ಮದುವೆಯಾದ ಹೊಸತರಲ್ಲಿ ಎಲ್ಲಾ ಸಂಬಂಧಗಳು ಚನ್ನಾಗಿಯೇ ಕಾಣುತ್ತದೆ. ಆದರೆ ನಂತರದ ದಿನಗಳಲ್ಲಿ ಅದೇನೋ ಎಲ್ಲವೂ ತಪ್ಪು, ಕೆಲಸ ಮಾಡೋಕೆ ಬರೋದಿಲ್ಲ, ಹೊರಗೆ ಹೋದರೆ ತಪ್ಪು ಅನ್ನೋದು, ಅಡುಗೆ ಬರೋದಿಲ್ಲ. ಹೀಗೆ ಏನೆಲ್ಲಾ ಮಾತುಗಳನ್ನು ಸೊಸೆ ಕೇಳಬೇಕು. ಹಾಗಂತ ಇದು ಅತ್ತೆಯರ ತಪ್ಪು ಅಲ್ಲ. ಆದರೆ ಈ ತಪ್ಪುಗಳನ್ನು ತನ್ನ ಮಗಳು ಮಾಡಿದಾಗ ತಪ್ಪು ಎಂದು ದೂಷಿಸದ ಇರುವಾಗ ಅದನ್ನು ಸೊಸೆ ಮಾಡಿದಾಗ ತಪ್ಪು ಎಂದು ರಂಪ ಮಾಡುವುದರ ಹಿಂದೆ ಏನು ಉದ್ದೇಶ ಅನ್ನುವುದು ಪ್ರತಿ ವ್ಯಕ್ತಿಗೂ ಬದಲಾಗುತ್ತದೆ.
ಏನೇ ಆಗಲಿ ಮನೆಯಲ್ಲಿ ಅತ್ತೆ-ಸೊಸೆ ಸಂಬಂಧ ಜಗಳವಿಲ್ಲದೆ ನಡೆಯಬೇಕು ಎಂದರೆ ಈ ರೀತಿ ನಡೆದುಕೊಳ್ಳಿ
ಧನಾತ್ಮಕ ನಡವಳಿಕೆ: ಅತ್ತೆ- ಸೊಸೆ ಎನ್ನುವ ಜವಾಬ್ದಾರಿ ಇಬ್ಬರಿಗೂ ಹೊಸತಾಗಿಯೇ ಇರುತ್ತದೆ. ಹೀಗಾಗಿ ಆದಷ್ಟು ಒಳ್ಳೆಯ ರೀತಿಯಲ್ಲಿ ಮಾತನಾಡಿ.
ಸಮಾನತೆ: ನಿಮ್ಮ ಮನೆಯ ತಂದೆ, ತಾಯಿಯರನ್ನು ನೋಡಿಕೊಳ್ಳುವಂತೆಯೇ ಅತ್ತೆ- ಮಾವನನ್ನು ನೋಡಿಕೊಳ್ಳಿ.
ಸೂಕ್ಷ್ಮತೆ: ಒಬ್ಬ ಮಗನ ಜೀವನದಲ್ಲಿ ಸಂಗಾತಿ ಬರುವವರೆಗೆ ಆತನ ಜೀವನದ ಪೂರ್ತಿ ವಿಶ್ವಾಸವೇ ತಾಯಿ ಆಗಿರುತ್ತಾಳೆ. ನೀವು ಬಂದ ನಂತರ ಮನೆಯಲ್ಲಿ ಅತ್ತೆಗೆ ಒಂಟಿತನ ಕಾಡಬಹುದು. ಸೂಕ್ಷ್ಮವಾಗಿ ಅವರ ಮನಸ್ಸು ಅರ್ಥ ಮಾಡಿಕೋಳ್ಳಿ.
ಗೌರವ: ಅತ್ತೆಯನ್ನು ಗೌರವದಿಂದ ಕಾಣಿರಿ. ಅವರು ಹೇಳುವ ವಿಚಾರಗಳು ನಿಮ್ಮ ಸಂಸಾರದ ಬೆಳವಣಿಗೆಗೆ ಆಗಿರಬಹುದು. ತಮ್ಮ ಜೀವನದ ಅನುಭವಗಳನ್ನು ಹಂಚಿಕೊಂಡು ನಿಮ್ಮನ್ನು ಆತ್ಮೀಯತೆಯಿಂದಲೂ ನೋಡುತ್ತಾರೆ.
ನಿರೀಕ್ಷೆ: ಮನೆಗೆ ಬಂದ ಹೊಸ ಸದಸ್ಯೆಯಿಂದ ಎಲ್ಲರಿಗೂ ನಿರೀಕ್ಷೆ ಇದ್ದೇ ಇರುತ್ತದೆ. ಹೀಗಿರುವಾಗ ನೀವು ಸ್ವಲ್ಪ ಎಲ್ಲರ ಬೇಕು ಬೇಡಗಳ ಬಗ್ಗೆ ಗಮನ ಕೊಡಿ.
ಸಲಹೆ ಪಡೆಯಿರಿ: ನಿಮ್ಮ ಜೀವನದಲ್ಲಿ ನಡೆದ ಘಟನೆ, ಮಕ್ಕಳ ಪೋಷಣೆ, ವಿದ್ಯಾಭ್ಯಾಸದ ಬಗ್ಗೆ ಆದಷ್ಟು ಅವರಿಂದ ಸಲಹೆ ಪಡೆದು ಮುಂದುವರೆಯಿರಿ.