ಕೆಲವೊಬ್ಬರಿಗೆ ಕಾಫಿ ಮತ್ತು ಟೀ ಕುಡಿಯದಿದ್ದರೆ ಆಗುವುದಿಲ್ಲ. ಟೀ ಅಲ್ಲಿ ಅನೇಕ ಬಗೆಗಳಿರುತ್ತವೆ. ಕೆಲವರಿಗೆ ಶುಂಠಿ, ಏಲಕ್ಕಿ ರುಬ್ಬಿ ಮಾಡುವ ಮಸಾಲಾ ಟೀ ಇಷ್ಟವಾದರೆ ಇನ್ನು ಕೆಲವರಿಗೆ ಗಟ್ಟಿಯಾಗಿ ಮಾಡಿದ ಹಾಲಿನ ಚಹಾ ಬಹಳ ಇಷ್ಟ. ಮತ್ತೆ ಕೆಲವರು ಲೆಮನ್ ಟೀಯನ್ನು ತುಂಬಾ ಇಷ್ಟಪಡುತ್ತಾರೆ. ಅವರವರ ಇಷ್ಟದ ಪ್ರಕಾರ ಟೀ ಕುಡಿಯೋ ಅಭ್ಯಾಸವನ್ನು ಬೆಳೆಸಿಕೊಂಡಿರುತ್ತಾರೆ.
ನಿಂಬೆ ಮತ್ತು ಚಹಾ ಎಲೆಗಳು ಉತ್ಕರ್ಷಣ ನಿರೋಧಕಗಳಲ್ಲಿ ಹೇರಳವಾಗಿವೆ. ಹಾಗಾಗಿ ಆಗಾಗ ಟೀಗೆ ನಿಂಬೆರಸ ಸೇರಿಸಿ ಕುಡಿಯುತ್ತೇವೆ. ಇದು ನಮ್ಮ ತೂಕವನ್ನು ಕಡಿಮೆ ಮಾಡಿಕೊಳ್ಳಲು ಸಹಾಯವಾಗುತ್ತದೆ ಎಂದು ನಾವು ಅದನ್ನು ಉಪಯೋಗಿಸುತ್ತೇವೆ.
ಲೆಮನ್ ಟೀ ಕುಡಿಯುವುದರಿಂದ ಅಜೀರ್ಣ, ಆಮ್ಲೀಯತೆ ಮತ್ತು ಇತರ ಜೀರ್ಣಕಾರಿ ಸಮಸ್ಯೆಗಳಿಗೆ ಕಾರಣವಾಗುತ್ತದೆ. ಅಂದರೆ ನಿಂಬೆ ಆಮ್ಲೀಯವಾಗಿದ್ದು, ಚಹಾದೊಂದಿಗೆ ಸಂಯೋಜಿಸಿದಾಗ, ಇದು ಆಮ್ಲೀಯತೆಯ ಮಟ್ಟವನ್ನು ಹೆಚ್ಚಿಸುತ್ತದೆ. ಒಂದೇ ರೀತಿಯ ಗುಣಲಕ್ಷಣಗಳನ್ನು ಹೊಂದಿರುವ ಎರಡು ಪದಾರ್ಥಗಳು ದೇಹದಲ್ಲಿ ಪಿತ್ತ ಮತ್ತು ಕಫವನ್ನು ಉಂಟುಮಾಡುತ್ತವೆ.
ನಿಜಕ್ಕೂ ಚಹಾಕ್ಕೆ ನಿಂಬೆ ಸೇರಿಸುವುದರಿಂದ ಆಗುವ ಅಡ್ಡಪರಿಣಾಮಗಳು ಯಾವುವು ಎಂದು ನೋಡುವುದಾದರೆ:
ಜೀರ್ಣಕಾರಿ ಸಮಸ್ಯೆ: ಚಹಾಕ್ಕೆ ನಿಂಬೆ ರಸವನ್ನು ಸೇರಿಸುವುದರಿಂದ ಆಮ್ಲದ ಮಟ್ಟವನ್ನು ಹೆಚ್ಚಿಸಬಹುದು. ಇದು ನಿಮ್ಮ ದೇಹದ ಜೀರ್ಣಕ್ರಿಯೆಯ ಪ್ರಕ್ರಿಯೆಯನ್ನು ನಿಧಾನಗೊಳಿಸಬಹುದು. ಅಲ್ಲದೆ ಎದೆಯುರಿ, ಆಸಿಡ್ ಹೊಟ್ಟೆ ಉಬ್ಬುವುದು ಮತ್ತು ಮಲಬದ್ಧತೆಯನ್ನು ಸಹ ಪ್ರಚೋದಿಸುವ ಸಾಧ್ಯತೆ ಇರುತ್ತದೆ.
ನಿರ್ಜಲೀಕರಣದ ಅಪಾಯ: ದೇಹದಲ್ಲಿ ಆಮ್ಲದ ಮಟ್ಟ ಹೆಚ್ಚಳವು ಚಯಾಪಚಯ ಕ್ರಿಯೆಯನ್ನು ಪ್ರತಿಬಂಧಿಸುತ್ತದೆ. ದೇಹದ ನೀರಿನ ಮಟ್ಟದಲ್ಲಿ ಅಸಮತೋಲನ ಉಂಟಾಗುತ್ತದೆ. ಇದು ವಿವಿಧ ಆರೋಗ್ಯ ಸಮಸ್ಯೆಗಳಿಗೂ ಕಾರಣವಾಗುತ್ತದೆ. ಹಾಗಾಗಿ ಹೆಚ್ಚು ನಿಂಬೆ ಚಹಾವನ್ನು ಸೇವಿಸಿದ ನಂತರ ತಲೆನೋವು ಮತ್ತು ದೈಹಿಕ ಅಸ್ವಸ್ಥತೆಯನ್ನು ಅನುಭವಿಸುವುದು ಸಾಮಾನ್ಯವಾಗಿದೆ.
ಬಾಯಿಯ ಆರೋಗ್ಯಕ್ಕೆ ಕೆಟ್ಟದು: ನಿಂಬೆಯಲ್ಲಿರುವ ಆಮ್ಲೀಯತೆಯು ನಿಮ್ಮ ಹಲ್ಲುಗಳಿಗೆ ಹಾನಿ ಉಂಟು ಮಾಡುತ್ತದೆ. ಚಹಾ ಮತ್ತು ನಿಂಬೆಯ ಸಂಯೋಜನೆಯಿಂದಾಗಿ ಆಮ್ಲೀಯತೆಯ ಮಟ್ಟವು ಹೆಚ್ಚಾದಾಗ, ಹಲ್ಲಿನ ಸವೆತ ಪ್ರಕ್ರಿಯೆಯು ವೇಗಗೊಳ್ಳುತ್ತದೆ. ಅಲ್ಲದೇ, ನಿಂಬೆ ಚಹಾವನ್ನು ಸೇವಿಸಿದ ನಂತರ ನೀವು ತೀವ್ರವಾದ ನೋವು ಮತ್ತು ಸೂಕ್ಷ್ಮತೆಯನ್ನು ಅನುಭವಿಸಲುಬಹುದು.
ಮೂಳೆ ಸಮಸ್ಯೆ: ನಿಂಬೆ ನೀರನ್ನು ಕುಡಿಯುವುದರಿಂದ ದೇಹದಲ್ಲಿರುವ ಹೆಚ್ಚುವರಿ ಕ್ಯಾಲ್ಸಿಯಂ ಅನ್ನು ತೆಗೆದುಹಾಕುತ್ತದೆ ಎಂದು ಹೇಳಲಾಗುತ್ತದೆ. ಇದು ಮೂಳೆಯ ಆರೋಗ್ಯದ ಮೇಲೆ ನೇರವಾಗಿ ಪರಿಣಾಮ ಬೀರುವ ಸಾಧ್ಯತೆ ಇದರಲ್ಲಿ ಇರುತ್ತದೆ.