ಮಾನವ ಜೀವನದಲ್ಲಿ ಉಪಯೋಗಿಸಲ್ಪಡುವ ಅತ್ಯಂತ ಮೌಲ್ಯ ಯುಕ್ತ ಎರಡು ಪದಗಳಾಗಿವೆ “ಧನ್ಯವಾದ” ಮತ್ತು “ಅಭಿನಂದನೆ”. ಈ ಎರಡು ಪದಗಳ ಉಪಯೋಗ ನಮ್ಮ ನಿತ್ಯ ಜೀವನದಲ್ಲಿ ಅತೀ ಪ್ರಯಾಸವಿಲ್ಲದೆ ಉಪಯೋಗಿಸಬಹುದು ಎಂದರೆ ತಪ್ಪು ಕಲ್ಪನೆ.
ಮೊನ್ನೆಯಷ್ಟೇ ಭಾರತ ತನ್ನ ಚಂದ್ರಯಾನ ಪಯಣವನ್ನು ಯಶಸ್ವಿಯಾಗಿ ನಿಭಾಯಿಸಿದಾಗ ಭಾರತವನ್ನು ವರ್ಷಗಳ ಕಾಲ ಆಳಿ, ಭಾರತದ ಆರ್ಥಿಕ ಬಿಕ್ಕಟ್ಟಿಗೆ ಕಾರಣಕರ್ತವಾದ ಇಂಗ್ಲೆಂಡ್ ದೇಶ, ಭಾರತದ ಯಶಸ್ಸಿನಲ್ಲಿ ತನ್ನ ಸೋಲು ಕಂಡ ರೀತಿ ಪ್ರತಿಕ್ರಿಯಿಸಿತು. ಭಾರತವನ್ನು ನಾವು ಯಾವತ್ತೋ ಆಳುತ್ತಿದ್ದೆವು, ಇಂದು ಭಾರತ ದೇಶ ತನ್ನ ಹೆಸರನ್ನು ಚಂದ್ರನಲ್ಲಿ ಹೋಗಿ ಕೆತ್ತಿದೆ, ಎಂದರೆ ಭಾರತದ ಇತಿಹಾಸದ ಆಳ ಅಗಲ ಅರಿವುಳ್ಳ ಇಂಗ್ಲೆಂಡ್ ಅಭಿನಂದನಾ ಪೂರವನ್ನು ಭಾರತದತ್ತ ತಲುಪಿಸಬೇಕಿತ್ತು.
ಇಂಗ್ಲೆಂಡ್ ಭಾರತ ಸಂಬಂಧವನ್ನು ಒಂದು ಪುಟ್ಟ ಅಭಿನಂದನೆ ಯ ಮೂಲಕ ಇನ್ನೆತ್ತರಕ್ಕೆ ತಲುಪಿಸಬಹುದಿತ್ತು. ಆದರೆ ತಾನು, ತನ್ನ ಹಿರಿಮೆ ಎಂದು ಬದುಕುವ ಈ ಜಗತ್ತಿನಲ್ಲಿ ಮತ್ತೊಬ್ಬರ ಯಶಸ್ಸಿಗೆ ಅಭಿನಂದಿಸುವುದು ಒಬ್ಬ ಮಾದರಿ ವ್ಯಕ್ತಿತ್ವವದ ಗುಣವೇ ಸರಿ. ಇಂಗ್ಲೆಂಡ್ ಈ ವಿಷವಾಗಿ ಸೋಲು ಕಂಡಿತು ಮಾತ್ರವಲ್ಲದೆ. ಭಾರತದ ಆರ್ಥಿಕತೆಯನ್ನು ಪ್ರಶ್ನಿಸುವ ಮೂಲಕ ಇಂಗ್ಲೆಂಡ್ ಗರು ಭಾರತೀಯರ ಪ್ರೀತಿಯನ್ನು ಕಳಕೊಂಡರು ಎಂದರೆ ತಪ್ಪಾಗಲಾರದು.