ಇಸ್ಲಾಮಾಬಾದ್: ಅಲ್ಪ ಸಂಖ್ಯಾತರ ನರಕ ಎಂದೇ ಖ್ಯಾತಿ ಪಡೆದಿರುವ ಪಾಕಿಸ್ಥಾನದಲ್ಲಿ ಹಿಂದೂಗಳು, ಕ್ರಿಷ್ಚಿಯನ್ನರು, ಸಿಖ್ಖರು ಮತ್ತು ಅಹ್ಮದೀಯ ಸಮುದಾಯಗಳ ಮೇಲಿನ ಮತಾಂಧರ ಅನ್ಯಾಯ ಅತ್ಯಾಚಾರ ದಿನೇ ದಿನೇ ಹೆಚ್ಚಾಗುತ್ತಿದೆ. ಅಕ್ಷರಶಃ ಭಿಕಾರಿಯೇ ಆಗಿರುವ ಪಾಕಿಸ್ಥಾನದಲ್ಲಿ ಮತಾಂಧತೆ ಎಂಬ ಕ್ಯಾನ್ಸರ್ ಮಾತ್ರ ಹಾಸಿ ಹೊದೆಯುವಷ್ಟಿದೆ. ಪಾಕಿಸ್ಥಾನದ ಸಿಂಧ್ ಪ್ರಾಂತ್ಯದಲ್ಲಿ ಹೆಚ್ಚಾಗಿ ವಾಸಿಸುವ ಹಿಂದೂ ಸಮುದಾಯವು ದಿನೇ ದಿನೇ ಮತಾಂಧರ ದೌರ್ಜನ್ಯಕ್ಕೆ ಗುರಿಯಾಗಿ ಇಂದು ಅವಸಾನದ ಅಂಚಿನಲ್ಲಿದೆ. ಇಲ್ಲಿ ನಿತ್ಯವೂ ಹಿಂದೂ ಹೆಣ್ಣು ಮಕ್ಕಳನ್ನು ಅಪಹರಿಸುವ ಮತಾಂಧರು ಅವರನ್ನು ಅವರ ವಯಸ್ಸಿಗಿಂತ ಎರಡು ಮೂರು ಪಟ್ಟು ಹೆಚ್ಚಾದ ವಯಸ್ಕರೊಂದಿಗೆ ಮದುವೆ ಮಾಡಿಸುತಿದ್ದಾರೆ. ಇಲ್ಲಿ ಮಾನವ ಹಕ್ಕು ಸಂಘಟನೆಗಳಾಗಲೀ, ಪ್ರಗತಿಪರರಾಗಲೀ , ವಿರೋಧ ಪಕ್ಷಗಳಾಗಲೀ ಉಸಿರು ಬಿಡುತ್ತಿಲ್ಲ. ಭಾರತದಲ್ಲಿ ಅಲ್ಪರ ಮೇಲೆ ಸಣ್ಣ ದೌರ್ಜನ್ಯ ನಡೆದರೂ ಸಾಕು ಮೂಗು ತೂರಿಸಿಕೊಂಡು ಬರುವ ಪಾಶ್ಚಿಮಾತ್ಯ ರಾಷ್ಟ್ರಗಳಾಗಲೀ , ಬಿಬಿಸಿ ಯಂತಹ ಮಾಧ್ಯಮಗಳಾಗಲೀ ಈ ದೌರ್ಜನ್ಯದ ಕುರಿತು ಕಾಷ್ಠ ಮೌನ ದ ಜಾಣತನ ತೋರಿವೆ.
ಆಘಾತಕಾರಿ ಘಟನೆಯೊಂದರಲ್ಲಿ ಸಿಂಧ್ ಪ್ರಾಂತ್ಯದ ಆಸ್ಪತ್ರೆಯಲ್ಲಿ 23 ವರ್ಷದ ಮಹಿಳೆಯೊಬ್ಬರ ಮೇಲೆ ಮತಾಂಧ ಕಾಮುಕ ಮುಸ್ಲಿಂ ವೈದ್ಯನೊಬ್ಬ ಅತ್ಯಾಚಾರ ನಡೆಸಿ ಇಡೀ ವೈದ್ಯ ಕುಲಕ್ಕೇ ಕಳಂಕ ಎಸಗಿದ್ದಾನೆ. ವರದಿಗಳ ಪ್ರಕಾರ, ಸಿಂಧ್ ಪ್ರಾಂತ್ಯದ ತಾಂಡೋ ಮುಹಮ್ಮದ್ ಖಾನ್ ನಗರದ ಇಂಡಸ್ ಆಸ್ಪತ್ರೆಯ ಕಿಡ್ನಿ ವಾರ್ಡ್ನಲ್ಲಿ ಈ ಘಟನೆ ಸಂಭವಿಸಿದೆ. ಮೂತ್ರಪಿಂಡ ಕಾಯಿಲೆಯಿಂದ ಬಳಲುತ್ತಿದ್ದ ಮಹಿಳೆಯನ್ನು ಆಸ್ಪತ್ರೆಯಲ್ಲಿ ವೈದ್ಯನೊಬ್ಬ ಮತ್ತು ಬರಿಸುವ ಔಷಧ ನೀಡಿ ಪ್ರಜ್ಞಾ ಹೀನ ಸ್ಥಿತಿಯಲ್ಲಿಯೇ ಅತ್ಯಾಚಾರವೆಸಗಿದ್ದಾನೆ. ಆಸ್ಪತ್ರೆಯಲ್ಲಿ ವೈದ್ಯರಿಂದ ಅತ್ಯಾಚಾರಕ್ಕೊಳಗಾದ ನಂತರ ಸಂತ್ರಸ್ಥೆ ಸೀಮಾ(23) ಅವರ ಸ್ಥಿತಿ ಚಿಂತಾಜನಕವಾಗಿದ್ದು ನಂತರ ಹೈದರಾಬಾದ್ನ ಆಸ್ಪತ್ರೆಗೆ ವರ್ಗಾಯಿಸಲಾಗಿದೆ.
ಘಟನೆ ಬೆಳಕಿಗೆ ಬಂದ ನಂತರ ಸಂತ್ರಸ್ತ ಮಹಿಳೆಯ ಪೋಷಕರು ಪ್ರತಿಭಟನೆ ನಡೆಸಿದರು. ಆಸ್ಪತ್ರೆಗಳಲ್ಲೂ ಅಲ್ಪಸಂಖ್ಯಾತರ ಮೇಲಿನ ದೌರ್ಜನ್ಯ ಮತ್ತು ಸುರಕ್ಷತಾ ಕ್ರಮಗಳ ಕೊರತೆಯನ್ನು ಎತ್ತಿ ತೋರಿಸಲು ಮತ್ತು ತಮ್ಮ ಮಗಳ ಮೇಲಿನ ಲೈಂಗಿಕ ದೌರ್ಜನ್ಯವನ್ನು ಸರ್ಕಾರದ ಗಮನಕ್ಕೆ ತರಲು ಸಂತ್ರಸ್ತೆಯ ಪೋಷಕರು ಪ್ರತಿಭಟನೆ ನಡೆಸಿದರು. ಪ್ರಕರಣಕ್ಕೆ ಸಂಬಂಧಿಸಿದಂತೆ ಸೀಮಾ ಪೋಷಕರು ದೂರು ದಾಖಲಿಸಿದ್ದಾರೆ. ಇದರಿಂದ ಅಧಿಕಾರಿಗಳು ಕ್ರಮಕ್ಕೆ ಮುಂದಾಗಿದ್ದಾರೆ. ಆದರೆ, ದೂರು ದಾಖಲಿಸಿಕೊಂಡ ಮೇಲೆ ಆರೋಪಿ ವೈದ್ಯ ಹಾಗೂ ಸಿಬ್ಬಂದಿ ಆಸ್ಪತ್ರೆಯಿಂದ ಪರಾರಿಯಾಗಿದ್ದಾರೆ. ವರದಿಗಳ ಪ್ರಕಾರ, ವೈದ್ಯರು ಮತ್ತು ಸಿಬ್ಬಂದಿ ಪರಾರಿಯಾಗಿದ್ದು, ಶೀಘ್ರದಲ್ಲೇ ಅವರನ್ನು ಬಂಧಿಸಲಾಗುವುದು ಎಂದು ಪೊಲೀಸರು ದೂರುದಾರರಿಗೆ ಭರವಸೆ ನೀಡಿದ್ದಾರೆ.