ಲಕ್ನೋ: ಲಕ್ನೋದ ಹಿಂದೂ ಯುವತಿಯನ್ನು ಆಕೆಯ ಮುಸ್ಲಿಂ ಸ್ನೇಹಿತ ಅಬು ಹಮೀದ್ ಅನ್ಸಾರಿ ಎಂಬಾತ ಇಸ್ಲಾಂಗೆ ಮತಾಂತರಗೊಳಿಸಿ ಮದುವೆಯ ನಂತರ ಅವಳನ್ನು ತನ್ನ ತಂದೆಗೂ ಪತ್ನಿಯಾಗಬೇಕೆಂದು ದೌರ್ಜನ್ಯ ನಡೆಸಿದ ಆಘಾತಕಾರಿ ಘಟನೆ ವರದಿ ಆಗಿದೆ. ಮದುವೆಯ ನಂತರ ಪತಿ ಇಟ್ಟಿರುವ ಈ ವಿಕೃತ ಬೇಡಿಕೆಗೆ ಮಣಿಯಲು ನಿರಾಕರಿಸಿದ ನಂತರ, ಮಹಿಳೆಯ ಮೇಲೆ ಆಕೆಯ ಪತಿಯ ಕುಟುಂಬ ಸದಸ್ಯರು ಅಮಾನುಷವಾಗಿ ಹಲ್ಲೆ ನಡೆಸಿ ಮನೆಯಿಂದ ಹೊರಹಾಕಿದ್ದಾರೆ.
ಮಾಧ್ಯಮ ಸಂದರ್ಶನದ ವೀಡಿಯೊ ಹೇಳಿಕೆಯಲ್ಲಿ, ಸಂತ್ರಸ್ತೆ ತನ್ನ ಪತಿಯ ಇಚ್ಚೆಯಂತೆ ತಾನು ಇಸ್ಲಾಂಗೆ ಮತಾಂತರಗೊಂಡು 2020 ರಲ್ಲಿ ಅವನೊಂದಿಗೆ ನಿಕಾಹ್ ಮಾಡಿದ ನಂತರ ಕಿರುಕುಳ ಅಥವಾ ಚಿತ್ರಹಿಂಸೆ ನೀಡುವುದಿಲ್ಲ ಎಂದು ಭರವಸೆ ನೀಡಿದ್ದ ಎಂದು ಆರೋಪಿಸಿದ್ದಾರೆ. ಅವಳ ಪತಿಯ ಕುಟುಂಬವು ಅಲಿಗಢದಲ್ಲಿ ವಾಸಿಸುತ್ತಿತ್ತು ಮತ್ತು ನಂತರ ಬರೇಲಿಗೆ ಸ್ಥಳಾಂತರಗೊಂಡಿತು. ತನ್ನ ವಿವಾಹವು ಲವ್ ಜಿಹಾದ್ ಪ್ರಕರಣವಾಗಿದ್ದು, ತನಗೆ ಯಾವುದೇ ಕಿರುಕುಳ ನೀಡುವುದಿಲ್ಲ ಎಂದು ಭರವಸೆ ನೀಡಿ ಇಸ್ಲಾಂ ಧರ್ಮಕ್ಕೆ ಮತಾಂತರಗೊಳ್ಳುವಂತೆ ಮತ್ತು ತನ್ನ ನೈಜ ಗುರುತು ಮುಚ್ಚಿಟ್ಟು ವಂಚನೆಯಿಂದ ವಿವಾಹವಾಗಿರುವುದಾಗಿ ಮಹಿಳೆ ಹೇಳಿದ್ದಾರೆ.
ಸಂತ್ರಸ್ತೆ ಹೇಳಿಕೊಂಡಂತೆ ಮೋಸದಿಂದ ಮದುವೆ ಮಾಡಿದ ನಂತರ, ಆಕೆಯ ಗಂಡನ ತಂದೆ ಅಬು ಹುರೈರಾ ಅನ್ಸಾರಿ ಎಂಬಾತ ಅವಳನ್ನು ತನ್ನ ಸೊಸೆಯಾಗಿ ತನ್ನ ಮನೆಯಲ್ಲಿ ಇರಲು ಬಿಡುವುದಿಲ್ಲ ಆದರೆ ತನ್ನ ಸ್ವಂತ ಹೆಂಡತಿಯಂತೆ ಇರಬೇಕು ಎಂದು ಹೇಳಿದ್ದಾನೆ. . ಅವಳ ಗಂಡ ಕೂಡ ಅವಳನ್ನು ತನ್ನ ಮಾವನ ಹೆಂಡತಿಯಾಗುವಂತೆ ಒತ್ತಾಯಿಸಿದ್ದಾನೆ.
ಆಕೆಯ ಮಾವ ತನ್ನ ಬೇಡಿಕೆಗಳನ್ನು ಈಡೇರಿಸುವಂತೆ ಒತ್ತಾಯಿಸಿದ್ದು ಅದನ್ನು ಪತ್ನಿ ನಿರಾಕರಿಸಿದಳು. ಇದರಿಂದ ಸಿಟ್ಟಾದ ಗಂಡನ ಅಪ್ಪ ಹುರೈರಾ, ಗಂಡನ ಸಹೋದರ ಸಯೀದ್, ಮತ್ತೊಬ್ಬ ಸಹೋದರ ಅಬು ಸುಫಿಯಾನ್, ಸಹೋದರಿ ಹಬೀಬಾ, ತಾಯಿ ಸಯೀದಾ ಖಾತೂನ್ ಮತ್ತು ಇತರರು ಅವಳನ್ನು ಅಮಾನುಷವಾಗಿ ಥಳಿಸಿ ಮನೆಯಿಂದ ಹೊರಹಾಕಿದ್ದಾರೆ.
“ನಾನು ಹಿಂದೂ ಸಂಸ್ಕೃತಿಗೆ ಸೇರಿದವಳಾಗಿದ್ದೇನೆ ಮತ್ತು ನಮ್ಮ ಸಂಸ್ಕೃತಿಯಲ್ಲಿ ನಮಗೆ ನಾಲ್ಕು ಹೆಂಡತಿಯರ ರೂಢಿಗಳಿಲ್ಲ ಎಂದು ನಾನು ಅವರಿಗೆ ಹೇಳಿದೆ. ಇದರ ನಂತರ, ಅವರ ಕಿರುಕುಳ ಹಿಂಸೆ ಜಾಸ್ತಿ ಆಯಿತು , ನನ್ನನ್ನು ಆತ್ಮಹತ್ಯೆ ಮಾಡಿಕೊಳ್ಳುವಂತೆ ಒತ್ತಾಯಿಸಲಾಗುತಿತ್ತು ಎಂದು ಸಂತ್ರಸ್ಥೆ ಆರೋಪಿಸಿದ್ದಾಳೆ.
ಸಂತ್ರಸ್ತೆಯ ಪ್ರಕಾರ, ಆಕೆ ಆಗಸ್ಟ್ 26 ರಂದು ತನ್ನ ಗಂಡನ ಸಹೋದರ ಅಬು ಸಯೀದ್ ಅನ್ಸಾರಿ ಒಡೆತನದ ಖುಷ್ಬೂ ಕಾಲೋನಿಯಲ್ಲಿರುವ ಕ್ಲಿನಿಕ್ಗೆ ರಾತ್ರಿ 9 ಗಂಟೆ ಸುಮಾರಿಗೆ ಹೋಗಿದ್ದಳು. ಆದರೆ ಅವಳು ಕ್ಲಿನಿಕ್ ಅನ್ನು ಪ್ರವೇಶಿಸಲಿಲ್ಲ, ಅನ್ಸಾರಿಗಳು ನಡೆಸುತ್ತಿದ್ದ ಕ್ಲಿನಿಕ್ನಲ್ಲಿ ಕೆಲಸ ಮಾಡುತ್ತಿದ್ದ ಮೊಹಮ್ಮದ್ ಇಮ್ರಾನ್ ಎಂಬ ವ್ಯಕ್ತಿ ತಾನು ಹೊರಡುವಾಗ ದೋಹ್ರಾ ರಸ್ತೆಯವರೆಗೆ ತನ್ನನ್ನು ಹಿಂಬಾಲಿಸಿ ಬಂದು ತನ್ನ ಮಾಲೀಕರಿಗೆ ತೊಂದರೆ ಕೊಟ್ಟುದ್ದಾಗಿ ನಿಂದಿಸಿದ್ದಾನೆ ಎಂದೂ ಹೇಳಿಕೊಂಡಿದ್ದಾಳೆ.
ಉತ್ತರ ಪ್ರದೇಶದ ಬರೇಲಿ ಜಿಲ್ಲೆಯಲ್ಲಿ ಲವ್ ಜಿಹಾದ್ ಪ್ರಕರಣಗಳು ಹೆಚ್ಚಾಗುತಿದ್ದು ಮುಸ್ಲಿಂ ಆರೋಪಿಗಳು ಹಿಂದೂ ಎಂದು ನಟಿಸಿ ಹಿಂದೂ ಹುಡುಗಿಯರನ್ನು ಮದುವೆಯಾಗುವಂತೆ ಆಮಿಷವೊಡ್ಡುವುದು, ಅವರನ್ನು ಇಸ್ಲಾಂಗೆ ಪರಿವರ್ತಿಸುವುದು ಮತ್ತು ಹಣಕ್ಕಾಗಿ ಬೇಡಿಕೆ ಇಡುವುದು ಇವುಗಳನ್ನು ಈಡೇರಿಸಲು ನಿರಾಕರಿಸಿದಾಗ ಖಾಸಗಿ ವೀಡಿಯೊಗಳ ಮೂಲಕ ಬ್ಲ್ಯಾಕ್ಮೇಲ್ ಮಾಡುವುದು ಇಂತಹ ದುಷ್ಕೃತ್ಯದಲ್ಲಿ ತೊಡಗಿದ್ದು ಪೋಲೀಸರು ಕಠಿಣ ಕ್ರಮ ಕೈಗೊಳ್ಳಬೇಕೆಂದು ವಿಶ್ವ ಹಿಂದೂ ಪರಿಷದ್ ಉತ್ತರ ಪ್ರದೇಶ ಘಟಕ ಒತ್ತಾಯಿಸಿದೆ.