ನಿದ್ದೆ ಮಾಡುವಾಗ ಗೊರಕೆ ಬಂದರೆ ಅದು ಗೊರಕೆ ಹೊಡೆಯುವವರ ಸಮಸ್ಯೆ ಅಲ್ಲ ಬದಲಿಗೆ ಪಕ್ಕದಲ್ಲಿ ಮಲಗುವವರಿಗೆ ಸಮಸ್ಯೆ ಆಗುತ್ತದೆ ಅಲ್ವಾ?
ಸಾಧಾರಣವಾಗಿ ನಾವು ಮೂಗಿನಲ್ಲಿ ಉಸಿರಾಡುತ್ತೇವೆ. ಆದರೆ ಗೊರಕೆ ಬರುತ್ತಿದೆ ಎಂದರೆ ನಾವು ಬಾಯಿಯಲ್ಲಿ ಉಸಿರಾಡುತ್ತೇವೆ ಎಂದರ್ಥ. ಹಾಗಿದ್ರೆ ಈ ಗೊರಕೆ ಸಮಸ್ಯೆಗೆ ಕಾರಣ ಏನಿರಬಹುದು? ಏನು ಮಾಡಿದರೆ ಗೊರಕೆ ಕಡಿಮೆ ಆಗುತ್ತದೆ?
• ತೂಕ ಹೆಚ್ಚಳ: ಹೆಚ್ಚು ತೂಕ ಇರುವವರಿಗೆ ಈ ಗೊರಕೆ ಸಮಸ್ಯೆ ಕಾಡುತ್ತದೆ. ನಮ್ಮ ಎತ್ತರಕ್ಕೆ ಸರಿಯಾಗಿ ದೇಹದ ತೂಕವನ್ನು ಸಮವಾಗಿ ಕಾಪಾಡಿಕೊಳ್ಳಬೇಕು. ಇಲ್ಲವಾದರೆ ಒಬೆಸಿಟಿ ಹೆಚ್ಚಾಗಿ ಗೊರಕೆ ಸಮಸ್ಯೆ ಶುರುವಾಗುತ್ತದೆ.
• ಮದ್ಯ ಹಾಗೂ ಔಷಧ: ಮದ್ಯಪಾನಿಗಳು ಮತ್ತು ಕೆಲವು ರೀತಿಯ ಔಷಧಿಗಳನ್ನು ಸೇವಿಸುವವರಲ್ಲಿ ಗೊರಕೆ ಕಾಣಬಹುದು. ಈ ಔಷಧಗಳು ನಿಮ್ಮ ಸ್ನಾಯುಗಳನ್ನು ಹೆಚ್ಚು ರಿಲ್ಯಾಕ್ಸ್ ಮಾಡಬಹುದು. ಇದರಿಂದ ಉಸಿರಾಟಕ್ಕೆ ಸಂಬಂಧಪಟ್ಟ ಸ್ನಾಯುಗಳೂ ರಿಲ್ಯಾಕ್ಸ್ ಆಗಿ ಗೊರಕೆಗೆ ಕಾರಣವಾಗಬಹುದು.
• ದೇಹದ ಸಮಸ್ಯೆ: ಬಾಯಲ್ಲಿ ದೊಡ್ಡ ಟಾನ್ಸಿಲ್ಗಳಿದ್ದರೆ, ಸಣ್ಣ ದವಡೆ, ಮೂಗಿನ ಹೊಳ್ಳೆಗಳಲ್ಲಿ ಏನಾದರೂ ಸಮಸ್ಯೆ ಇದ್ದರೆ, ಅವು ನಿಮ್ಮ ಉಸಿರಾಟಕ್ಕೆ ತೊಂದರೆ ನೀಡಬಹುದು.
• ಶೀತ: ಶೀತ ಅಥವಾ ಅಲರ್ಜಿಯ ಕಾರಣದಿಂದಾಗಿ ನಿಮ್ಮ ಮೂಗು ಬ್ಲಾಕ್ ಆಗಿದ್ದರೆ ನೀವು ಹೆಚ್ಚು ಗೊರಕೆ ಬರುತ್ತದೆ.
• ವ್ಯಾಯಾಮ: ಇದರಿಂದ ನಿಮ್ಮ ಉಸಿರಾಟ ಸರಿಯಾಗುತ್ತದೆ ಹಾಗೂ ಮೂಗಿನ ಹೊಳ್ಳೆ ಬ್ಲಾಕ್ ಆಗುವುದರಿಂದ ತಪ್ಪಿಸುತ್ತದೆ.