ತೆಲಂಗಾಣದಲ್ಲಿ ಮುಂಬರುವ ವಿಧಾನಸಭಾ ಚುನಾವಣೆಗೆ ಸಿದ್ಧತೆಯಾಗಿ ಹೈದರಾಬಾದ್ನಲ್ಲಿ ನಡೆದ ಪುನರ್ರಚಿಸಿದ ಕಾಂಗ್ರೆಸ್ ಕಾರ್ಯಕಾರಿ ಸಮಿತಿಯ ಮೊದಲ ಸಭೆಯು ನಡೆದಿತ್ತು. ಈ ಸಂದರ್ಭದಲ್ಲಿ ಪಕ್ಷದ ನಾಯಕರ ಹೋರ್ಡಿಂಗ್ಗಳನ್ನು ಹಾಕಲಾಗಿತ್ತು. ಇಲ್ಲಿ ಸೋನಿಯಾ ಗಾಂಧಿಯನ್ನು ಭಾರತ ಮಾತೆಯಾಗಿ ತೋರಿಸುವ ಪೋಸ್ಟರ್ಗಳು ಕಾಣಿಸಿಕೊಂಡಿವೆ.
ತೆಲಂಗಾಣ ದಲ್ಲಿ ಪಕ್ಷದ ಮಾಜಿ ಮುಖ್ಯಸ್ಥೆ ಸೋನಿಯಾ ಗಾಂಧಿ ಅವರನ್ನು ‘ಭಾರತ ಮಾತೆ’ ಎಂದು ಚಿತ್ರಿಸುವ ಪೋಸ್ಟರ್ಗಳಿಗೆ ಪ್ರತಿಕ್ರಿಯೆಯಾಗಿ ಭಾರತೀಯ ಜನತಾ ಪಕ್ಷ (ಬಿಜೆಪಿ) ಸೋಮವಾರ ಕಾಂಗ್ರೆಸ್ ಪಕ್ಷದ ವಿರುದ್ಧ ತೀವ್ರ ದಾಳಿ ನಡೆಸಿದೆ. ಕಾಂಗ್ರೆಸ್ ನಾಯಕತ್ವವನ್ನು ಟೀಕಿಸಿದ ಬಿಜೆಪಿ, ದೇಶ ಮತ್ತು ಅದರ ಜನರಿಗಿಂತ ‘ಪರಿವಾರವಾದ’ (ವಂಶಪಾರಂಪರ್ಯ ರಾಜಕೀಯ) ಕ್ಕೆ ಆದ್ಯತೆ ನೀಡುವುದನ್ನು ಖಂಡಿಸಿತು.
ಈ ಕುರಿತು ಬಿಜೆಪಿ ವಕ್ತಾರ ಶೆಹಜಾದ್ ಪೂನಾವಾಲಾ ಅವರು ನಿರಂತರವಾಗಿ ಭಾರತ ಮಾತೆಗೆ ಅಗೌರವ ತೋರುತ್ತಿದ್ದಾರೆ ಎಂದು ಆರೋಪಿಸಿದರು. ಬಿ. ಡಿ. ಕಲ್ಲಾ ಅವರು “ಭಾರತ್ ಮಾತಾ ಕಿ ಜೈ” ಬದಲಿಗೆ “ಸೋನಿಯಾ ಮಾತಾ ಕಿ ಜೈ” ಎಂಬ ಪದವನ್ನು ಬಳಸಿದ್ದರು. ಈ ನಡೆಯು “ಸಂಪೂರ್ಣವಾಗಿ ನಾಚಿಕೆಗೇಡಿನದು” ಎಂದು ಬಣ್ಣಿಸಿದ ಪೂನಾವಾಲಾ, ಕಾಂಗ್ರೆಸ್ಗೆ ರಾಷ್ಟ್ರ ಮತ್ತು ಅದರ ಜನರಿಗಿಂತ ಕುಟುಂಬವು ಹೇಗೆ ಆದ್ಯತೆ ಪಡೆಯುತ್ತದೆ ಎಂಬುದರ ಪ್ರತಿಬಿಂಬವಾಗಿದೆ ಎಂದು ಟೀಕಿಸಿದ್ದಾರೆ.
ಇದುವರೆಗೆ ಭಾರತ ಮಾತೆಯನ್ನು ಎಲ್ಲರೂ ತಮ್ಮ ಕಲ್ಪನೆಯಿಂದ ಸೃಷ್ಟಿಸಿದ್ದಾರೆ ಹೊರತು ಯಾರೊಬ್ಬರು ಜನ ನಾಯಕರನ್ನು ಭಾರತ ಮಾತೆಯಾಗಿ ಕಲ್ಪಿಸಿರಲಿಲ್ಲ. ಇದೀಗ ಸೋನಿಯಾ ಗಾಂಧಿಯನ್ನು ಕಾಂಗ್ರೇಸ್ ಪಕ್ಷದ ನಾಯಕರು ಭಾರತ ಮಾತೆಯ ಮುಖವನ್ನು ಸೋನಿಯಾ ಗಾಂಧಿಯ ಮುಖವನ್ನಾಗಿ ಬದಲಾಯಿಸಿದು ಅಸಾಮಾನ್ಯ ವಿಷಯವಾಗಿದೆ.
ಸೋನಿಯಾ ಗಾಂಧಿಯವರನ್ನು ಪ್ರಧಾನ ಮಂತ್ರಿಯಾಗಿ ಸ್ವೀಕರಿಸದ ಜನ ಈಗ ಭಾರತ ಮಾತೆಯಾಗಿ ಸ್ವೀಕರಿಸುವರೇ? ಈ ಘಟನೆಯು ರಾಜಕೀಯದ ಯಾವ ರೂಪ ತಾಳುತ್ತದೋ ಕಾದು ನೋಡಬೇಕು.