಕೆಟ್ ನ್ಯೂಸ್ ಎಂಬ ಹೆಸರಿನಲ್ಲೊಂದು ವಾಟ್ಸಾಪ್ ಚಾನಲ್ ಶುರು ಮಾಡಿ ಕ್ರಿಕೆಟ್ ಸುದ್ದಿಗಳನ್ನು ಹಾಕುತ್ತಿರಬಹುದು. ಆ ಚಾನಲ್ ಸೇರಿದ ಯಾರಿಗೂ, ಆ ಚಾನಲ್ ಯಾರು ಶುರು ಮಾಡಿದ್ದು ಎಂಬ ಬಗ್ಗೆ ಯಾವ ಮಾಹಿತಿಯೂ ಸಿಗಲ್ಲ.
ಅದಲ್ಲದೇ, ಚಾನಲ್ ತಯಾರಿಸಿದ ಅಡ್ಮಿನ್ಗೆ, ಅವರ ಚಾನಲ್ನಲ್ಲಿ ಸ್ಕ್ರೀನ್ಶಾಟ್ ಗೆ ತಡೆ ಹಾಕಲು ಹಾಗೂ ಆ ಚಾನಲ್ನಲ್ಲಿ ಬಂದ ಕಂಟೆಂಟ್ಗಳನ್ನು ಫರ್ವರ್ಡ್ ಮಾಡದಂತೆ ತಡೆಹಿಡಿಯುವ ಅಧಿಕಾರ ಇರುತ್ತದೆ.
ಯಾರು ಚಾನಲ್ ಕ್ರಿಯೇಟ್ ಮಾಡಬಹುದು?
ಚಾನಲ್ ವೈಶಿಷ್ಟ್ಯ ಇತ್ತೀಚೆಗೆ ಬಿಡುಗಡೆಯಾಗಿದ್ದು, ಹಂತಹಂತವಾಗಿ ಒಬ್ಬೊಬ್ಬರ ಫೋನ್ಗೆ ಲಗ್ಗೆಯಿಡುತ್ತಿದೆ. ಇನ್ನೂ ಎಲ್ಲರಿಗೂ ಈ ವೈಶಿಷ್ಟ್ಯ ಸಿಕ್ಕಿಲ್ಲ. ಅದಲ್ಲದೇ, ಸಿಕ್ಕವರೆಲ್ಲರಿಗೂ ಚಾಲನ್ ಕ್ರಿಯೇಟ್ ಮಾಡುವ ಸೌಲಭ್ಯ ಒದಗಿಸಲಾಗಿಲ್ಲ. ಕೆಲವೇ ದಿನಗಳಲ್ಲಿ ಎಲ್ಲರಿಗೂ ಚಾನಲ್ ತೆರೆಯುವ ಅವಕಾಶ ಸಿಗುವ ಸಾಧ್ಯತೆ ಇದೆ.
ಚಾನಲ್ ಕ್ರಿಯೇಟ್ ಮಾಡುವುದು ಹೇಗೆ?
ವಾಟ್ಸಾಪ್ನಲ್ಲಿ ಅಪ್ಡೇಟ್ ವಿಭಾಗಕ್ಕೆ ಹೋಗಿ. ಅಲ್ಲಿ ಚಾನಲ್ ಕೆಟಗರಿಯಲ್ಲಿ + ಚಿಹ್ನೆಯನ್ನು ಆಯ್ಕೆ ಮಾಡಿ. ಅಲ್ಲಿ ಚಾನಲ್ ಹುಡುಕಿ ಹಾಗೂ ಚಾನಲ್ ಕ್ರಿಯೇಟ್ ಮಾಡಿ ಎಂಬ ಆಯ್ಕೆ ಸಿಗುತ್ತದೆ. ಇತರ ಚಾನಲ್ಅನ್ನೂ ಹುಡುಕಬಹುದು ಅಥವಾ ನೀವೇ ನಿಮ್ಮದೇ ಆದ ಚಾನಲ್ ಕ್ರಿಯೇಟ್ ಮಾಡಬಹದು.
ಚಾನಲ್ನಲ್ಲಿ ಏನೆಲ್ಲಾ ಮಾಡಬಹುದು?
ನಿಮ್ಮ ಚಾನಲ್ನಲ್ಲಿ ನೀವು ಪಠ್ಯ, ಚಿತ್ರಗಳು, ವೀಡಿಯೊಗಳು, ಸ್ಟಿಕ್ಕರ್ಗಳು ಮತ್ತು ಲಿಂಕ್ಗಳನ್ನು ಹಂಚಿಕೊಳ್ಳಬಹುದು. ಇದೇ ವೇಳೆ, ಚಾನಲ್ನ ಹಿಂಬಾಲಕರು, ಆ ಪೋಸ್ಟ್ ಗೆ ರಿಪ್ಲೈ ಮಾಡಲಾಗದಿದ್ದರೂ, ಅದಕ್ಕೆ ಇಮೋಜಿಗಳನ್ನು ಬಳಸಿ ರಿಯಾಕ್ಟ್ ಮಾಡಬಹುದು. ಕೆಲವು ವೈಶಿಷ್ಟ್ಯಗಳು ಅನ್ನು ಹೋಲುತ್ತವೆಯಾದರೂ, ಚಾನಲ್ ನವೀಕರಣಗಳು ಏಕಮುಖ ಪ್ರಸಾರಗಳಾಗಿವೆ ಮತ್ತು ಸಂಭಾಷಣೆಗಳಲ್ಲ ಎಂದು ಗಮನಿಸಬೇಕು.
ವಾಟ್ಸಾಪ್ ಗ್ರೂಪ್, ಕಮ್ಯುನಿಟಿ ಹಾಗೂ ಚಾನಲ್ಗೆ ಇರುವ ವ್ಯತ್ಯಾಸ
ಇವೆಲ್ಲವೂಗಳ ಮಧ್ಯೆ ಇರುವ ಒಂದು ಪ್ರಮುಖ ವ್ಯತ್ಯಾಸ ಎಂದರೆ ಗೌಪ್ಯತೆ. ವಾಟ್ಸಾಪ್ ಗ್ರೂಪ್ಗೆ ನಾವು ಸೇರಿದ ಬಳಿಕ, ಆ ಗ್ರೂಪ್ನಲ್ಲಿ ಯಾರೆಲ್ಲ ಇದ್ದಾರೆ ಎಂಬುದನ್ನು ವೀಕ್ಷಿಸಬಹುದಲ್ಲದೇ, ಅವರ ಹೆಸರು, ಸಂರ್ಕ ಸಂಖ್ಯೆಯೂ ಕಾಣುತ್ತದೆ. ಅದೇ ರೀತಿ, ಕಮ್ಯುನಿಟಿ ಎಂಬುವುದು ಹಲವು ಗ್ರೂಪ್ಗಳು ಒಂದೆಡೆ ಇರುವ ಒಂದು ಸಮುದಾಯ. ನೀವು ಈಗಾಗಲೇ ಸರ್ಪಡೆ ಆಗಿರುವ ಒಂದು ಗುಂಪನ್ನು ಯಾವುದಾದರೂ ಕಮ್ಯುನಿಟಿಯೊಳಗೆ ಸೇರಿಸಿದರೆ, ಆ ಕಮ್ಯುನಿಟಿಯಲ್ಲಿ ಇನ್ನೂ ಯಾವೆಲ್ಲಾ ಗ್ರೂಪ್ಗಳು ಇವೆ ಎಂಬುದನ್ನು ನೋಡಬಹುದು.
ಆದರೆ, ಉಳಿದ ಗುಂಪಿನ ಸದಸ್ಯರನ್ನು ನೋಡಲು ಸಾಧ್ಯವಿಲ್ಲದಿದ್ದರೂ, ಆ ಗುಂಪನ್ನು ಸೇರಲು ಇಚ್ಛಿಸಿದರೆ, ಅಡ್ಮಿನ್ಗೆ ವಿನಂತಿಸಬಹುದು. ಗುಂಪು ಸೇರಿದ ಬಳಿಕ ಅಲ್ಲಿನ ಸದಸ್ಯರ ಮಾಹಿತಿ ಲಭ್ಯವಾಗುತ್ತದೆ. ಆದರೆ, ಚಾನಲ್ ಎಂಬುದು ಎರಡಕ್ಕಿಂತಲೂ ವಿಭಿನ್ನ. ಅದೊಂದು ಸರ್ವಜನಿಕ ಚಾನಲ್ ಆದರೂ, ಅದರಲ್ಲಿ ಯಾರಿದ್ದಾರೆ ಎಂಬುದನ್ನು ನೋಡಲು ಆಗುವುದಿಲ್ಲ. ಅದಲ್ಲದೇ, ಚಾನಲ್ ಅಡ್ಮಿನ್ ಯಾರು ಎಂಬುವುದೂ ಗೊತ್ತಾಗುವುದಿಲ್ಲ. ಯಾರು ಯಾರವ ಚಾನಲ್ನಲ್ಲಿದ್ದಾರೆ ಎಂಬುವುದೂ ಗೊತ್ತಾಗಲ್ಲ. ಗ್ರೂಪ್ ಹಾಗೂ ಕಮ್ಯುನಿಟಿಗೆ ಸೇರಬೇಕಾದ್ದಲ್ಲಿ, ಆ ಗ್ರೂಪ್ನ ಲಿಂಕ್ ನಿಮಗೆ ಸಿಗಬೇಕಾಗಿತ್ತು ಅಥವಾ ಗ್ರೂಪ್/ ಕಮ್ಯುನಿಟಿ ಅಡ್ಮಿನ್ ನಿಮ್ಮನ್ನು ಸೇರಿಸಿದರೆ ಮಾತ್ರ ನೀವು ಅಲ್ಲಿ ಸದಸ್ಯರಾಗಬಹುದಿತ್ತು. ಆದರೆ ಚಾನಲ್ಗಳು ಹಾಗಲ್ಲ. ಲಿಂಕ್ ಮೂಲಕ ಸೇರುವ ಅವಕಾಶ ಇರುವುದರ ಜೊತೆಗೆ, ವಾಟ್ಸಾಪ್ನಲ್ಲಿ ನೀವೇ ನಿಮ್ಮಿಷ್ಟದ ವಿಷಯಗಳ ಚಾನಲ್ ಹುಡುಕಿ ಸೇರ್ಪಡೆಯಾಗಬಹುದು.
ನಮಗೇಕೆ ಉಪಕಾರಿ?
ನಮಗೆ ಇಷ್ಟ ಇರುವ ನಟ, ನಟಿಯರು, ಕ್ರೀಡಾಪಟುಗಳು ಇತ್ಯಾದಿ ಜನರ ಬಗ್ಗೆ ಪೋಸ್ಟ್ ಅಪ್ಡೇಟ್ ಪಡೆಯಲು ಬೇರೆ ಆಪ್ಗೆ
ಹೋಗಬೇಕಿತ್ತು. ಅದು ಇನ್ನು ವಾಟ್ಸಾಪ್ನಲ್ಲೇ ಸಿಗಲಿದೆ. ಇದಲ್ಲದೇ, ಆಹಾರಕ್ರಮ, ಸುದ್ದಿಗಳು, ಫಿಟ್ನೆಸ್ ಟಿಪ್ಸ್, ಟ್ರಾವೆಲ್ ಗೈಡ್ ಇತ್ಯಾದಿಗೆ ಸಂಬಂಧಪಟ್ಟ ಚಾನಲ್ ಯಾರಾದರೂ ತೆರೆದರೆ ಹಾಗೂ ಅದರಲ್ಲಿ ಮಾಹಿತಿಗಳು ಸಿಕ್ಕರೆ, ನಮ್ಮಿಷ್ಟದ ಎಲ್ಲಾ ಮಾಹಿತಿಗಳು ವಾಟ್ಸಾಪ್ನಲ್ಲೇ ಸಿಕ್ಕಂತಾಗುತ್ತದೆ.
ವಾಟ್ಸಾಪ್ ಚಾನಲ್ ವೈಶಿಷ್ಟ್ಯಗಳು
ಇದೊಂದು ಏಕಮುಖವಾಗಿ ಸಂದೇಶ ಕಳುಹಿಸುವ ವೈಶಿಷ್ಟ್ಯ
ಫಾಲೋರ್ಸ್ಗೆ ರಿಪ್ಲೈ ಮಾಡುವ ಅವಕಾಶ ಇಲ್ಲದಿದ್ದರೂ, ಇಮೋಜಿ ಬಳಸಿ, ಆ ಸಂದೇಶಕ್ಕೆ ರಿಯಾಕ್ಟ್
ಮಾಡಬಹುದು.
ಚಾನಲ್ಗೆ ಎಷ್ಟು ಮಂದಿಯಾದರೂ ಫಾಲೋ ಮಾಡಬಹುದು. ಯಾವುದೇ ಮಿತಿ ಇರಲ್ಲ.
ಚಾನಲ್ ಅಡ್ಮಿನ್ ಯಾರು, ಯಾರೆಲ್ಲಾ ಫಾಲೋ ಮಾಡುತ್ತಿದ್ದಾರೆ ಎಂಬುದರ ಬಗ್ಗೆ ಯಾವ ಮಾಹಿತಿಯೂ ಯಾರಿಗೂ ಸಿಗುವುದಿಲ್ಲ. ಚಾನಲ್ ಅಡ್ಮಿನ್ಗೆ, ತನ್ನ ಸಂರ್ಕದಲ್ಲಿರುವರು ಆ ಚಾನಲ್ನಲ್ಲಿ ಇದ್ದರೆ ಕಾಣುವುದು ಬಿಟ್ಟರೆ, ಇತರೆ ಯಾರ ಬಗ್ಗೆಯೂ ಯಾವ ಮಾಹಿತಿಯೂ ಸಿಗುವುದಿಲ್ಲ.
ಚಾನಲ್ ಕ್ರಿಯೇಟ್ ಮಾಡಿದವರು, ಪಠ್ಯ, ಫೋಟೋ, ವೀಡಿಯೋ, ಸ್ಟಿಕ್ಕರ್ ಗಳನ್ನು ಕಳುಹಿಸಹುದು.
ಅದನ್ನು ಫರ್ವರ್ಡ್ ಮಾಡುವ ಬಗ್ಗೆ ಅಥವಾ ಸ್ಕ್ರೀನ್ಶಾಟ್ ತೆಗೆಯುವ ಬಗ್ಗೆ ನರ್ಧರಿಸುವ ಹಕ್ಕು ಅಡ್ಮಿನ್ಗೆ ಇರಲಿದೆ.
ಚಾನಲ್ನಲ್ಲಿ ಬಂದ ಸಂದೇಶಗಳು 30 ದಿನಗಳ ಬಳಿಕ ಅಳಿಸಿ ಹೋಗುತ್ತದೆ.
Informative
Very nice article. Beautifully explained. Very informative