ಏಷ್ಯಾ ಕಪ್ 2023ರ ಕೂಟದ ಪ್ರತಿ ಆಟದಲ್ಲಿಯೂ ಭಾರತೀಯ ಆಟಗಾರರು ದಾಖಲೆ ನಿರ್ಮಿಸುತ್ತಿದ್ದಾರೆ.
ಅದೇ ರೀತಿ ಸೋಮವಾರ ಪಾಕ್ ವಿರುದ್ದ ನಡೆದ ಪಂದ್ಯದಲ್ಲಿ ವಿರಾಟ್ ಕೋಹ್ಲಿ 13 ಸಾವಿರ ರನ್ ಗಳಿಸುವ ಮೂಲಕ ಸಾಧನೆ ಮಾಡಿದ್ದರು. ಆದರೆ ಇದೀಗ ರೋಹಿತ್ ಶರ್ಮಾ ಅವರು ಏಕದಿನ ಕ್ರಿಕೆಟ್ ನಲ್ಲಿ 10 ಸಾವಿರ ರನ್ ಗಡಿ ದಾಟಿದ ಸಾಧನೆ ಮಾಡಿದ್ದಾರೆ.
ಕೊಲಂಬೋದ ಆರ್. ಪ್ರೇಮದಾಸ ಸ್ಟೇಡಿಯಂನಲ್ಲಿ ನಡೆಯುತ್ತಿರುವ ಶ್ರೀಲಂಕಾ ವಿರುದ್ಧದ ಪಂದ್ಯದಲ್ಲಿ ರೋಹಿತ್ ಈ ಗಡಿ ದಾಟಿದ್ದಾರೆ. ಕಸುನ್ ರಜಿತಾ ಅವರ ಎಸೆತದಲ್ಲಿ 6 ಬಾರಿಸುವ ಮೂಲಕ ರೋಹಿತ್ ಹತ್ತು ಸಾವಿರ ರನ್ ನ ಕ್ಲಬ್ ಗೆ ಸೇರಿದರು. ಈ ಸಾಧನೆ ಮೂಲಕ ರೋಹಿತ್ ಶರ್ಮಾ ಭಾರತದ 6ನೇ ಮತ್ತು ವಿಶ್ವದ 15ನೇ ಬ್ಯಾಟರ್ ಆಗಿ ಹೊರಹೊಮ್ಮಿದ್ದಾರೆ.