ಅಂತಾರಾಷ್ಟ್ರೀಯ ಹಾಕಿ ಫೆಡರೇಶನ್ ನ ನೂತನ ವಿಶ್ವ ರ್ಯಾಂಕಿಂಗ್ ನಲ್ಲಿ ಟೀಂ ಇಂಡಿಯಾದ ಪುರುಷರ ತಂಡ ಮೂರನೇ ಸ್ಥಾನಕ್ಕೇರಿದ್ದು, ಮಹಿಳೆಯರ ತಂಡ 7ನೇ ಸ್ಥಾನ ಪಡೆದುಕೊಂಡಿದೆ.
ಟಾಪ್ 3 ಸ್ಥಾನಗಳಲ್ಲಿ ಭಾರತ ಸ್ಥಾನ ಪಡೆದುಕೊಳ್ಳಲು ಒಟ್ಟಾರೆ 2771 ಅಂಕ ಗಳಿಸಲು 1 ವರ್ಷ ಸಮಯ ಪಡೆದುಕೊಂಡಿದೆ.
ಯುರೋ ಹಾಕಿ ಪ್ರಶಸ್ತಿಯಲ್ಲಿ ವಿಫಲಗೊಂಡ ಇಂಗ್ಲೆಂಡ್ ತಂಡ ಟಾಪ್ 3 ಸ್ಥಾನದಿಂದ ಕೆಳಗೆ ಕುಸಿದಿದೆ. ಫಿನಾಲೆಯಲ್ಲಿ ನೆದರ್ಲೆಂಡ್ಸ್ ವಿರುದ್ದ 1-2 ಗೋಲುಗಳಿಂದ ಸೋಲನುಭವಿಸಿ 2745 ಅಂಕಗಳೊಂದಿಗೆ ನಾಲ್ಕನೇ ಸ್ಥಾನಕ್ಕೆ ಜಾರಿದೆ. ಈ ಮೂಲಕ ಯುರೋ ಹಾಕಿ ಚಾಂಪಿಯನ್ಸ್ ನೆದರ್ಲೆಂಡ್ಸ್ ತಂಡ 3113 ಅಂಕಗೊಂದಿಗೆ ಅಗ್ರಸ್ಥಾನದಲ್ಲಿ ಮುಮದುವರೆದಿದೆ.
ಇನ್ನು ವನಿತೆಯರ ರ್ಯಾಂಕಿಂಗ್ ನಲ್ಲಿ ಸತತ 12ನೇ ಬಾರಿ ಯುರೊ ಹಾಕಿ ಚಾಂಪಿಯನ್ ಶಿಪ್ ಪ್ರಶಸ್ತಿ ಗೆಲ್ಲುವ ಮೂಲಕ ನೆದರ್ಲೆಂಡ್ಸ್ ರ್ಯಾಂಕಿಂಗ್ ನಲ್ಲಿ ಅಗ್ರಸ್ಥಾನದಲ್ಲಿ ಮುಂದುವರಿದಿದೆ.