ಈಗ ಮೊಬೈಲ್ ಎಲ್ಲರ ಬಳಿ ಇರುವುದರಿಂದ ಹಗಲು ರಾತ್ರಿ ಎನ್ನದೇ ಮೊಬೈಲ್ನಲ್ಲಿಯೇ ನಿಮ್ಮ ದೃಷ್ಟಿ ಇರುತ್ತದೆ. ಕಚೇರಿಯಲ್ಲಿ ಕೆಲಸ ಮಾಡುತ್ತಿರಲಿ, ಒಂದೆರಡು ನಿಮಿಷ ಬಿಡುವು ಸಿಕ್ಕಿತೆಂದರೆ ಮೊಬೈಲ್ನತ್ತ ಕಣ್ಣು ಹಾಯಿಸುತ್ತೀರಿ. ಹಾಗೆಯೇ ವಿದ್ಯಾರ್ಥಿಗಳು ಕೂಡ ಮೊಬೈಲ್ ನೇ ಹೆಚ್ಚು ನೋಡುತ್ತಿರುತ್ತಾನೆ.
ಈ ಮೊಬೈಲ್ ನಿಂದ ಮೆದುಳಿಗೆ ಹಾನಿ ಆಗುವುದಲ್ಲದೆ ದೇಹದ ಇತರೆ ಭಾಗಗಳಿಗೂ ಹಾನಿ ಉಂಟಾಗುತ್ತದೆ. ಅಂತದರಲ್ಲಿ ಮೊಬೈಲ್ ಅನ್ನು ಚಾರ್ಜ್ಗೆ ಹಾಕಿ ಅದರ ಪಕ್ಕ ಮಲಗುವುದರಿಂದ ಆರೋಗ್ಯ ಸಮಸ್ಯೆ ಉದ್ಭವವಾಗುತ್ತದೆ.
ಮೊಬೈಲ್ ಫೋನ್ಗಳಿಂದ ಹೊರಹೊಮ್ಮುವ ವಿಕಿರಣವು ಸಂತಾನೋತ್ಪತ್ತಿಯ ಮೇಲೆ ಕೆಟ್ಟ ಪರಿಣಾಮ ಬೀರುತ್ತದೆ ಎಂದು ಅನೇಕ ವರದಿಗಳು ನಮ್ಮನ್ನು ಎಚ್ಚರಿಸುತ್ತವೆ. ಇದು ವೀರ್ಯಾಣು ಸಂಖ್ಯೆಯನ್ನು ಕಡಿಮೆ ಮಾಡುತ್ತದೆ. ಒಬ್ಬ ಮನುಷ್ಯನು ಯಾವಾಗಲೂ ಫೋನ್ ಅನ್ನು ತನ್ನ ಜೇಬಿನಲ್ಲಿ ಇಟ್ಟುಕೊಳ್ಳುತ್ತಾನೆ, ಆಗ ಅವನ ವೀರ್ಯದ ಸಂಖ್ಯೆ ಕಡಿಮೆಯಾಗಬಹುದು ಮತ್ತು ತಂದೆಯಾಗಲು ತೊಂದರೆಯಾಗಬಹುದು ಎಂದು ಹೇಳಲಾಗುತ್ತದೆ.
ಹಾಸಿಗೆಯ ಮೇಲೆ, ದಿಂಬಿನ ಕೆಳಗೆ ಮೊಬೈಲ್ ಫೋನ್ ಇಡುವುದರಿಂದ ಮೆದುಳಿಗೆ ಹಾನಿಯಾಗುತ್ತದೆ. ಇದು ಮಕ್ಕಳಿಗೆ ಇನ್ನೂ ಅಪಾಯಕಾರಿಯಾಗಿರುತ್ತದೆ. ಅವರ ನೆತ್ತಿ ಮತ್ತು ತಲೆಬುರುಡೆ ಹೆಚ್ಚು ತೆಳುವಾಗಿರುವುದರಿಂದ ಅವರಿಗೆ ಅದರಿಂದ ಸಮಸ್ಯೆ ಉಂಟಾಗುತ್ತದೆ. ಅದಕ್ಕಾಗಿಯೇ ವಿಕಿರಣವು ಅವರಿಗೆ ಹೆಚ್ಚಿನ ಹಾನಿಯನ್ನುಂಟುಮಾಡುತ್ತದೆ.
ಮೊಬೈಲ್ ಫೋನ್ಗಳಿಂದ ಹೊರಹೊಮ್ಮುವ ವಿಕಿರಣವು ಕ್ಯಾನ್ಸರ್ ಮತ್ತು ಗೆಡ್ಡೆಯಂತಹ ಗಂಭೀರ ಮತ್ತು ಮಾರಣಾಂತಿಕ ಕಾಯಿಲೆಗಳಿಗೆ ಕಾರಣವಾಗಬಹುದು. ಅದಕ್ಕೇ ಆದಷ್ಟು ಫೋನ್ ನಿಂದ ದೂರ ಇರುವುದು ಒಳ್ಳೆಯದು.
ವಿಶ್ವ ಆರೋಗ್ಯ ಸಂಸ್ಥೆ (WHO) ಪ್ರಕಾರ, ಫೋನ್ ಅನ್ನು ತಲೆಯ ಬಳಿ ಇಟ್ಟುಕೊಂಡು ಮಲಗುವುದು ವಿವಿಧ ಆರೋಗ್ಯ ಸಮಸ್ಯೆಗಳಿಗೆ ಕಾರಣವಾಗಬಹುದು. ವಿಕಿರಣದಿಂದಾಗಿ ದೇಹದ ಮೇಲೆ ಕೆಟ್ಟದಾಗಿ ಪರಿಣಾಮ ಬೀರಬಹುದಾದ ಸಂಭವ ಇರುತ್ತದೆ. ನೀವು ಮೊಬೈಲ್ ಫೋನ್ ಅನ್ನು ಚಾರ್ಜ್ನಲ್ಲಿ ಇರಿಸಿ ಮಲಗಿದಾಗ, ರೇಡಿಯೊ ಆವರ್ತನವು ಫೋನ್ನಿಂದ ನಿರಂತರವಾಗಿ ಹೊರಬರುತ್ತದೆ, ಇದು ಚಯಾಪಚಯ ಕ್ರಿಯೆಯ ಮೇಲೆ ಕೆಟ್ಟ ಪರಿಣಾಮ ಬೀರುತ್ತದೆ. ಹಾಗಾಗಿ ಫೋನ್ ಅನ್ನು ದೇಹದಿಂದ ದೂರವಿಡಿ. ಒಂದು ಅಧ್ಯಯನದ ಪ್ರಕಾರ, ಫೋನ್ ಅನ್ನು ಯಾವಾಗಲೂ ದೇಹದಿಂದ ಸುಮಾರು 3 ಅಡಿ ದೂರದಲ್ಲಿರಿಸುವುದರಿಂದ ಇದರಿಂದ ಉಂಟಾಗುವ ಹಾನಿಯನ್ನು ಕಡಿಮೆ ಮಾಡಲು ಸಹಾಯವಾಗುತ್ತದೆ ಎಂದು ಹೇಳಲಾಗುತ್ತದೆ.