ಯಾವುದೇ ಫ್ಯಾಮಿಲಿ ಫಕ್ಷಂನ್ ಇರಲಿ ಸರಿಯಾದ ಅಲಂಕರವಿಲ್ಲದೆ ಮನೆಯಿಂದ ಹೊರಗಡೆ ಕಾಲು ಇಡುವುದಿಲ್ಲ ಮಹಿಳೆಯರು. ಅದಕ್ಕಾಗಿ ಕೊಂಚ ಹೆಚ್ಚು ಸಮಯವನ್ನು ತಗೆದು ಕೊಲ್ಳುವುದು ಸಹಜ. ಇಡೀ ಮನೆಯವರು ರೆಡಿಯಾದರು ಇವಳು ಮಾತ್ರ ಇಲ್ಲರಿಗಿಂತ ಲೇಟ್. ಆಭರಣ ಪ್ರಿಯೆ ಹೆಣ್ಣು, ಅದರಲ್ಲೂ ತನ್ನ ಉಡುಗೆಗೆ ಒಪ್ಪುವಂತಹ ಒಡವೆಯನ್ನು ಧರಿಸಲು ಹೆಚ್ಚು ಆಸಕ್ತಿಯನ್ನು ತೋರಿಸುತ್ತಾಳೆ.
ಭಾರತೀಯ ಸಂಸ್ಕೃತಿಯಲ್ಲಿರುವ ವಿಶಿಷ್ಟವಾದ ವಿನ್ಯಾಸದ ಆಭರಣ ಮಹಿಳೆಯರ ಕಿವಿಯೋಲೆ ಜುಮ್ಕಿ. ಪ್ರಾಚೀನ ಕಾಲದಿಂದಲೂ ಅಸ್ತಿತ್ವದಲ್ಲಿ ಇದಂತಹ ಒಂದು ಸಾಪ್ರಾದಾಯಿಕ ಕಿವಿಯೊಲೆ ಜುಮ್ಕಿ ಇಂದಿಗೂ ಅತೀ ಬೇಡಿಕೆಯಲ್ಲಿರುವ ಕಿವಿಯೊಲೆಯಾಗಿದೆ. ಇಂದು ಜುಮ್ಕಿ ವಿಭಿನ್ನ ವಿನ್ಯಾಸಗಳಲ್ಲಿ ಲಭ್ಯವಿದೆ. ಮಹಿಳೆಯರ ಚಿನ್ನದ ಕಲೆಕ್ಷನ್ಗಳಲ್ಲಿ ಜುಮ್ಕಿ ಒಂದು ಪರಿಪೂರ್ಣ ಒಡವೆಯಾಗಿದೆ.
ಸಾಂಪ್ರದಾಯಿಕ ಗೋಲ್ಡನ್ ಜುಮ್ಕಿ ಪುರಾತನ ಕಾಲದಿಂದಲೂ ಸಾಕಷ್ಟು ಮಹತ್ವ ಪಡೆದಿದೆ. ವಿವಿಧ ಆಕಾರ, ಹೊಳೆಯುವ ಕಲ್ಲುಗಳಿಂದ ಇದನ್ನು ವಿನ್ಯಾಸಗೊಳಿಸಲಾಗಿರುತ್ತದೆ. ಅಪ್ಪಟ್ಟ ಭಾರತೀಯರ ಅಭಿರುಚಿಗೆ ತಕ್ಕಂತೆ ವಿನ್ಯಾಸಗೊಳಿಸಲಾಗಿರುತ್ತದೆ.
ಸಿಲ್ವರ್ ಆಕ್ಸಡ್ ಜುಮ್ಕಿಯನ್ನು ಹೆಚ್ಚಾಗಿ ಗುಜರಾತಿ ಶೈಲಿಯ ಜುಮ್ಕಿಗಳು ಜನಪ್ರಿಯವಾಗಿದೆ. ಹಬ್ಬಹರಿದಿನಗಳಲ್ಲಿ ಹೆಚ್ಚಾಗಿ ದೊಡ್ಡ ದೊಡ್ಡ ಜುಮುಕಾಂಸ್ ಗಳನ್ನು ಗುಜರಾತಿ ಮಹಿಳೆಯರು ಧರಿಸುತ್ತಾರೆ. ನವರಾತ್ರಿಯ ಸಂದರ್ಭದಲ್ಲಿ ದಾಂಡಿಯ ನೃತ್ಯಗಳಲ್ಲಿ ಹೆಚ್ಚಾಗಿ ಇಂತಹ ಬೆಳ್ಳಿಯ ಜಮ್ಕಿಗಳನ್ನು ಬಳಸುವುದಿದೆ.
ಡೈಮಂಡ್ ಜುಮ್ಕಿಯಲ್ಲಿ ಮನೋಮೋಹಕ ಸ್ಪರ್ಶ ನೀಡಲು ಡೈಮಂಡ್ ಬಳಸಲಾಗುತ್ತದೆ. ಇದನ್ನು ಡೈಮಂಡ್ ಜುಮ್ಕಿ ಎನಲಾಗುತ್ತದೆ. ಟೆರಾಕೋಟಾ ಜುಮ್ಕಿ ಹ್ಯಾಂಡ್ ಮೇಡ್ ಜೀಡಿಮಣ್ಣಿನಿಂದ ಮತ್ತು ನೂಲಿನಿಂದಲೂ ತಯರಿಸಬಹುದಾದ ಜುಮ್ಕಿ ಇದಾಗಿದ್ದು ಇದರಲ್ಲಿ ಪ್ರಾಣೆ, ಎಲೆ, ಹೂ ಗಳ ವಿನ್ಯಾಸವನ್ನು ಕಾಣಬಹುದು.
ಕಾಶ್ಮೀರಿ ಜುಮ್ಕಿ ವಿವಿಧ ಜನಾಂಗಿಯ ಮಹಿಳೆಯರಿಗೆ ಒಪ್ಪುವಂತಹ ಜುಮ್ಕಿ ಇದಾಗಿದೆ. ಪ್ರಸ್ತುತ ಹೆಚ್ಚು ಬೇಡಿಕೆಯಲ್ಲಿರುವ ಈ ಜುಮ್ಕಿಗಕಿಗೆ ಉದ್ದದ ಸರಪಣೆಯನ್ನು ಜೋಡಿಸಲಾಗಿರುತ್ತದೆ. ಸರಪಣೆಯನ್ನು ಕಿವಿಯ ಹಿಂದೆ ಹಾಕಲಾಗುತ್ತದೆ. ತುಂಬಾ ಗ್ರ್ಯಾಂಡ್ ಲುಕ್ ಕೊಡುವ ಕಿವಿಯೋಲೆ ಇದಾಗಿದೆ.
ಪರ್ಲ್ ಜುಮ್ಕಿ ಇದು ರಿಚ್ ಮತ್ತು ಕ್ಲಾಸಿಕ್ ಕಲೆಕ್ಷನ್ ಎನ್ನಬಹುದು. ಜುಮ್ಕಿಯ ಕೆಳಗೆ ಮುತ್ತುಗಳನ್ನು ದಪ್ಪವಾಗಿ ಜೋಡಿಸಲಾಗುತ್ತದೆ. ಇದು ಕೂಡ ಹೆಚ್ಚು ಗ್ರ್ಯಾಂಡ್ ಲುಕ್ ನೀಡುತ್ತದೆ.
ಕುಂದನ್ ಜುಮ್ಕಿ ರಾಜಸ್ಥಾನದಲ್ಲಿ ಹೆಚ್ಚು ಪ್ರಸಿದ್ದವಾಗಿರುವ ರಾಯಲ್ ಜ್ಯುವೆಲ್ಲರಿ ಇದಾಗಿದೆ. ಬಣ್ಣ ಬಣ್ಣದ ಹರಳುಗಳನ್ನು ಸೇರಿಸಿ ಸುಂದರವಾದ ಕಲಾಕೃತಿಗಳನ್ನು ಇದು ಒಳಗೊಂಡಿರುತ್ತದೆ.
ಇಯರ್ ಕಪ್ಸ್ ಜುಮ್ಕಿ ನವಿಲು ಆಕೃತಿಯಿಂದ ಪ್ರೇರಿತವಾಗಿ ವಿನ್ಯಾನಸಗೊಳಿಸಿರುವ ಕಿವಿಯೋಲೆ ಇದು. ಫ್ಯಾನ್ಸಿಯಾಗಿದ್ದು ಡಿಸೈನರ್ ಡ್ರೆಸ್ಗಳಿಗೆ ಹೇಳಿ ಮಾಡಿಸಿದಂತಿದೆ.
ಹೂಪ್ಸ್ ಜುಮ್ಕಿಯಲ್ಲಿ ರಿಂಗ್ಗೆ ಜುಮ್ಕಿಯನ್ನು ಜೋಡಿಸಲಾಗಿರುತ್ತದೆ ಇದು ಸೀರೆ, ಸೂಟ್ ಮತ್ತು ಚೂಡಿದಾರದಂತಹ ಡ್ರೆಸ್ಗೆ ಒಪ್ಪುವಂತದಾಗಿದೆ.
ಜಗತ್ತಿನಲ್ಲಿ ಎಷ್ಟೇ ಬದಲಾವಣೆಗಳಾದರೂ ಸಾಂಪ್ರದಾಯಿಕ ವಸ್ತುಗಳ ಮೇಲೆ ಮೋಹ ಹೋಗುವುದಿಲ್ಲ. ಅದಕ್ಕೆ ಸಾಕ್ಷಿಯಾಗಿ ಹೊಸ ಹೊಸ ಅವತಾರಗಳಲ್ಲಿ ಲಭ್ಯವಿರುವ ಜುಮ್ಕಿ ಕಿವಿಯೊಲೆಗಳು. ಪ್ರತಿ ಮಹಿಳೆಯು ಸುಂದರವಾದ ಸಾಂಪ್ರದಾಯಿಕ ಲುಕ್ಗೆ ಈ ಭಾರತೀಯ ವಿನ್ಯಾಸದ ಆಭರಣಗಳು ಹೆಚ್ಚು ಮೆರುಗು ನೀಡುತ್ತವೆ.